அண்மையில் வெளிவந்த அமெரிக்க ஆக்‌ஷன் படங்களில் நல்லவை என்று கூறப்படுபவற்றைப் பார்க்கவேண்டும் என்று விரும்பினேன். ஒரு நாள் நேரம் கிடைத்தபோது, இணையத்தில் கடந்த 10 வருடங்களில் வெளியான அமெரிக்க ஆக்‌ஷன் படங்களைத் தேடிக்கொண்டிருந்தபோது Internet Movie Data Base (IMDB) என்றழைக்கப்படும் இணைய திரைப்பட தொகுப்பு எனும் இணையத் தளத்திற்குள் செல்லும் வாய்ப்புக் கிடைத்தது. இந்த இணையத்தில் அனைத்துத் திரைப் படங்களையும் தரப்படுத்தி அத்திரைப்படங்களின் கதையைச் சுருக்கமாக விவரித்திருப்பார்கள். நாங்கள் ஆகா ஒகோ என்று புழுகும் அமெரிக்கப் படங்களுக்கு இவர்கள் கொடுக்கும் தரப்படுத்தல் புள்ளிகள் அவ்வளவு நன்றாக இருப்பதில்லை. பத்துப் புள்ளிகளுக்கு ஆறு புள்ளிகள் கிடைத்தாலே அந்தத் திரைப்படம் நிச்சயம் சிறந்ததாக இருக்கும் என்பது பலரதும் கணிப்பு.

 

அப்படி இந்த இணையத்தில் திரைப்படங்களைத் தேடிக்கொண்டிருக்கும்போது எனது கண்ணில் பட்டதுதான் "Raid redemption"  எனும் இந்தோனேசிய திரைப்படம். இந்தொனேசிய மொழியில் தயாரிக்கப்பட்டு ஆங்கில மொழிக்கு மொழிமாற்றம் செய்யப்பட்ட ஒரு போலீஸ்த் திரைப்படம் அது. தரப்படுத்தும் அந்த இணையத்தளம் இந்தப் படத்திற்கு பத்திற்கு 7.6 புள்ளிகளை வழங்கியிருந்தது என்னை வியப்பில் ஆழ்த்தவே, அந்தப் படம் பற்றி வாசிக்கலாம் என்று சுருக்கத்தைப் படிக்க ஆரம்பித்தேன்.

 

கதை இதுதான், 

 

பாதாள உலகக் கோஷ்ட்டி ஒன்றின் கட்டுப்பாட்டிலிருக்கும் ஒரு அடுக்குமாடிக் கட்டிடத் தொகுதியொன்றினைக் கைப்பற்றி கோஷ்ட்டியின் தலைவனையும் கைதுசெய்யும் நோக்கத்துடன் அமெரிக்க ஸ்வாட் (SWAT) எனும் விசேட பொலீஸ் அதிரடிப்படைக்கு ஒப்பான இந்தோனேசியப் பொலீஸ் அணியொன்று அக்கட்டிடத்தினுள் செல்கிறது. பலத்த ஆயுதம் தரிக்கப்பட்ட அந்தப் பொலீஸ் அணியை உள்ளேயிருக்கும் அந்தக் கோஷ்ட்டி சிறிது சிறிதாக வேட்டையாடுகிறது. பொலீஸ் அணியில் ஒரு வீரன் மட்டும் அந்தப் பாதாள உலகக் கும்பலினை எதிர்த்துப் போராடுகிறான். 

 

இந்தோனேசிய மார்ஷல் ஆட்ஸ் எனப்படும் தற்காப்புக் கலையை மிகவும் கச்சிதமாகப் பாவித்து சண்டைக் காட்சிகள் படமாக்கப்பட்டுள்ளன. தமிழ்ச் சினிமாவில் இருக்கும் எந்தவிதமான ஹீரோத்தனமும் இல்லாமல் மிகவும் இயல்பாக சண்டைக் காட்சிகள் அமையப் பெற்றிருப்பதல் படம் தொடக்கத்திலிருந்து முடியும்வரை மிகவும் விறுவிறுப்பாக நகர்கிறது. இறுதியில் அந்த பொலீஸ்வீரனுக்கு என்ன நடக்கிறது, கும்பலின் தலைவனுக்கு என்ன நடக்கிறது என்பதெல்லாம் படம் பார்த்து அறிந்துகொள்ளுங்கள்.

 

நான் இதுவரை பார்த்த மேற்குலக் பாணியிலான திரைப்படங்களுடன் ஒப்பிடும்பொழுது, இப்படம் மிகவும் சிறந்ததாக எனக்குப் படுகிறது.

 

Kick Ass Torrents எனும் இணையத்தளத்தில் இந்தப் படத்தின் ஆங்கில மூலம் தரவேற்றப்பட்டிருக்கிறது. முடிந்தவர்கள் தரவிறக்கம் செய்து பார்க்கலாம்.

 

இப்படம் 2011 இல் வெளிவந்தது. இதன் இரண்டாவது பகுதி இவ்வருடம் வெளிவருகிறது.

 

இத்திரைப்படத்தின் முதற்பகுதியிலிருந்து ஒரு சிறு சண்டைக் காட்சி...

 

RAID-2  இரண்டு வாரங்களுக்கு முதல் வெளிவந்துவிட்டது .அதற்கு கிடைத்த புள்ளி  8.9. ஒரு கலக்கு கலக்குது .

 

இப்போது மிக சிறந்த அனைத்து ரக படங்களையும்  தயாரிக்கும்  நாடு  தென்-கொரியா .