சூறாவளி, சுனாமி போன்றவற்றால் உருவான  இடம்பெயர்வுகள் இலவசமாக கையேந்துவதற்கு பழக்கியுள்ளதாக  மண்முனை தென்மேற்கு கோட்டக்கல்விப் பணிப்பாளர் ந.தயாசீலன் தெரிவித்தார்.

வேள்ட்விஷன் நிறுவனத்தின் அனுசரணையுடன் உக்டா நிறுவனத்தால் Head Way   எனும் ஆங்கில கல்வி அமைப்பு ஊடாக நடைமுறைப்படுத்தப்படும்  Let's go  எனும் ஆங்கிலக் கல்லூரியில் தரம் – 02 ஐ பூர்த்தி செய்த மாணவர்களுக்கான சான்றிதழ் வழங்கும் நிகழ்வு நேற்று செவ்வாய்க்கிழமை (29) முனைக்காடு உக்டா சமூகவள நிலையத்தில்  நடைபெற்றது. இதில் உரையாற்றுகையிலேயே அவர் இவ்வாறு கூறினார். 

இங்கு அவர் மேலும் உரையாற்றுகையில், 

'எதிர்கால கல்வி நிலைக்கு ஆங்கிலம் மற்றும் கணினி மிக முக்கியமானவை. இவையின்றி எந்தவித தொழிலும்  செய்யமுடியாத  சூழல் எதிர்காலத்தில் உருவாகும். இதற்காக இவற்றை ஒவ்வொரு குழந்தைகளுக்கும்; கற்பிக்க வேண்டிய அவசியமும் அவர்களை ஊக்கப்படுத்த வேண்டிய தேவையும் பெற்றோர்; ஒவ்வொருவருக்கும் உள்ளது. இன்று வெளியாகின்ற அனைத்து கண்டுபிடிப்புக்களும் முதலில் ஆங்கிலத்தில் வெளியாகின்றன. இதிலிருந்து ஆங்கிலம் எவ்வளவு முக்கியமானது என்பதை நாம் உணர்ந்து கொள்ளக்கூடியதாக உள்ளது.

மேலும்,  எமது பிரதேசத்து மக்கள் இலவசமாக எதையும் வழங்கினால் அதை பெறுவதில் ஆர்வமாக உள்ளார்கள். சூறாவளி, சுனாமி போன்றவற்றால் உருவான இடம்பெயர்வுகள் எமது மக்களை இலவசமாக கையேந்துவதற்கு  பழக்கியுள்ளது. பொருளாதாரமாக இருந்தாலும் சரி, நல்ல பழக்கவழக்கங்களாக இருந்தாலும் சரி கல்வியினாலேயே அனைத்தையும் கட்டியெழுப்ப முடியும்' என்றார். 

http://tamil.dailymirror.lk/2010-07-14-09-13-23/2010-08-12-10-11-54/2010-08-12-10-14-24/120064-2014-07-30-07-52-11.html

 

புலத்துச் சனமும் பழக்கிப்போட்டுது