சரியானவர்களை உங்கள் உதவிகள் சென்றடைய வேண்டுமா ? இச்செய்தியை படியுங்கள்.

 

எமது மாணவர் ஊக்குவிப்பு ஒன்றியத்தின் கற்பித்தலில் பயனடைந்து சிறப்பான புள்ளிகளைப் பெற்று பல்கலைக்கழகத்திற்கு தெரிவான மாணவர்களுள் வறுமைக்கோட்டின் கீழ் வாழும் 10மாணவர்களை இவ்வருட எமது உதவித்திட்டத்தின் கீழ் உள்வாங்கியுள்ளோம்.

இம்மாணவர்கள் அனைவரும் விஞ்ஞான , இயந்திரவியல் பீடங்களுக்குத் தெரியவாகியுள்ளார்கள். எமது கல்வித்திட்டத்தில் மருத்துவ , இயந்திரவியல் துறைகளுக்கான தமிழ் மாணவர்களை அதிகரிக்கும் வகையில் கடந்த வருடம் (2013)முதல் உதவி வருகிறோம்.

கடந்த வருடம் அதிகளவிலான மாணவர்களுக்கு உதவ வேண்டியிருந்தும் 11மாணவர்களுக்கு மட்டுமே எமது உதவித்திட்டத்தின் கீழ் உதவ முடிந்தது. காரணம் அதிகளவிலான உதவிகள் கிடைக்காமையால் அதிகளவான மாணவர்களை உள்வாங்க முடியாது போனது. இப்பதினொரு மாணவர்களுக்கும் பெயர் குறிப்பிட விரும்பாத உறவு ஒருவர் உதவி வருகிறார்.

எமது கல்வித்திட்டத்தின் கீழ் உதவி பெறும் இவர்கள் எம்மால் வழங்கப்படும் பிரதேசங்களுக்கான கல்விச் செயற்பாடுகளுக்கு எதுவித சிறப்பான கொடுப்பனவுகளும் இல்லாமல் இலவசமாக தங்கள் ஆற்றலை வழங்கி வருகிறார்கள்.

போரால் பாதிக்கப்பட்ட ஏழை மாணவர்களின் கல்வி முன்னேற்றத்துக்காக தங்களது ஆற்றலையும் நேரத்தையும் தரும் இம்மாணவர்களின் பல்கலைக்கழகப் படிப்பை முடிப்பதற்கான உதவிகளை புலம்பெயர் தமிழ் உறவுகளிடம் வேண்டுகிறோம். ஒரு பல்கலைக்கழக மாணவரை படிப்பித்து விடுவதன் மூலம் திறமையான தமிழ் மாணவர்கள் பலநூறு பேரை உருவாக்கித் தருவார்கள்.

ஒரு மாணவருக்கு அல்லது மாணவிக்கு மாதாந்தம் 5ஆயிரம் ரூபா (அண்ணளவாக 30€) தேவைப்படுகிறது. இவ்வுதவியை வழங்கி இம்மாணவர்களின் வாழ்வை மாற்றுவதன் மூலம் எங்கள் இளைய சந்ததியின் கல்வியையும் முன்;னேற்ற முடியும்.

ஏற்கனவே 2010 – 2012 வரையில் 60வரையான மாணவர்களுக்கு நேசக்கரம் மூலம் பல்கலைக்கழக உதவியிருந்தோம். இவர்களில் அதிகளவிலான மாணவர்கள் வன்னிமாணவர்கள் , மற்றும் காந்தரூபன் அறிவுச்சோலை , செஞ்சோலையில் வளர்ந்தவர்களும் அடங்கியிருந்தனர். கொழும்பு ,யாழ் பல்கலைக் கழகங்களிலேயே இவர்கள் படித்துக் கொண்டிருந்தார்கள்.

ஒவ்வொரு மாணவரையும் ஒவ்வொருவர் பொறுப்பேற்று உதவிகளையும் உரிய மாணவர்களுக்கே நேரடியாக வழங்கியிருந்தார்கள். சிலர் நம்மால் குறித்த தொகையைவிடவும் அதிகளவில் மாணவர்களின் நன்மை கருதி உதவியிருந்தார்கள். மாணவர்களுடனான நேரடி தொடர்புகளையும் சிலர் நேரில் தாயகம் சென்று சந்தித்தும் தொடர்புகளை பேணி வந்தார்கள். இங்கிருந்து உதவிய சிலர் தவறான முறையில் சில மாணவர்களை அணுகி அவர்களை வருத்தியிருந்ததையும் இங்கு குறிப்பிடுவதில் வருந்துகிறோம்.

