மான்செஸ்டர்: நியூசிலாந்துக்கு எதிரான ‘டுவென்டி-20’ போட்டியில் இங்கிலாந்து அணி 56 ரன்கள் வித்தியாசத்தில் வெற்றி பெற்றது. 

இங்கிலாந்து சென்ற நியூசிலாந்து அணி ஒரே ஒரு   ‘டுவென்டி-20’ போட்டியில் பங்கேற்றது. மான்செஸ்டரில் நடந்த இப்போட்டியில் ‘டாஸ்’ வென்ற இங்கிலாந்து கேப்டன் இயான் மார்கன் முதலில் ‘பேட்டிங்’ தேர்வு செய்தார். 

ஜோ ரூட் அரைசதம்: 

இங்கிலாந்து அணிக்கு ராய் (23), ஹேல்ஸ் (27) சுமாரான துவக்கம் அளித்தனர். பின் வந்த ஜோ ரூட் அதிரடியாக ரன்கள் சேர்த்தார். பேரிஸ்டோவ் (1), கேப்டன் மார்கன் (4) ஆகியோர் நிலைக்கவில்லை.  ஒருபுறம் விக்கெட் சரிந்தாலும் மறுபுறம் அதிரடியாக ரன்கள் சேர்த்த ரூட், ‘டுவென்டி-20’ அரங்கில் தனது இரண்டாவது அரைசதத்தை பூர்த்தி செய்தார். இவர் 68 ரன்கள் எடுத்து அவுட்டானார். கடைசியில் பில்லிங்ஸ் (21) ஓரளவு கைகொடுக்க, இங்கிலாந்து அணி 20 ஓவரில் 7 விக்கெட்டுக்கு 191 ரன்கள் எடுத்தது. ஸ்டோக்ஸ் (24), ரஷித் (7) அவுட்டாகாமல் இருந்தனர். 

கப்டில் ஏமாற்றம் :

கடின இலக்கை துரத்திய நியூசிலாந்து அணிக்கு துவக்க வீரர் கப்டில் (6) சொதப்பல் துவக்கம் அளித்தார். அதிரடி ஆட்டத்தை வெளிப்படுத்திய கேப்டன் பிரண்டன் மெக்கலம் 15 பந்தில் 2 பவுண்டரி, 4 சிக்சர் அடித்து 35 ரன்களில் உட் பந்தில் ‌போல்டானார். பின் வந்த டெய்லர் (17), முன்ரோ (1), ரான்கி (5) அடுத்தடுத்து வெளியேற நியூசிலாந்து அணி தடுமாறியது. எதிர்புறம் ‌தொடர்ந்து போராடிய வில்லியம்சன் (57) அரைசதம் கடந்து ஆறுதல் அளித்தார். பின்வரிசை வீரர்கள் யாரும் ஒற்றை இலக்கை தாண்டவில்லை. இதையடுத்து நியூசிலாந்து அணி 16.2 ஓவரில் 135 ரன்களுக்கு ‘ஆல் அவுட்டாகி’ 56 ரன்கள் வித்தியாசத்தில் தோல்வியடைந்தது. இங்கிலாந்து சார்பில் வில்லி, உட் ஆகியோர் தலா 3 வி்ககெட் கைப்பற்றினர். 

http://sports.dinamalar.com/2015/06/1435093258/NewzealandEnglandt20.html