இதோ இன்னுமொரு தேர்தல் வாக்குறுதி! ஒற்றையாட்சியில் அதியுச்ச அதிகார் பகிர்வு! ஐ.தே.க

அனைத்து தரப்பினதும் ஒத்துழைப்பு, இணக்கப்பாட்டுடன் ஒற்றையாட்சி ஆட்சியின் கீழ் அதியுச்ச அளவில் அதிகாரத்தைப் பகிர்வதற்கு நடவடிக்கை எடுக்கப்படும் என ஐக்கிய தேசிய முன்னணியின் தேர்தல் விஞ்ஞாபனத்தில் குறிப்பிடப்பட்டுள்ளது.

ஐக்கிய தேசிய முன்னணியின் தேர்தல் விஞ்ஞாபனம் நேற்று (23) விகாரமாதேவி திறந்தவெளியில் வெளியிடப்பட்டது. இதில் உரையாற்றும்போதே ஐக்கிய தேசியக் கட்சியின் தலைவர் ரணில் விக்ரமசிங்க இந்தத் தேர்தல் வாக்குறுதிளை அளித்தார்.

பொருளாதாரத்தை மேம்படுத்தல், ஊழல் மோசடிகளை ஒழித்தல், சுதந்திரத்தை உறுதிப்படுத்தல், அடிப்படை வசதிகளை மேம்படுத்தல், முதலீடுகள் மற்றும் கல்வித் துறையை மேம்படுத்தல் ஆகிய ஐந்து பிரதான கொள்கைகளை முதன்மைப்படுத்தி ''60 மாதங்களில் புதிய நாடு'' என்ற கருப்பொருளில் ஐக்கிய தேசிய முன்னணியின் கொள்கைப் பிரடகனம் வெளியிடப்பட்டுள்ளது.

''போர்க் காலம் குறித்து பதில்'' என்ற உப தலைப்பிலும் ஐக்கிய தேசிய முன்னணி சில யோசனைகளும், திட்டங்களையும் தனது தேர்தல் விஞ்ஞாபனத்தில் குறிப்பிட்டுள்ளது.

போர்க் காலச் சம்பவங்கள் குறித்து ஐக்கிய நாடுகள் மனித உரிமைப் பேரவையின் அறிக்கை குறித்து அந்த அமைப்புடனும், பேரவையின் அங்கத்துவ நாடுகளுடனும் இலங்கையின் அனைத்துத் தரப்பினரையும் உள்ளிடக்கிய வகையில் பேச்சு நடத்துவது குறித்த திட்டமும் இதில் உள்ளடக்கப்பட்டுள்ளது. அத்துடன், உள்நாட்டு சட்டவிதிகளுக்கமைய பேரவையின் அறிக்கைக்கு பதிலளிப்பதற்கும் தேர்தல் விஞ்ஞாபனத்தில் யோசனை முன்வைக்கப்பட்டுள்ளது.

இதனைத்தவிர, அரசியலமைப்புப் பேரவை, பத்து லட்சம் வேலை வாய்ப்புக்கள், எரிபொருளில் தங்கியிருக்கும் யுகத்திற்கு முடிவு காணுதல், ஊதியக் கொடுப்பனவு, 2023 ஆண்டில் கடனற்ற இலங்கை, பேருந்து - ரயில் - ஆட்டோ வீதி விபத்துக்களுக்கு நட்டஈடு, ஆங்கில மொழி அறிவை மேம்படுத்தல், உள்நாட்டில் ஔடத உற்பத்தி உள்ளிட்ட பல திட்டங்கள் அடங்கிய வகையில் இந்தத் தேர்தல் விஞ்ஞாபனம் வெளியிடப்பட்டுள்ளது.

http://www.tamil.srilankamirror.com/news/item/3636-2015-07-24-04-03-22

Edited July 24, 201510 yr by Kashni