நேற்றைய புகழில் இன்று பதவிசுகம் அனுபவிக்கும் கொள்கை கோட்பாடற்ற அரசியல், சுயநலம், பதவிமோகம், பொதுநல அக்கறையின்மை, மூடநம்பிக்கை வளர்த்தல், பிற்போக்குத்தன்மை, சுயமரியாதை இல்லாத தனி மனித துதி, இயற்கை வளங்களை அழித்து கொள்ளையடித்தல், மக்களின் உரிமைப் போராட்டங்களை ஜனநாயக மரபின்றி ஒடுக்குதல், ஆயிரமாயிரம் வருடங்களாக தாழ்த்தப்பட்ட மக்களின் உயர்விற்கு வழி காணாமல் அவர்களை மேலும் மேலும் ஒடுக்குதல், மக்களைப் பிரிக்கும் சாதிமத வெறி ஊட்டி வளர்த்தல், சிறுபான்மையோரின் நலனைப் பேணாமல் அவர்களை அச்சத்திற்கு உள்ளாக்குதல்...

நாளுக்கு நாள் நலிந்து போகும் விவசாயத்தை சர்வதேச தனியார் விதை உரவியாபாரிகளின் கொள்கைக்கு பலியாக்கி இயற்கையை சீரழித்தல், ஈழத்தில் இரண்டு இலட்சம் தமிழ் உயிர்களை இனவெறி கொண்டு அழிக்கப்பட்டபிறகும், தொடரும் அவலங்களை தடுத்து நிறுத்தாத இந்திய அரசு, தினம் தினம் தமிழக மீனவர்கள் சுடப்பட்டு சித்திரவதை செய்யப்படுவதை வேடிக்கை பார்த்துவிட்டு அயலுறவுக் கொள்கை எனக் காரணம் கூறும் வஞ்சகத்தன்மை...

வளர்ந்த நாடுகளே தவிர்க்கும் அணு உலைகளை எதிர்க்கும் மக்களுக்கு அறிவுப்பூர்வமான விளக்கம் தராமல் பொய்வழக்கு போட்டு ஜனநாயக மரபுகளை குழிதோண்டி புதைத்தல், சட்டத்திற்கும் நீதிக்கும் மாறாக நீர் தர மறுக்கும் கேரள, ஆந்திர, கர்நாடக அரசுகளை கட்டுப்படுத்த இயலாத போலி கூட்டாட்சி...

இவையெல்லாவற்றிற்கும் மேலாக கல்வியையும் மருத்துவத்தையும் தனியாருக்கு தாரைவார்த்துவிட்டு வீதிதோறும் மதுக்கடைகளை திறந்து மக்களை சிதைக்கும் மாநில அரசின் கொள்கை முடிவுகள். கனிமவளக் கொள்ளை, நிலக்கொள்ளை, தண்ணீர் கொள்ளை, மணற்கொள்ளை பெருகுதல், லஞ்சமும் ஊழலும் ஏமாற்றும் வஞ்சமும் மிக்க சமூகமாக நாகரிகமற்ற நிலை நோக்கிச் செல்லும் சமூக அவலங்களை தடுத்து நிறுத்திட நம் சமுதாயம் வளம் பெற்றிட மாணவர்களே ! இளைஞர்களே ! முடிவெடுப்போம்!

இலவச டிவி, மிக்ஸி கிரைண்டர், சாதி மதத்துக்கு வாக்களிப்பதை மாற்றியமைப்போம்.
தமிழரின் இழிநிலையை மாற்ற மாணவர்கள் நாங்கள் உறுதியெடுத்துள்ளோம்.
நம் ஜனநாயகக் கடமையை ஒன்றாய் இணைந்து நின்று செய்து முடிப்போம்.

மாணவர் வாக்கு மாற்று அரசியலை உருவாக்கும்.இது காலத்தின் கட்டாயம்.

# இது ஆம் ஆத்மிக்கு மட்டுமல்ல;அனைத்து கட்சிகளுக்கும்.தமிழர்களின் வலியை உணராதவர்களுக்கு,இளைஞர்களின் வலிமையை உணர வைப்போம். மாணவர் வாக்கு மாற்று அரசியலை உருவாக்கும்.
 

joe britto

(https://www.facebook.com/pgjoebritto/posts/586900311391064)

Edited January 12, 201411 yr by துளசி

இதில் ஆம் ஆத்மி கட்சிக்கு ஆதரவாக கதைத்துள்ளாரா எதிராக கதைத்துள்ளாரா என புரியவில்லை. இதற்கு முன்னைய ஜோ.பிரிட்டோவின் பதிவை பார்த்தால் ஆதரவாக கதைத்துள்ளார் போலிருக்கு.

 

முன்னைய பதிவு இது.

 

மிகுந்த நம்பிக்கையோடு இடிந்தகரையை உற்றுநோக்கிக் கொண்டு உள்ளேன்.தமிழின விடியலுக்கான கரையாக இருக்கும் என் நம்புகிறேன் உறுதியாக....
# CHANGE 4 CHANGE.

 

https://www.facebook.com/pgjoebritto/posts/586484188099343