ஆனால் சில மாணவர்கள் அதிகளவில் கிடைத்த உதவிகளை தவறான முறைகளில் பயன்படுத்தியவையும் நடந்திருந்தது. உதவிய பலர் நாங்கள் குறித்த மாணவர்களின் கல்வி முன்னேற்றம் வளர்ச்சியை அவதானிப்பதையும் விரும்பாமல் எம்மிடமிருந்து நிரந்தரமாக மாணவர்களின் தொடர்புகளையும் நிறுத்தத் செய்திருந்தார்கள். அதிகளவிலான ஆசையினால் சில மாணவர்கள் பாதியில் தங்கள் படிப்பை தொடர முடியா நிலமைக்கும் ஆளானார்கள்.

இந்நடவடிக்கைகளால் தொடர்ந்த பல்கலைக்கழக மாணவர்களுக்கான உதவிகளை ஒழுங்குபடுத்துவதையும் நிறுத்தியிருந்தோம். காரணம் உதவியவாகள் சிலரும் மாணவர்கள் சிலரும் செய்த ஏமாற்றுக்களால் பல்கலைக்கழக மாணவர்களின் உதவி தொடர்பில் ஒதுங்கியே இருந்தது நேசக்கரம்.

எமது உதவியில் படித்து முடித்தவர்களில் 15வரையான மாணவர்கள் மட்டுமே இன்றும் தொடர்போடு இருக்கிறார்கள். தங்களுக்கு கிடைத்த உதவியை சரியாக பயன்படுத்தியதையும் எமக்கு தொடர்ந்து அறியத் தந்து கொண்டிருக்கிறார்கள்.

உண்மையில் பாதிக்கப்பட்ட உதவி தேவைப்படும் பல மாணவர்களின் கல்வி கூட உதவிகள் கிடைக்காமல் இடைநின்று போனதை உரிய மாணவர்கள் எமக்கு அறிவித்துத் தம்மைப் போன்ற ஏழை மாணவர்களை இனங்கண்டு உதவுமாறு கேட்டிருந்தார்கள். சிலருடைய தவறுகளுக்காக ஒட்டுமொத்த சமூகத்தை கைவிடக்கூடாதென்ற நோக்கில் தான் மாணவர் ஊக்குவிப்பு ஒன்றியத்தை உருவாக்கினோம்.அதிலும் உதவிக்கு விண்ணப்பிக்கும் மாணவர்கள் சமூகப்பொறுப்பு உள்ளவர்களாகவும் தனது கல்வியை அடுத்த சந்ததிக்கு எவ்வித எதிர்பார்ப்புகளும் இல்லாமல் வழங்கக்கூடியவர்களையுமே தேர்ந்தெடுக்கிறோம்.

வழங்கப்படும் உதவிக்குப் பதிலாக உரிய மாணவர்கள் தங்கள் ஆற்றலை ஏழைக்கிராமங்கள் , ஏழை மாணவர்களுக்கு கற்பித்தல் செயற்பாடுகளுக்கு தந்துதவ வேண்டுமெனும் நிபந்தனையின் அடிப்படையில் மீண்டும் பல்கலைக்கழக மாணவர்களுக்கான உதவிகளை வழங்கத் தொடங்கியுள்ளோம்.

வழங்கப்படும் உதவியையும் உதவுவோர் எமக்குத் தெரியப்படுத்தும் அதேவேளை எம்மால் நிர்ணயிக்கப்படும் தொகையிலிருந்து ஒரு சதம் கூட அதிகமாக வழங்கக்கூடாதென்ற நிபந்தனையை உதவிகளை வழங்குவோருக்கும் தெரிவித்துள்ளோம்.

மாணவர்களுடனான தொடர்புகளை உதவுவோர் பேணிக்கொள்ளலாம். ஊருக்கு சென்று வரும்போது மாணவர்களை சந்திக்கலாம் போன்ற அனைத்து தொடர்புகளையும் பேணிக்கொள்ளலாம். அனைத்து விடயங்களும் எமக்குத் தெரியப்படுத்தி தொடர்பாடலை பேணுவதனையே விரும்புகிறோம்.

காரணம் அதிகளவிலான பெருந்தொகை உதவிகள் குறித்த மாணவர்களைத் தடம்மாற்றி அவர்களது எதிர்காலத்தை சிதைத்துவிடக்கூடாதென்ற நல்லெண்ண நோக்கில் உண்மையான நிலைப்பாடுகளை இங்கு உதவும் புலம்பெயர் தமிழ் கருணையாளர்களுக்குத் தெரிவித்துக் கொள்கிறோம். நீங்கள் குளிர் தேசங்களிலிருந்து மிகுந்த சிரமங்களோடு உழைத்து வழங்கும் ஒவ்வொரு சதமும் சரியான முறையில் பயன்பட வேண்டும். அதேவேளை உங்கள் உதவியை பெறும் மாணவர் தன்போன்ற மாணவர்களுக்கு சமூக அக்கறையோடு உதவவும் வேண்டும். அதுவே உங்கள் உழைப்பை நீங்கள் வழங்கியமைக்கான பயனாக முடியும்.

