மகாராஷ்டிராவைச் சேர்ந்த தொழிலதிபர் பங்கஜ் பாரக் என்பவர் தனது 45அவது பிறந்த நாளுக்காக ரூ.1 கோடியே 30 லட்சம் (இந்திய ரூபாய்) மதிப்புள்ள தங்கச் சட்டையை வாங்கியுள்ளார்.

 

மும்பையில் இருந்து 260 கிலோ மீற்றர் தொலைவில் உள்ளது இயோலா நகரம். அந்த நகரைச் சேர்ந்த ஜவுளி தொழிலதிபர் பங்கஜ் பாரக். 8ஆம் வகுப்பு வரை மட்டுமே படித்துள்ள அவர், சிறுவயதிலேயே ஜவுளித் தொழிலில் இறங்கி மிகக் குறுகிய காலத்தில் பெரும் தொழிலதிபராக உயர்ந்தார்.

 

பள்ளிப் பருவம் முதலே அவருக்கு தங்கத்தின் மீது தணியாத ஆசை. அதனால் எப்போதுமே சுமார் இரண்டு கிலோ அளவுக்கு தங்க நகைகளை அணிவதை வழக்கமாகக் கொண்டுள்ளார். அவர் தனது 45ஆவது பிறந்தநாளை இன்று வெள்ளிக்கிழமை கொண்டாடுகிறார். இதற்காக அவர் ரூ.1 கோடியே 30 லட்சம் மதிப்புள்ள தங்க சட்டையை வாங்கியுள்ளார்.

 

சுமார் 20 பொற்கொல்லர்களின் கைவண்ணத்தில் 3,200 மணி நேர உழைப்பில் இந்த தங்க சட்டை உருவாகியுள்ளது. இதன் மொத்த எடை 4 கிலோ கிராம் ஆகும்.

 

இதுகுறித்து தொழிலதிபர் பங்கஜ் பாரக் கூறியதாவது:

 

18 முதல் 22 கேரட் தங்கத்தில் சட்டை தைக்கப்பட்டுள்ளது. இதனை வழக்கமான சட்டை போன்று அணியலாம். சட்டையை துவைத்து உலர வைக்கலாம். ஒருவேளை சட்டை கிழிந்தாலோ, சேதமடைந்தாலோ சரிசெய்து கொடுக்க அதனை தயாரித்த ஜூவல்லரி நிர்வாகத்தினர் ஒப்புக் கொண்டுள்ளனர் என்று அவர் தெரிவித்தார்.

 

புதிய சட்டை வாங்கியவுடன் அதை அணிந்து கொண்டு மும்பையில் உள்ள சித்தி விநாயகர் கோயிலில் பங்கஜ் பாரக் வழிபட்டார். அப்போது அனைவரின் பார்வையும் அவர் மீது பதிந்தது. அவரைப் பார்க்க மக்கள் பெருந்திரளாகக் கூடினர்.

 

கடந்த ஆண்டு புணேவைச் சேர்ந்த தத்தா புகே என்பவர் ரூ.1 கோடியே 27 லட்சம் (இந்திய ரூபாய்) செலவில் தங்க சட்டை வாங்கி தனது பிறந்தநாளைக் கொண்டாடினார். அந்த சாதனையை பங்கஜ் பாரக் இப்போது முறியடித்துள்ளார். அவரின் சாதனை கின்னஸ், லிம்கா சாதனை புத்தகங்களிலும் இடம்பெறும் என்று எதிர்பார்க்கப்படுகிறது. (தி ஹிந்து)

http://tamil.dailymirror.lk/2012-05-03-10-09-42/121204--4----.html

 

பிறந்த நாளில் நான்கு கிலோ தங்க சட்டை அணிந்த கோடீஸ்வரர்

 

 

மும்பையில் பல கோடி ரூபாய் மதிப்புள்ள ஆடைகள் தயாரிப்பு நிறுவனத்தை நடத்தி வருபவர் பங்கஜ் பராக். இவர் தனது பிறந்த நாளை கொண்டாடும் வகையில் நான்கு கிலோ எடை கொண்ட தங்க சட்டை அணிந்து மகிழ்ந்தார்.

7 தங்க பட்டன்கள் கொண்ட இந்த சட்டையை பரேலில் உள்ள சாந்தி ஜுவல்லர்ஸ் என்ற நிறுவனத்தின் 20 பேர் கொண்ட நகை வடிவமைப்பாளர்கள் குழு, இரண்டு மாதங்களில் 3200 மணி நேரங்கள் செலவழித்து இந்த சட்டையை தைத்துள்ளது. இந்த சட்டையில் உபயோகப்படுத்தப்பட்டுள்ள தங்கத்தின் தரம் 18 முதல் 22 கேரட் வரை இருக்கும் என்று தெரிவிக்கப்பட்டுள்ளது. 

தங்கத்தில் செய்யப்பட்டிருந்தாலும் இது மடிக்ககூடியதாகவும், அணிந்து கொள்ள ஏதுவாகவும் உள்ளதுடன் உள்புறம்  உடலை கிழிக்காமல் இருப்பதற்காக மெல்லிய துணி வைத்து தைக்கப்பட்டிருக்கிறது.

இந்த ஆடையை அணிந்து கின்னஸ் மற்றும் லிம்கா சாதனைகளில் இடம் பெறுவேன் என்று பங்கஜ் பராக் தெரிவித்தார். மேலும் சிறுவயதில் இருந்தே தங்க நகைகள் அணிவதில் தனக்கு பேரார்வம் இருந்ததாக அவர் தெரிவித்தார். தனது திருமணத்தின் போது மணப்பெண் அணிந்திருந்த நகைகளை விட தான் அதிகமாக அணிந்திருந்ததாகவும் பங்கஜ் மகிழ்ச்சியுடன் கூறினார்.

http://www.maalaimalar.com/2014/08/09152938/NCP-corporator-gifts-self-4kg.html