வங்கதேசத்தில் நடந்த இருபது ஓவர் உலகக் கோப்பை கிரிக்கெட் போட்டியை இலங்கை வென்றுள்ளது.

மீர்புரில் நடந்த இறுதியாட்டத்தில் 6 விக்கெட்டுகள் வித்தியாசத்தில் இந்தியாவை இலங்கை எளிதில் வீழ்த்தியது

இந்த ஆட்டத்தோடு சர்வதேச இருபது ஓவர் போட்டிகளில் இருந்து ஓய்வுபெறுகின்ற குமார சங்ககா,ர தனது கடைசி ஆட்டத்தில் அரைசதம் அடித்து இறுதிவரை ஆட்டமிழக்காமல் இருந்தார் என்பது குறிப்பிடத்தக்கது.இருபது ஓவர் கிரிக்கெட்டில் இலங்கை உலகக் கோப்பையை வெல்வதென்பது இதுவே முதல் முறை.

ஓய்வுபெறுகின்ற மற்றொரு மூத்த ஆட்டக்காரரான மஹேல ஜெயவர்த்தனவும் 24 ரன்களை எடுத்து அணியை வெற்றிப் பாதையில் அழைத்துச் சென்றிருந்தார்.

இந்திய அணி நிர்ணயித்த 131 ரன்கள் இலக்கை இலங்கை மட்டைவீச்சாளர்கள் இரண்டு ஓவர்கள் மீதமிருக்க எட்டியிருந்தனர்.

முதலில் மட்டை வீசிய இந்திய அணியில் விராத் கோலியைத் தவிர மற்ற மட்டைவீச்சாளர்களின் ஆட்டம் ஏமாற்றம் அளிப்பதாகவே இருந்தது.

இரண்டு ஆண்டுகளுக்கு முன் இலங்கையில் நடந்த இருபது ஓவர் உலகக் கோப்பை போட்டியில் இறுதியாட்டத்தை மேற்கிந்தியத் தீவுகளிடம் தோற்று கோப்பையைத் தவறவிட்டிருந்த இலங்கை அணி, இம்முறை இறுதியாட்டத்தை சிறப்பாக வென்று கோப்பையைக் கைப்பற்றியுள்ளது.

 

http://www.bbc.co.uk/tamil/sport/2014/04/140406_slwinwc.shtml

இலங்கையின் வெற்றியை வன்னியில் கொண்டாட நிர்பந்திக்கும் படையினர் - குளோபல் தமிழ் செய்தியாளர்:-

ஐந்தாவது T20 உலக கிண்ணம் இலங்கை வசம்:-

 

 

இலங்கைக்கும் இந்தியாவுக்கும் இடையில் நடந்த உலகக் கிண்ணப் போட்டி ரி 20இயில் இலங்கை கிண்ணத்தை வென்றதை தமிழர்கள் வெடி கொளுத்திக் கொண்டாட வேண்டும் என்று வற்புறுத்தி வருவதாக குளோபல் தமிழ் செய்திகளின் விசேட செய்தியாளர் தெரிவிக்கின்றார்.

 

இலங்கை கிண்ணத்தை வென்றதையடுத்து வன்னியில் நிலைகொண்டுள்ள இலங்கைப்படையினர் வெடி கொளுத்தி வெற்றியைக் கொண்டாடினர். இதை மக்களும் கொண்டாட வேண்டும் என்று தெரிவித்து வருகின்றனர். 

 

இலங்கை கிண்ணத்தை கைப்பற்றிய சில செக்கன்களில் கிளிநொச்சி நகரம் இராணுவத்தின் வெடி ஓசையால் அதிர்ந்தது. வீதியால் போக்குவரத்து செய்பவர்களை மறித்து பரிசோதிக்கும் இராணுவத்தினர் இந்த வெற்றியை கொண்டாட வேண்டும் என்று கூறி வருகின்றனர். 

 

கிளிநொச்சி நகரத்தில் உள்ள கணணி நிலையம் ஒன்றில் கிரிக்கட் போட்டியயை பாரத்த்துவிட்டுச்சென்ற இளைஞர் ஒருவரை வழி மறுத்த இராணுவத்தினர் இந்தியா வெல்ல வேண்டும் என்று சிவபெருமானை கும்பீட்டிர்களா எனத் தாக்கியுள்ளதாக எமது செய்தியாளர் தெரிவிக்கிறார்.