லிங்கேஸ்வரன் விஸ்வாதமிழரின் தாகம் தமிழீழத் தாயகம்

 

தமிழினப் படுகொலையை நியாயப்படுத்தும் படம் 'Madras Cafe'. இதனை எதிர்த்து குரல் கொடுப்பதற்கும், இதனைத் தடை செய்வதற்கும் தமிழகத்தில் முதுகெலும்புள்ள தமிழர்கள் இல்லையா? 

சிங்களப் பேரினவாதம் மனிதாபிமான நடவடிக்கை என்று தமிழின அழிப்பை நியாயப்படுத்தி இனப்படுகொலையினை மூடிமறைக்கும் முயற்சியில் ஈடுபட்டுவருகிறது. சிங்கள அரசும், இந்திய அரசும் இணைந்து ஈழத்தில் நிகழ்த்தியது இனப்படுகொலையல்ல, அது மனிதாபிமான நடவடிக்கை என்பதனையே இப்படம் வலியுறுத்துவதாக அமைந்துள்ளது. இவ்வாறு இப்படம் தொடர்பான சில தகவல்கள் வெளிவந்துள்ளன.

தமிழினத்தை அழித்த சிங்கள அரக்கர்களும் சோனியா என்ற அரக்கியின் அரசும் இன்று தமிழின அழிப்பை நியாயப்படுத்தும் முயற்சியில் ஈடுபடுகிறார்கள். மற்றும் தமிழரின் போராட்டத்தை இழிவு படுத்தும் முயற்சியிலும் ஈடுபடுகிறார்கள்.

சனல் 4 காணொளியின் காட்சிகள் சிங்களப் பேரினவாதிகளின் போலி முகமூடியைக் கிழித்தது, அதற்குப் போட்டியாக தாங்கள் உண்மைகளை உரைத்திருக்கிறோம் என்று கூறி இப்படத்தில் முற்றுமுழுதாகச் சிங்கள இராணுவத்தினர் மனிதாபிமான போரை நடத்தியதாக காட்ட முயற்சி செய்திருக்கிறார்கள் இப்படத்தை உருவாக்கியவர்கள். இப்படத்தை உருவாக்கியவர்கள் மகிந்த உட்பட சிங்கள இராணவ அதிகாரிகளைச் சந்தித்து அவர்களின் ஆதரவினால் சிறிலங்காவிலும் இந்தியாவிலும் எடுக்கப்பட்ட படம் தான் 'Madras Cafe'.

தமிழீழப் போராட்டத்தை இழிவு படுத்தி, தமிழீழ விடுதலைப் புலிகளைக் கொடூரப் பயங்கரவாதிகள் போன்று காட்ட முற்பட்டிருக்கிறது இப்படம். மேலும் சிங்கள இராணவத்தினரை மனிதாபிமானம் மிக்கவர்களாகவும் காட்டியுள்ளது.

இப்படத்தின் Trailer-ல் சில காட்சிகள் காட்டப்பட்டிருக்கிறது. சர்வதேச ஊடகவியலாளரின் கண்ணைக் கட்டி புலிகள் அவரைக் கடத்திச் செல்வது போன்றும், தங்களிடம் கைது செய்யப்பட்ட இந்திய உளவுத்துறையைச் சேர்ந்தவரை (அதாவது கதாநாயகனை) புலிகள் அடித்துச் சித்திரவதை செய்து அவரை இழுத்துவருவது போன்ற காட்சிகளும் அதில் உள்ளன. காந்தியின் தேசம் என்று கூறிக்கொள்ளும் அயோக்கிய இந்தியர்கள் இப்படியான உண்மைக்கு மாறான காட்சிகளை எடுத்து தாங்கள் உண்மைகளை உரைத்திருக்கிறோம் என்று கூறியிருக்கிறார்கள்.

எப்போது சர்வதேச ஊடகவியலாளரைப் புலிகள் கண்ணைக் கட்டி கடத்திச் சென்றுள்ளார்கள்? எப்போது தங்களிடம் சரணடைந்த படையினரைப் புலிகள் அடித்துச் சித்திரவதை செய்திருக்கிறார்கள்?

சிங்களப் படையினர் இறுதிப் போரில் காயமடைந்த மக்களையும் சுட்டுப் படுகொலை செய்தார்கள் என்று சனல் 4 தகவல் வெளியிட்டது. ஆனால் இப்படத்தில் இறுதிப்போரின் போது காயப்பட்ட மக்களை தங்களின் உயிரைப் பணையம் வைத்துச் சிங்களப் படை காப்பாற்றுவது போன்று இப்படத்தில் காட்டப்பட்டுள்ளது. மேலும் சிங்கள அரசு கூறியது போன்று தமிழக மீனவர்கள் புலிகளுக்காக ஆயுதக் கடத்தலில் ஈடுபட்டார்கள் என்றும் இப்படத்தில் கூறப்படுகிறது, மேலும் தமிழகத்தைப் பற்றியும் தமிழின உணர்வாளர்களைப் பற்றியும் உண்மைக்கு மாறான பல தகவல்களை வெளியிட்டுள்ளது இப்படம். 

தமிழின அழிப்பை நியாயப்படுத்தியும், சிங்களப் பேரினவாதிகளுக்குத் துணைசென்றிருக்கும் இப்படத்தை தமிழகத்தில் தடைசெய்வதற்கு முதுகெலும்புள்ள தமிழர்கள் இல்லையா? தமிழினப்படுகொலையினை மறுதலிக்கும் இப்படத்திற்கு எதிராகத் தமிழக மக்களும் உலகத்தமிழர்களும் குரல் எழுப்பவேண்டும். கருத்துச் சுதந்திரத்தின் பெயரில் மலையாளி தமிழினத்திற்கு எதிராகப் படத்தை தயாரித்தும் நடித்தும் சிங்களப் பேரினவாதிகளினதும் காங்கிரஸ் அரசினதும் திட்டமிட்ட சதித்திட்டத்தையும் அரங்கேற்றியிருக்கிறான். இப்படத்தைப் பற்றி நாளை விரிவாக எழுதவேண்டியுள்ளது.

 

https://www.facebook.com/photo.php?fbid=216026558551378&set=gm.551266358253960&type=1

 

 

தமிழினப் படுகொலைகளை நியாப்படுத்துபவர்கள் காடையர்களாகவே இருப்பர்.