நாட்வெஸ்ட் ஆட்டம் ரத்து : பீல்டிங் செய்யும் போது மோதல்; ஆபத்தான நிலையில் இரு வீரர்கள்!

 

 

இங்கிலாந்தில் நடைபெற்று வரும் நாட்வெஸ்ட் தொடரில், நேற்று நடந்த ஆட்டத்தின் போது பீல்டிங் செய்த இரு வீரர்கள் கேட்ச் பிடிக்கு முயற்சியின்போது மோதிக்கொண்டனர். இருவருமே ஆபத்தான நிலையில் மருத்துவமனையில் அனுமதிக்கப்பட்டுள்ளனர்.

நாட்வெஸ்ட் தொடரில்  சஸ்சக்ஸ் நகரில் நடந்த ஆட்டத்தில், சஸ்சக்ஸ் அணியுடன் சர்ரே அணி மோதியது. 19வது ஓவரில் சஸ்சக்ஸ் அணி 141 ரன்கள் எடுத்திருந்தபோது, கேட்ச்சாக வந்த பந்தை பிடிக்க சர்ரே அணி வீரர்கள் ராரி பர்ன்சும், மொய்சஸ் ஹென்ரிக்சும் முயன்று மோதிக் கொண்டனர். மோதிய வேகத்தில் இருவரும் பலத்த காயமடைந்து மைதானத்தில் விழுந்தனர்.

இருவருக்குமே பலத்த அடிபட்டிருந்தது. அவர்கள் மைதானத்தில் கிடந்த நிலை சக வீரர்களுக்கு கடும் அதிர்ச்சியை ஏற்படுத்தியது. மைதானத்தில் இருந்த பெண் ரசிகைகள், கண்ணீர் விட ஆரம்பித்தனர். தொடர்ந்து அவர்களுக்கு அவசர கால சிகிச்சை அளிக்கப்பட்டது. பின்னர் மைதானத்திற்கு 3 ஆம்புலன்ஸ்கள் வரவழைக்கப்பட்டன.

தொடர்ந்து காயமைடைந்த பர்ன்சும், ஹென்ரிக்சும் அங்குள்ள ஷிசெஸஸ்டர் மருத்துவமனையின் தீவிர சிகிச்சை பிரிவில் சிகிச்சைக்காக அனுமதிக்கப்பட்டனர்.

இரு வீரர்களும் மோதிக் கொண்டதை நேரில் பார்த்த செய்தியாளர் ஒருவர் கூறுகையில், ''கடந்த 20 வருடங்களாக கிரிக்கெட் போட்டிகளை நேரில் பார்த்து வருகின்றேன். ஆனால் இது போன்று வீரர்கள் மோதிக்கொண்டதை பார்த்தது இல்லை'' என்றார். இந்த சம்பவத்தையடுத்து அந்த போட்டி ரத்து செய்யப்பட்டது.

 

http://www.vikatan.com/news/article.php?aid=48010

கிரிக்கெட்டின் பலம் இதுதானோ...?

 

கடந்த ஞாயிற்றுக்கிழமை சஸ்சக்ஸ் நகரில் நடந்த நாட்வெஸ்ட் தொடரில், சஸ்சக்ஸ் அணியுடன் சர்ரே அணி மோதியது. இந்த போட்டியின் போது கேட்ச் பிடிக்கும் முயற்சியில் ஈடுபட்ட சர்ரே வீரர்கள் ராரி பர்ன்சும், ஹென்ரிக்சும் ஒருவர் மீது ஒருவர் பலமாக மோதிக் கொண்டனர்.

மைதானத்தில் நினைவற்று கிடந்த இந்த வீரர்களின் நிலை சக வீரர்களுக்கு கடும் அதிர்ச்சியை ஏற்படுத்தியது. மைதானத்தில் இருந்த பெண் ரசிகைகள், கண்ணீர் விட ஆரம்பித்தனர். தொடர்ந்து அவர்களுக்கு அவசர கால சிகிச்சை அளிக்கப்பட்டது. பின்னர் மைதானத்திற்கு 3 ஆம்புலன்ஸ்கள் வரவழைக்கப்பட்டன.தொடர்ந்து காயமைடைந்த பர்ன்சும், ஹென்ரிக்சும் அங்குள்ள ரிச்சர்ட் மருத்துவமனையில் தீவிர சிகிச்சை பிரிவில் சிகிச்சைக்காக அனுமதிக்கப்பட்டனர்.

 

அபாயகரமான இந்த மோதலில் ஹென்ரிக்சின் மூட்டு மோதியதில் பர்ன்சின் தாடை 3 பகுதிகளில் உடைந்து போனது. மைதானத்தில் வைத்தே அவர்களுக்கு முதலுதவி சிகிச்சை அளிக்கப்பட்டதையடுத்து இரு வீரர்களுக்கும் நினைவு திரும்பியது. பின்னர் தொடர்ந்து மருத்துவமனையில் அவர்களுக்கு அறுவை சிகிச்சை மேற்கொள்ளப்பட்டது.

 

இந்நிலையில் ரசிகர்கள் தங்களை பற்றி கவலைப்பட வேண்டாம் என்றும், இருவரும் நலமாக இருப்பதாகவும் கூறி ட்விட்டர் தளத்தில் ராரி பர்ன்ஸ் ஒரு படம் வெளியிட்டுள்ளார். அந்த புகைப்படத்தில் சக வீரர் ஹென்ரிக்ஸ் பக்கத்து படுக்கையில் படுத்து இருக்கிறார். இருவரும் ஒருவர் கையை ஒருவர் பற்றியபடி,  'நாங்கள் ஓ.கே.' என்று சொல்வது போல அந்த படம் அமைந்துள்ளது.

 

காயமடைந்த இரு வீரர்களும், விரைவில் குணமடைய கெவின் பீட்டர்சன், அலெஸ்டர் குக் உள்ளிட்ட இங்கிலாந்து கிரிக்கெட் வீரர்கள் வாழ்த்து தெரிவித்துள்ளனர்.

 

http://www.vikatan.com/news/article.php?aid=48049