யாழ் குடா நிலவரம்!!!

தொடர்ந்து மூன்று நாட்களாக போர்களமாக மாறியிருக்கும் யாழ் குடாநாட்டின் உண்மையான நிலவரம் ஒரு மர்மமாகவே தொடர்ந்தும் இருக்கிறது. உண்மையான செய்திகளை அறிய முடியாத நிலையில் வெறும் ஊகங்களும் வதந்திகளும் பரவி மக்களை மேலும் குழப்பத்தில் ஆழ்த்திக் கொண்டிருக்கின்றன.

போர்முனைச் செய்திகளை விடுதலைப்புலிகளும் அடக்கியே வாசிக்கின்றனர். பலாலியில் வான்புலிகளின் தாக்குதல் பற்றியும் விடுதலைப்புலிகள் பட்டும் படாமலுமே கருத்து தெரிவித்திருந்தனர். முகமாலை, மண்டைதீவு சண்டைகள் குறித்தும் பெருமளவிலான தகவல்கள் விடுதலைப்புலிகளிடம் இருந்து வரவில்லை. சில ராஜதந்திரக் காரணங்களாலேயே விடுதலைப்புலிகள் இவ்வாறு நடந்து கொள்வதாக நம்பப்படுகிறது. சிறிலங்கா அரசு உத்தியோகபூர்வமாக யுத்தப் பிரகடனம் செய்யும் வரைக்கும் இந் நிலை நீடிக்கலாம்.

இன்று மண்டைதீவில் இராணுவத்தின் நிலைகளை தாக்கி அழித்த விடுதலைப்புலிகளின் ஈரூடகப் படையணி (மரீன்) மீண்டும் தளம் திரும்பியுள்ளதாக விடுதலைப்புலிகள் அறிவித்துள்ளனர்.

முகமாலையில் இன்றும் தொடர்ந்து சண்டை நீடிக்கிறது. சிறிலங்கா இராணுவத்தினரின் 53ஆம் விசேட படையணி மேற்கொண்ட முன்னேற்ற நகர்வை விடுதலைப்புலிகளின் படையணிகள் முறியடித்தன. இச் சண்டையில் இராணுவத்தினருக்கு பலத்த இழப்பு ஏற்பட்டுள்ளது. நூறுக்கும் மேற்பட்ட படையினர் கொல்லப்பட்டுள்ளதாக சில தகவல்கள் தெரிவிக்கின்றன. சிறிலங்கா இராணுவத்தின் டாங்கி ஒன்று முற்றாக அழிக்கப்பட்டது. மற்றொன்று சேதமாக்கப்பட்டது.

அதே வேளை இன்று அல்லைப்பிட்டி, வேலணை, ஊர்காவற்றுறை போன்ற இடங்களில் விடுதலைப்புலிகளுக்கும் படையினருக்கும் கடும் சண்டைகள் நிகழ்ந்ததாகவும் சில செய்திகள் தெரிவித்தன. அப் பகுதியில் விடுதலைப்புலிகள் பாரிய தரை இறக்கம் மேற்கொண்டதாகவும் அச் செய்திகள் தெரிவித்திருந்தன. அல்லைப்பட்டியில் சிறிலங்கா இராணுவம் பல்குழல் எறிகணைத் தாக்குதல் நடத்தியதில் பல அப்பாவித் தமிழ் மக்கள் கொல்லப்பட்டிருக்கின்றனர். 40 பேர் வரையில் கொல்லப்பட்டிருக்கலாம் என அஞ்சப்படுகிறது.

உண்மையில் விடுதலைப்புலிகளின் தரையிறக்கங்கள் குறித்து வருகின்று செய்திகள் பெரும் குழப்பத்தை கொடுப்பனவாகவே இருக்கின்றன. விடுதலைப்புலிகள் சிறிய குழுக்களாக யாழ் குடாவின் பல பகுதிகளில் ஊடுருவி வருகிறார்கள். இவைகளை சில ஊடகங்கள் தரையிறக்கமாகவும் படைநகர்வாகவும் சித்தரித்து வருகின்றன.

