2014 ஆம் ஆண்டின் விடுமுறையை தாயகத்தில் அல்லலுறும் மக்களின் நல்வாழ்வுக்காக உதவிடுவோம் வாருங்கள்: - தமிழர் மனித உரிமை ஒன்றியம் 

[saturday, 2014-03-08 21:04:51]

2014 ஆம் ஆண்டின் தாயகத்திற்குச் செல்வற்கு திட்டமிட்டுள்ள உறவுகளே! சிறிலங்கா அரசுகளின் திட்டமிட்ட தமிழின அழிப்புக்கு முன்னர் தாயகத்தில் ஒவ்வொருவரின் வாழ்க்கையும் - சிறந்தே விழங்கியது – 2006 ஆம் ஆண்டிலிருந்து எமது மக்கள் சுமக்கும் துயரங்களும் பொருளா தார - அண்றாட வாழ்வுகளுக்காக அவர்கள் படும் இன்னல்களும் - துன்புறுத்தல்களும் - அச்சுறுத்தல்களோடும் அவர்கள் அந்த தாயக பூமியில் எமது மண் காவல் தெய்வங்களாகளே உள்ளார்கள் அவர்களின் வாழ்வியல் துன்பங்களைப் போக்கி வாழவைப்பதற்கு இந்த ஆண்டின் தாயகம் செல்லும் உங்களின விடுமுறையை பரிசீலனை செய்து உறவுகளுக்கு உதவ முன்வாருங்களென அழைக்கின்றோம் புலம் பெயர்ந்த நாடுகளில் உள்ள உறவுகளின் ஆதரவோடு வாழ்வோரைத் தவிர - மற்றைய மக்களின் அவல வாழ்வை தீர்த்து வைப்பதற்காக மனிதாபி மானத்தோடு உணர்ந்து உதவுவோம் வாருங்கள்.

  

சிறிலங்கா அரசின் - பெரும் தெருக்களும் - கட்டிடங்களும் எமது மக்களின் துயரங்களை போக்குவதற்கு மாறாக அவர்களை வாழ்வின் துயரத்துன் எல்லைக்கே இட்டுச் செல்கிறது –

எம்மைக் காப்பதற்காக தங்களைத் தந்தவர்களும் ஆதரவாறற்று துயரப் படும் நிலையும் மீண்டும் சிறிலங்கா அரசினால் பழிவாங்கப்படும் நிலையிலே யே உள்ளார்கள் - அவர்களின் துயரங்களைப் போக்கிட நாங்கள் ஒவ்வொரு வரும் - எமது விடுமுறைக்கான நிதியினில் ஒரு பகுதியைக் கொண்டு மக்கள் துயர் போக்க முன்வாருங்கள் ஒன்றுபட்டு - கூட்டு முயற்சியின் ஊடாக உறுதியான பொருளாதார கட்டு மானங்களையும் அன்றாட தேவைகளுக்கான பொருட்களையும் எமது மக்களே உற்பத்தி செய்வதற்கு ஆவன செய்வோம்

நாம் ஒன்றுபடுவதின் ஊடாகவோ தனித் தனியாகவோ - அல்லது உங்களின் கிரதமங்களில் உள்ள மக்களுக்கு உதவுவதோடு - குறிப்பாக வன்னி மக்களின் வாழ்வாதரரத்தில் உடனடியான அவசர தேவைகள் ஏற்பட்டுள்ளதையும் சுட்டிக் காட்ட வேண்டியுள்ளது – வாழ்வாதாரமற்ற நிலையில் - எமது பெண் பிள்ளைகளை இராணுவத்துக்குச் சேர்ப்பதன் ஊடாக பாரிய சீர்கேட்டிற்கும் - இனக்கலப்பின் ஊடாக எமது தாயகத்தைச் சிதைப்பதற்கும் - சிறிலங்கா அரசு திட்டமிட்டே இவற்றையெல் லாம் செய்கின்றது.

இனியும் காரணங்களைத்தேடி கதைகளைக் கூறாமல் எமது மக்களைக் காப்பாற்ற இருகரங்களைக் கூப்பி உங்களை வரவேற்கின்றோம் .

மக்களை மீட்டிடுவோம் - ஒன்றாகி துயர்துடைப்போம். அத்தோடு சமுதாயச் சீரழிவை ஊக்கு விப்பதைத் தவிர்த்து - மீண்டும் தமிழ் சமுதாயத்தின் பெருமையைக் காப்பாற்றுவதோடு – புலம் பெயர்ந்த மண்ணிலிருந்து எமது உறவுகளுக்கு நாம் செய்யும் உதவிகளை தேவைக்கு ஏற்ப உதவுவதோடு சிறந்த எதிர்கால தலமுறைகளை உருவாக்கத் திட்ட மிடுவோம் -

2014 ஆம் ஆண்டு மக்களின் துயர் துடைக்கும் ஆண்டாக பதிவு செய்வோம்

தமிழர் மனித உரிமை ஒன்றியம் சுவிற்சர்லாந்து - 08-03-2014

 

 

http://www.seithy.com/breifNews.php?newsID=105219&category=TamilNews&language=tamil

மிகவும் நல்ல கோரிக்கை.

அப்படியே போய் உதவி செய்வோரிடம் படங்களை பெற்று உங்கள் இணையதளத்தில் தொடர்ந்து போட்டு ஊக்கபடுத்துங்கள்.

மற்றும் என்னென்ன அவசர தேவைகள் என்பனவற்றையும் குறிப்பிடுங்கள்.

தாயகம் செல்லும் உறவுகள் ஒருவாரமேனும் இதற்கென ஒதுக்குவது மிகவும் சிறந்தது. மேலதிக விபரங்களையும் தொடர்ந்து இணையுங்கள் தமிழரசு.