இவ்வருடத்திற்கான தெரிவு செய்யப்பட்ட 10 மாணவர்களுக்கும் மேமாதம் முதலாம் திகதியிலிருந்து உதவிகளை வழங்க வேண்டும். உதவக்கூடிய கருணையாளர்கள் தொடர்பு கொள்ளுங்கள். உங்கள் உதவிகளுக்காக காத்திருக்கிறோம்.

உதவி தேவைப்படும் மாணவர்களின் பரீட்சை பெறுபேறுகள் விபரங்கள் வடிவில் :-

help for students2014

உதவி தேவைப்படும் மாணவர்களின் விபரங்களை பார்வையிட மேலுள்ள இணைப்பில் அழுத்தி பாருங்கள். உதவ விரும்புவோருக்கு மாணவர்களின் பெயர் விபரங்கள் அனைத்தும் தரப்படும்.

உதவுவதற்கு:-

Telephone:  Shanthy +49 (0)6781 70723 /Mobile – 0049 1628037418

nesakkaram@gmail.com
Skype – Shanthyramesh

www.nesakkaram.org

Bank information

Germany:

NESAKKARAM e.V.55743 Idar-Oberstein
Konto-Nr. 0404446706
BLZ 60010070
Postbank Stuttgart

Other countrys:

NESAKKARAM E.V
A/C 0404446706
Bank code – 60010070
IBAN DE31 6001 0070 0404 4467 06
Swift code – PBNKDEFF
Postbank Stuttgart
Germany

Paypal Account – nesakkaram@gmail.com

http://nesakkaram.org/ta/%E0%AE%9A%E0%AE%B0%E0%AE%BF%E0%AE%AF%E0%AE%BE%E0%AE%A9%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%88-%E0%AE%89%E0%AE%99%E0%AF%8D%E0%AE%95%E0%AE%B3%E0%AF%8D-%E0%AE%89%E0%AE%A4%E0%AE%B5%E0%AE%BF/

 

Edited February 22, 201411 yr by shanthy

மிக விரைவில் உங்களோடு இது பற்றி கதைக்கிறன் அக்கா.

Edited February 22, 201411 yr by யாயினி

மிக்க நன்றிகள் யாயினி.

இலக்கம் 5 மாணவருக்கு நோர்வேயிலிருந்து சிறி என்ற உறவு உதவ முன்வந்துள்ளார். இலக்கம் 3 யாயினி உதவ முன்வந்துள்ளார்.

 

மீதி 8மாணவர்களையும் ஒவ்வொருவர் பொறுப்பேற்றுக் கொண்டால் உதவியாக இருக்கும். உங்கள் உதவியைப் பெறும் இவர்கள் போரால் பாதிப்புற்ற பின் தங்கிய பிரதேச மாணவர்களின் வளர்ச்சியில் தங்கள் கல்வியை பயன்படுத்துவார்கள். ஒரு மாணவரை நீங்கள் படிப்பித்து விடுகிற சமநேரம் அவர்கள் மேலும் பலரை உருவாக்கித் தருவார்கள்.

சாந்தி கல்வி என்பது ஒரு பிள்ளையின் எதிர்காலம்...

உங்களுடன் தொடர்பு கொள்கிறேன்.

சாந்தி கல்வி என்பது ஒரு பிள்ளையின் எதிர்காலம்...

உங்களுடன் தொடர்பு கொள்கிறேன்.

மிக்க நன்றிகள் சகாரா உங்கள் ஆதரவுக்கு. உங்களுக்கு விரும்பிய ஒரு பிள்ளையை தெரிவு செய்து சொல்லுங்கள் விபரங்களை மடலிடுகிறேன்.

 

இலக்கம் 1இற்கான மாணவனை பெயர் குறிப்பிட விரும்பாத தம்பியொருவர் உதவ முன்வந்துள்ளார். இதுவரை 4பிள்ளைகளுக்கான உதவிக்கு 4பேர் முன்வந்துள்ளார்கள். இன்னும் 6மாணவர்கள் இவர்களுக்கான ஆதரவினையும் உறவுகள் வழங்கி அவர்களத கல்விக்கு ஒளியேற்றுவீர்கள் என நம்புகிறோம்.

Edited February 24, 201411 yr by shanthy

4வது இலக்கத்துக்குரிய பெண் பிள்ளையை சகாரா பொறுப்பேற்கிறார்.

காலத்தால் அழியாத தங்களின் சேவைக்கு நன்றி. 

காலத்தால் அழியாத தங்களின் சேவைக்கு நன்றி. 

இப்பயணத்தில் நீங்களும் இணையுங்கள்.கருத்துக்கு நன்றிகள்.