எமது பலமே எமக்கு ஆதாரம்-ஞாலவன்-

எமது பலமே எமக்கு ஆதாரம்

-ஞாலவன்-

1990 இல் ஈராக்கியப் படைகளின் ஆக்கிரமிப்பிலிருந்து குவெய்த்தை 'விடுவிப்பதற்காக" முழு அளவிலான யுத்தமொன்றை அமெரிக்கப்படைகள் ஆரம்பிப்பதற்கு முன்பாக, அமெரிக்காவின் பிரபல்யமான தொலைக்காட்சிச்சேவைகளில் எல்லாம் அடிக்கடி ஒரு அரேபியச்சிறுமியின் முகம் காட்டப்பட்டது.

அமெரிக்கக்காங்கிரசின் முன்பாகத்தோன்றி குவெய்த்திலுள்ள அல் அடாம் வைத்தியசாலையின் மகப்பேற்றுப்பிரிவில் தாதியாகப் பணிபுரிந்துவந்த நயிரா என்பவளாக சோகத்தில்தோய்ந்த நிலையில் தன்னை அறிமுகப்படுத்திக்கொண்ட அவள், தன்னுடைய பராமரிப்பிலிருந்த குழந்தைகளை கண்முன்னேயே ஈராக்கியப்படைகள் கட்டில்களிலிருந்து இழுத்து வெறுந்தரையில் வீசிக்கொன்ற கோரத்தை சித்திரித்தாள். ஐக்கிய அமெரிக்கத் தொலைக்காட்சிகளில் நயிராவின் 'வாக்குமூலம்" அடிக்கடி காட்டப்பட்டது மாத்திரமன்றி, யுத்தத்தை ஆரம்பிப்பதற்கு முன்பாக ஜோர்ஜ் புஸ் (சீனியர்) இனால் 6 தடவைகளுக்கு மேலாக கோடிகாட்டப்பட்டிருந்தது.

இந்தவகையில் ~பாலைவனப்புயல்| நடவடிக்கை நியாயபூர்வமானதென்ற அபிப்பிராயம் பொதுமக்களிடையே பரப்பப்பட்டது. உண்மையில் அமெரிக்காவிலுள்ள குவெய்த் நாட்டுத்தூதுவர் ஒருவரின் மகளாகிய 15 வயதேயான மேற்கண்ட 'நயிரா" இனால் எப்படி அல் அடாமிலுள்ள மகப்பேற்றுப்பிரிவிற்குச் சென்று பணியாற்ற முடிந்தது?

அமெரிக்காவிலிருந்த குவெய்த் தரப்புகளால் அணுகப்பட்ட கருத்துப்புனைவுகளுக்கான Pரடிடiஉ சுநடயவழைளெ குசைஅ ர்டைட யனெ முழெறடவழn நிறுவனம்தான் பின்னாளில் துணை வர்த்தகச்செயலாகப் பதவிபெற்ற டுயரசi குவைண-Pநபயனழ இன் ஆலோசனையின்பேரில் இந்த 'வாக்குமூல" நாடகத்தை அரங்கேற்றியது. இதில் சம்பந்தப்பட்டவர்கள் எவரும் காங்கிரசிற்கு முன்பாக பொய்யான வாக்குமூலம் அளித்ததற்காகக் குற்றம் சாட்டப்படவில்லை. ஏனென்றால் அமெரிக்காவிற்குத் தேவையான யுத்தத்திற்கு அது அவசியமாயும் ஆதாரமாயும் அமைந்திருந்தது.

2001 ஆம் ஆண்டு மேற்கொள்ளப்பட்ட ஆப்கானிஸ்தான் மீதான யுத்தத்தின் ஒரு கட்டத்தில் தலைநகர் காபூல் முற்றுகையிடப்பட்டபோது நவம்பர் 12 ஆம் திகதி அன்று அங்கிருந்த தனித்துவமான அரேபியத்தொலைக்காட்சி நிறுவனமான அல் ஜசீராவின் பணிமனை மீது 250 கிலோ எடையுள்ள குண்டுகள் வீசப்பட்டன. குறித்த தொலைக்காட்சியின் இயக்குநர் ஆழாயஅஅநன துயளளiஅ யட-யுடi இன் கூற்றுப்படி தற்காப்பைக் கருத்திற்கொண்டு அப்பணிமனை இருக்குமிடம் பற்றி ஏற்கெனவே அமெரிக்கத் தரப்பினருக்குத் தெரிவித்தாகிவிட்டது.

இருப்பினும் நெருக்கமான அந்தச் சூழலிலே தங்களின் பணிமனை துல்லியமாகவே தெரிவுசெய்யப்பட்டுத் தாக்கப்பட்டுள்ளதாக லண்டனிலுள்ள அல் ஜசீராவின் பேச்சாளர் ~த கார்டின்;| பத்திரிகைக்குத் தெரிவித்திருந்தார்.

மேற்கண்ட தாக்குதலின் போது அண்மையிலிருந்த பிபிசி, யுP காரியாலயங்களும் சேதங்களுக்கு முகங்கொடுக்க நேர்ந்தது. மேலும் ஆப்கானிஸ்தானில் அமெரிக்கத்தாக்குதலால் பொதுமக்களிடையே ஏற்பட்ட அவலங்களை வெளியுலகிற்குத் தெரியப்படுத்திய அல் ஜசீராவின் நிருபர் வுயளசை யுடழரni பின்னாளில் அமெரிக்க ஆதரவுபெற்ற உளளுர்க்குழுக்களால் கைது செய்யப்பட்டு கடுமையான சித்திரவதைகளுக்குப் பின்னர் எச்சரிக்கப்பட்டே விடுதலை செய்யப்பட்டிருந்தார்.

இப்பணிமனைகளின் அமைவிடங்கள் பற்றி அமெரிக்கப்படைகளுக்கு ஏதும் தெரிந்திருக்கவில்லையாவென பத்திரிகையாளர்களால் கேட்கப்பட்டபோது 'தவறுதலாக நடந்தது", 'அவற்றின் அமைவிடங்கள் பற்றிய தகவல்கள் எமக்குத் தெரிந்திருந்தது என்பது எனக்குத் தெரியாமல் இருந்தது", 'அல் ஜசீரா அங்கிருந்ததை நாம் அறிந்திருக்கவில்லை", 'அல் கெய்தாவின் அறியப்பட்ட ஒரு தளமாகவே நாம் அதைக் கருதினோம்" என பாதுகாப்பமைச்சின் பேச்சாளர் ஊசயபை சு ஞரபைடநல உட்பட ஒவ்வொருவரும் வௌ;வேறு விதமாக ஒப்புவித்திருந்தனர்.

ஆப்கானிஸ்தான் மீது 'பயங்கரவாதம் மீதான போர்" (றுயச ழn வுநசசழச) என்று யுத்தம் தொடங்குவதற்கு முன்பாகவே ஊNN இனால் பெயர் சூட்டப்பட்டாகி விட்டது. இதேபோல ஈராக் மீதான யுத்தமும் ஒருவகையில் 'பேரழிவு இரசாயன ஆயுதங்களிலிருந்து மானிட சமுதாயத்தைக் காப்பாற்றும்" ஒரு நடவடிக்கையாகவே விளம்பரப்படுத்தப்பட்டிருந்