அவுஸ்திரெலியா தேர்தல்பற்றி அவுஸ்திரெலியா இளம் தமிழ் செயற்பாட்டாளர்களின் பார்வை.‏

எதிர்கட்சியின் துணைத் தலைவர்  Julie Bishop அவர்கள் சிறிலங்காவிற்கு சென்று வந்ததும் அங்கே தமிழர்களுக்கு எந்தவொரு பிரச்சனையும் இல்லை என்றும், வடக்கு கிழக்கு மாகாணங்களில் சிறிலங்கா அரசாங்கம் ஏற்படுத்திவரும் பொருளாதார வளர்ச்சிக்கும் அவர் சிறிலங்காவை பாராட்டினார். ஆனால் எங்கள் மக்களுக்கு சிறிலங்கா அரசு தொடர்ந்தும் கொடுத்து வரும் பெரும் துயரங்களை நாங்கள் யாவரும் அறிவோம்.

பாதுகாப்பை தேடிவரும் தமிழீழ அகதிகளின் வரவை எதிர்ப்பவர்களின் வாக்கை தம் பக்கம் திருப்புவதற்காகவும். அவுஸ்திரேலிய பாராளுமன்றத்தில் தமது ஆட்சியை கொண்டுவருவதற்காகவும், தமிழர்கள் படும் துன்பங்களை அறிந்திருந்தும், தமிழ் இனத்தை அழிப்பதற்காகவே செயற்படும் சிறிலங்காவோடு இன்று நெருங்கிய உறவை வைத்திருக்கிறார்கள். இதை தெரிந்தும் நாங்கள் Liberal Party க்கு வாக்களிக்கலாமா?

2008ம் ஆண்டு முதல், Labor Party ஆளும்காட்சியாக இருந்தது வந்துள்ளது. எமது மக்கள் 2009இல் பேர்  அழிவை சந்தித்த போது, பல்லாயிரக்கணக்கில் எமது மக்கள் அழிந்துபோவதை தடுப்பதற்காக அவுஸ்திரேலிய அரசாங்கத்திடமும், பிரதமராக இருந்துவந்த Kevin Rudd அவர்களிடமும் நாங்கள் எமது மக்களின் அழிவை தடுப்பதற்கு  முயற்சிகளை எடுங்கள் என்று பல்வேறு வகையில் கேட்டிருந்தோம் எவ்வளவோ முயற்சிகளை எடுத்தோம் அதற்கு எந்த ஒரு பதிலும் தராமல் இருந்தவர்தான் இந்த Kevin Rudd.

சிறிலங்கா நேவியின் முன்னாள் தளபதி, சமரசிங்காவையும் சிறிலங்கா High Commissioner ஏற்றுக்கொண்டதும் Labor Party தான். பாதுகப்பை தேடிவரும் அகதிகளை சிறிலங்காவின் சித்திரவதை கூடங்களுக்கு திருப்பி அனுப்புபவர்களும், Labor Party தான்.

இனஅழிப்பில் இருந்து தப்பி வந்தவர்களை, பொருளாதாரத்திற்காக இங்கே வந்திருக்கிறார்கள் என்று அசிங்கப்படுத்தினார்கள், இன்று சிறிலங்காவில் ஒரு பிரச்சினையும் இல்லை, CHOGM  2013 அங்கே  நடக்க வேண்டும் நாங்கள் அங்கே அந்த சந்திப்பிற்கு சமூகம் அளிப்போம்  என்று கூறுவதும் Labor Party தான். இவர்களுக்கும் நாங்கள் வாக்களிக்கலாமா?

அவுஸ்திரேலிய மக்களின் வாக்குகளை எதிர்பார்க்காது தூயமனத்துடன் தமிழர் படும் அவலங்களை உணர்ந்து தமிழர்களுக்காக பாராளுமன்றத்தில் குரல் கொடுப்பவர்வர்கள் The Greens Party மட்டுடம் தான்.

2009ம் ஆண்டில் உலகமே எங்களை பயங்கரவாதிகள் என்று சொன்ன போதிலும் The Greens Partyயின் தாலைர் Bob Brown னும் Lee Rhiannon அவர்களும் தான் தொடர்ச்சியாக எங்களுக்காக குரல் கொடுத்தார்கள். இன்றைக்கும் எந்தவொரு நினைவு நாளோ, ஆர்பாட்டங்களோ நடந்தாலும் The Greens Party யை சேர்ந்த ஒரு உறப்பினர் அங்கே எங்களுக்கு பக்க பலமாக நிற்பார்கள்.

உலகத்திலே முதல் முறையாக பாராளுமன்றத்தில் மாவீரர் நாள் அன்று எங்களின் மாவீரர்களை நினைவு கூர்ந்தவர்களும் இந்த The Greens Party சேர்ந்தவர்கள் தான்.

தமிழ் இளம் செயற்பாட்டாளர்களாகிய நாங்கள் Liberal/Labor க்கு எமது எதிர்ப்பை தெரிவிப்பதற்காகவும் அவர்கள் தமிழர்களை பகடைக்காயாக பாவித்து விளையாடும் அரசியல் விளையாட்டுக்கு துணைபோகப் போவதில்லை என்பதை காட்டுவதற்காவும், எங்களுடன் பக்கபலமாக இருந்து எமது அவலங்களிலும் அழிவுகளிலும் தூய்மையாக பங்காற்றிவரும் The Greens Partyக்கு எமது ஆதரவை கொடுப்பது என்று முடிவு செய்துள்ளோம்.  அதே போல தமிழ் மக்கள் அணைவரும் The Greens Partyக்கு தமது ஆதரவை வழங்கி அவர்களுக்கே உங்களுடைய வாக்குகளையும் அளிக்கவேண்டும்  என்று வேண்டி நிற்கின்றோம்.

தமிழ் இளம் செயற்பாட்டாளர்கள்.

Edited September 6, 201312 yr by கந்தப்பு