தற்பொழுது யாழ் குடாவில் படையினருக்கு பெரும் ஆட்தட்டுப்பாடு நேர்ந்துள்ளது. திருகோணமலை, மணலாறு என்று பல முனைகளில் போரிட வேண்டியிருப்பதால் முகமாலையிலும் தீவுப்பகுதிகளிலும் போரிடுவதற்கு ஆட்பலம் இல்லாது சிறிலங்கா இராணுவம் திணறிக் கொண்டிருக்கிறது. இதனால் யாழ் குடாவில் உள்ள சிறிய முகாம்களை மூட வேண்டிய நிலைக்கு சிறிலங்கா இராணுவம் தள்ளப்பட்டிருக்கிறது.

இப்படி யாழ் குடாவில் இராணுவ முகாம்கள் மூடப்படும் பொழுது, யாழ் குடாவில் ஊடுருவி இருக்கும் விடுதலைப்புலிகளின் சிறிய குழுக்கள் அப் பகுதிகளை தமது கட்டுப்பாட்டுக்குள் கொண்டு வரும். ஆகவே யாழ் குடாவின் பெரும் பகுதி சண்டை நடைபெறாமலே விடுதலைப்புலிகளின் கட்டுப்பாட்டுக்குள் வந்துவிடும். இதை சிறிலங்கா இராணுவத்தால் எவ்வகையிலும் தடுக்க முடியாத நிலையே தற்பொழுது காணப்படுகிறது.

அத்துடன் அமெரிக்காவின் புகழ் பெற்ற படையணியான "மரீன்" போன்று கடலிலும் தரையிலும் சண்டை செய்யும் வல்லமை படைத்த ஒரு ஈரூடகப் படையணியை விடுதலைப்புலிகள் உருவாக்கியிருப்பது சிறிலங்கா அரசுக்கு இன்னும் ஓர் அதிர்ச்சி தரும் செய்தி ஆகும். கடலினால் சூழப்பட்டிருக்கும் யாழ் குடாவை கைப்பற்றும் சண்டையில் இது போன்ற ஒரு ஈரூடகப் படையணி மேலும் வலுச் சேர்க்கும். அத்தடன் சிறிலங்காவின் எப் பகுதியிலும் இந்த "மரீன்" படையணி தரையிறங்கித் தாக்குதலை தொடுக்கலாம். சிறிலங்காவிடம் கூட இவ்வாறான ஒரு படையணி இல்லை என்பது இங்கு குறிப்பிடத் தக்கது.

யாழை கைப்பற்றும் எண்ணம் தற்போதைக்கு இல்லை என விடுதலைப்புலிகள் தெரிவித்திருந்தாலும், அதற்கான ஏற்பாடுகளை விடுதலைப்புலிகள் செய்து வருவதை சிறிலங்கா அரசும் உணர்ந்தே உள்ளது.

http://www.webeelam.com/

இன்று சில மணிநேரம் ஊடரங்கைத் தளர்த்த உள்ளதாகச் செய்திகள் வருகின்றன. ஆனால் அதில் கூட மக்களை பகடக்காயக்கும் மகிந்தவின் சிந்தனையின் கொடூரம் தெரிகின்றது.

வலிகாமத்துக்கு, ஒருநேரமும், வடமராட்சி, தென்மராட்சிக்கு வௌ;வேறான நேரமும் அறிவித்து( 2மணித்தியலாங்கள்) தெனிமராட்சி மக்கள் பாதுகாப்பிற்காக இடம்பெயர்வைத் தடுக்கும் ஒரு கபடத் திட்டத்தை செய்து வைத்திருக்கின்றது.

எம் தமிழ்மக்களின் உயிரை குடிக்க நினைக்கும், இது தான் மகிந்த சிந்தனாவின் இன்னுமொரு முகம்!!