கொழும்பில் இருந்து ஹீத்ரோ நோக்கி பயணித்த இலங்கை ஏயார்லைன்ஸ் விமானத்தில் குண்டு இருப்பதாக தெரிவிக்கப்பட்டதையடுத்தே அந்த விமானம் அவசரமாக தரையிறக்கப்பட்டது என்று அதிகாரிகள் தெரிவித்தனர்.

தங்களது பயணப்பொதியில் வெடிகுண்டு இருப்பதாக தெரிவித்த பிரித்தானிய பிரஜைகள் இருவரும் கைது செய்யப்பட்டுள்ளனர் என்றும் அந்த அதிகாரிகள் தெரிவித்தனர்.

இலங்கையிலிருந்து 267 பயணிக்களை ஏற்றிச் சென்ற விமானமே இன்று அதிகாலை அவசரமாக தரையிறக்கப்பட்டுள்ளது. இலங்கையிலிருந்து நாடுகடத்தப்பட்ட பிரித்தானியாவைச்சேர்ந்த இருவர்களில் ஒருவரே தனது பயணப்பொதியில் குண்டு இருப்பதாக விமானப்பணியாளர்களிடம் தெரிவித்துள்ளார். இதனையடுத்தே விமானம் கொழும்பில் (இலண்டனில்)  தரையிறக்கப்பட்டு முழுமையான கோதனைக்கு பின்னர் மீண்டு ஹீத்ரோவை நோக்கி பயணித்தை தொடர்ந்ததாக தெரிவிக்கப்படுகின்றது.

 

http://tamil.dailymirror.lk/2010-07-14-09-13-23/83115-2013-09-21-08-25-29.html

 

*தமிழ் மிரர் செய்தியாளர் இலண்டனில் விமானம் தரை இறக்கி என்று தவறுதலாக எழுதியதை நான் கொழும்பில் என்று மாற்றி உள்ளேன் 

சுப்பர்.

 

நாடுகடத்தினத்துக்கு பாடம்.

 

இனி வழக்கு.

 

கோத்தாவுக்கு கொஞ்சம் கொடுத்தால் வெளியில் வரலாம்.

இலங்கையிலிருந்து லண்டன் ஹீத்ரோ விமானநிலையம் வந்த இலங்கை விமானசேவையின் விமானம் ஒன்று திடீரென ஹீத்ரோவிலிருந்து ஸ்டான்ஸ்டட் விமான நிலையத்துக்கு திருப்பிவிடப்பட்டு அங்கே அவசரமாக தரையிறக்கப்பட்டது.

ஸ்ரீலங்கா ஏர்லைன்ஸ் நிறுவனத்துக்கு சொந்தமான இந்த விமானத்தில் இருந்த இருவரை ஸ்டான்ஸ்டட் காவல்துறையினர் கைது செய்திருக்கிறார்கள். விமானத்தின் பாதுகாப்பை ஆபத்துக்குள்ளாக்கிய குற்றச்சாட்டின் அடிப்படையில் இவர்கள் கைது செய்யப்பட்டிருப்பதாக அதிகாரிகள் தெரிவித்திருக்கிறார்கள்.

 

ஏ330 ஏர்பஸ் ரக விமானத்தில் 267 பயணிகள் பயணம் செய்துகொண்டிருந்த நிலையில் வெள்ளிக்கிழமை இரவு சுமார் ஏழரை மணியளவில் இந்த திசை திருப்பலும் திடீர் தரையிறக்கமும் நடந்திருக்கிறது.

இந்த விமானத்தில் இருந்த அனைத்து பயணிகளும் பாதுகாப்பாக தரையிறக்கப்பட்டு வெளியில் அனுப்பப்பட்டதாகவும் அதிகாரிகள் தெரிவித்திருக்கிறார்கள்.

இந்த விமானத்தில் பயணம் செய்த இருவரை கைது செய்திருக்கும் காவல்துறையினர், இவர்கள் இருவரும் பிரிட்டிஷ் குடிகள் என்றும், ஒருவருக்கு வயது 49 என்றும் மற்றவருக்கு வயது 57 என்றும் தெரிவித்திருக்கிறார்கள்.

இந்த இருவரும் இலங்கையில் தங்களின் அனுமதிக்கப்பட்ட விசா காலத்துக்கும் அதிகமாக தங்கியிருந்தவர்கள் என்றும், இதற்காக இவர்ளை இலங்கை அதிகாரிகள் பிரிட்டனுக்கு பலவந்தமாக திருப்பியனுப்பினார்கள் என்றும் இலங்கை விமானசேவை நிறுனத்தின் சார்பில் பேசவல்ல அதிகாரி திபால் பெராரா பிபிசியிடம் தெரிவித்தார்.

இவர்களில் ஒருவர் தம்மிடம் வெடிகுண்டு இருப்பதாக தமக்கு அருகில் அமர்ந்திருந்த பயணியிடம் கூறியதாகவும், இதைக்கேட்ட அந்த பயணி உடனடியாக விமானப்பணியாளர்களிடம் இதுகுறித்து தெரிவித்ததாகவும், இந்த தகவல் காரணமாகவே இந்த விமானம் திடீரென திசை திருப்பப்பட்டதாகவும் அவர் கூறினார்.

கைது செய்யப்பட்ட இருவரில் ஒருவருக்கு மருத்துவமனையில் சிகிச்சையளிக்கப்பட்டு வருவதாகவும், மற்றவரிடம் காவல்நிலையத்தில் வைத்து விசாரணைகள் நடந்துவருவதாகவும் தெரிவித்திருக்கும் அதிகாரிகள் இது குறித்த புலனாய்வு தொடர்ந்தும் செய்யப்பட்டு வருவதாக தெரிவித்தனர்.

http://www.bbc.co.uk/tamil/sri_lanka/2013/09/130921_slplanes.shtml