"தங்கத்தினை நேசித்ததைப் போன்று தாய் நாட்டையும் நேசியுங்கள்"நகைகளை வழங்கும் நிகழ்வில் மகிந்த ராஜபக்சே.                       
            

"விடுதலைப்புலிகளிடமிருந்து மீட்கப்பட்ட தங்க நகைகள் அரசுடைமையாக்கப்படுவதே சட்டமாகும்.ஆனால் நாம் அதனைச் செய்யவில்லை.
 

நகைகளை சொந்தக்கார்ர்களிடமே வழங்குகின்றோம். ஏனென்றால் வடபகுதி மக்கள் நகைகளைச் சேகரிப்பதற்கு எவ்வளவு கஷ்ரப்பட்டிருப்பார்கள் என்பதை நாமறிவோம்"என்பதை ஜனாதிபதி தெரிவித்துள்ளார்.
 

  "அன்று பயங்கரவாதிகளுடன் பேச்சுவார்த்தை நடத்தினோம்.சுமுகமான தீர்வுக்கு அழைப்பு விடுத்தோம்.ஆனால் எதுவுமே பலனளிக்கவில்லை.அனைத்தும் தோல்வி கண்டன.இறுதியில் பயங்கரவாத்த்திற்கு எதிராக போராடினோம். யுத்தத்தை நிறுத்தினோம்.பயங்கரவாத்த்தை இல்லாதொழித்தோம்.
 

பயங்கரவாத்த்திற்கு எதிராகவே போராடினோமே தவிர தமிழ் மக்களுக்கு எதிராக யுத்தம் செய்யவில்லை.     யுத்தம் முடிந்து4-5வருடங்கள் என்ற குறுகிய காலத்திற்குள் வடக்கில் பாடசாலைகளை நிர்மாணித்தோம்.வைத்தியசாலைகளை புனர்நிர்மாணம் செய்தோம்"
 

என்று ஏதோ தமிழ் மக்களுக்குரிய அனைத்தும் வழங்கிவிட்டதாக அலரிமாளிகையில் ஜனாதிபதி தெரிவித்துள்ள கருத்து மேலோட்டமாக பார்க்கும்போது தமிழ் மக்களுக்கு அனைத்தையும் வழங்கிவிட்டதைப் போன்ற ஒரு மாயையே ஏற்படுத்தும்.ஆனால் உண்மையில் இன்று வடக்கில் இடம்பெறுவது என்ன?           
 

 கிளிநொச்சியில் ஆயிரக்கணக்கான வீடுகள் புதிது புதிதாக அமைக்கப்பட்டு அங்கு இராணுவத்தினரின் குடும்பங்கள் என்ற பெயரில் சிங்களக் குடியேற்றம் திட்டமிட்ட வகையில் மேற்கொள்ளப்பட்டு வருகின்றது. 
 
புத்த விகாரங்கள் அமைக்கப்பட்டு ஒரு கலப்பினத்தை உருவாக்கும் முயற்சிகள் இடம்பெறுகின்றன.முழத்துக்கு முழம் இராணுவம்.வீட்டுக்கு வீடு இராணுவம்.               யுத்தம் முடிவுக்கு கொண்டுவரப்பட்டுவிட்டதென்றால்,பயங்கரவாத்த்தை இல்லாதொழித்துவிட்டாயிற்று என்றால் இலட்சக்கணக்கான இராணுவத்தினர் எதற்காக நிலைகொண்டிருக்க வேண்டும்.

தமிழ்மக்களுக்கு எதிராக யுத்தம் செய்யவில்லை என்றால் முள்ளிவாய்க்காலில் அநியாயமாக கொல்லப்பட்ட ஒன்றரை இலட்சம் மக்களும் யார் ?அவர்கள் தமிழ்மக்கள் இல்லையா?   

                           தங்கத்தை நேசித்ததைவிட,பாலங்கள்,பள்ளிக்கூடங்கள் ,புகையிரப் பாதைகளை விரும்பியதைவிட ;ஒன்றாக உடுத்து உறங்கி உடலும் உயிருமாக வாழ்ந்த உறவுகளைத் தொலைத்துவிட்டு நடைப்பிணங்களாக வாழ்ந்து கொண்டிருக்கின்ற மக்களிடம் "தாய் நாட்டை நேசியுங்கள்"என்று எப்படிச் சொல்ல முடிகின்றது அவனால்.                      
 
காலம் காலமாக தங்களை அடிமைப்படுத்தி வைத்திருக்கும் சிங்கள சிறிலங்காவை தமிழீழ மக்களால் எப்படி தாய்நாடு என்று ஏற்றுக்கொள்ள முடியும்?     
 
சிங்களச் சிறிலங்கா தமிழ் மக்களினதும் தாய்நாடு என்றால் சிறிலங்காவில் வாழ்கின்ற பெரும்பான்மைச் சிங்கள மக்கள் அனுபவிக்கின்றனர் அனைத்து உரிமைகளையும் தமிழ் மக்களுக்கு வழங்கிவிட்டாரா ராஜபக்சே? சிங்கள மக்கள் சுதந்திரமாக வாழ்வதைப் போன்று தமிழ் மக்களால் வாழ முடிகின்றதா?            இழவு வீடுகளைக்கூட  சுதந்திரமாக நடத்த முடியாத எம் உறவுகளிடம் "தாய் நாட்டை நேசியுஙுகள்"என்று எப்படி இவனால் சொல்ல முடிகின்றது?    

                  ஆயிரம் பேரை அவசர அவசரமாக அலரி மாளிகைக்கு அழைத்து ஐந்து வருடங்களாக பூதம் காத்த நகைகளை கொடுப்பதன் பின்னணி தெரியாத அளவிற்கு நமது தமிழ் மக்கள் ஒன்றும் அறிவிலிகள் அல்ல!                                               

                   மீண்டும் ஜனாதிபதியாக வரவேண்டும் என்பதற்காக தமிழ் மக்களின் வாக்குச்சீட்டுக்களைப் பெற்றுவிடலாம் என்ற நப்பாசையில் அவன் ஆடும் நாடகம் இதுவென்பது அனைவர்க்கும் புரியும்!
 

- வல்வைக்குமரன்-

http://www.pathivu.com/news/35860/57//d,article_full.aspx

 

சாத்தான் வேதம் ஓதுது எண்டு எந்த சாத்தானை சொல்லுறீங்கள் ஐயா?