கனடா- வங்கி கவுண்டர்கள் மீது தாவி கொள்ளைகளை நடாத்தி வந்ந நபர் சுவிற்சலாந்தில் கைது  செய்யப்பட்டார். தனது இந்த கொள்ளை பயிற்சியை ‘Vaulter Bandit’ என்ற புனை பெயருடன் செய்து வந்துள்ளார்.
53வயதுடைய ஜெவ்றி ஜேம்ஸ் ஷ_மன் என்ற இந்த சந்தேக நபர் செவ்வாய்கிழமை பிற்பகல் ஜெனிவாவில் வைத்து சாதாரண உடையணிந்த அதிகாரிகளால் கைது செய்யப்பட்டார்.
22 வங்கி கொள்ளைகள் சம்பந்தமாக பிரான்ஸ்-அமெரிக்கர் ஒருவர் சர்வதேச பிடியாணை ஒன்றுடன் தேடப்பட்டு வந்துள்ளார்.மேற் குறிப்பிட்ட 22 கொள்ளைகளும் ரொறொன்ரோ ,யோர்க் பிராந்தியம் ,பீல் பிராந்தியம், ஹமில்ரன் ,ஒட்டாவா மற்றும் கல்கரி ஆகிய இடங்களில் கடந்த ஐந்து வருடங்களில் இடம்பெற்றுள்ளது.
யோர்க் பிராந்திய பொலிசார் சந்தேக நபரை அடையாளம் கண்டு கொண்டதுடன் அவர் பிரான்சில் வசிப்பதாகவும் உறுதிப்படுத்தினர்.
“இந்நபர் பல மணித்தியாலங்கள் ஜெனிவாவில் இருப்பார் என சில தகவல்கள் எமக்கு கிடைத்தன. அதனால் சரியான தருணம் வரும் வரை அவரை கவனித்து வந்து கைது செய்தோம்”. என ஜெனிவா பொலிஸ் பேச்சாளர் ஜீன்-பிலிப்பே பிரான்ட் CP24 யிடம் தெரிவித்துள்ளார்.
கனடிய வங்கியாளர் சங்கம் இவரை கைது செய்ய தகவல் தருபவர்களிற்கு 100,000டொலர்கள் வழங்க முன்வந்தது.
குற்றவாளி என தீர்மானிக்கும் பட்சத்தில்இவருக்கு ஆயுள் தண்டனை விதிக்கப்படும் என கூறப்படுகின்றது.

 

- See more at: http://www.canadamirror.com/canada/49144.html#sthash.iu0OITx5.dpuf

சுவிசுக்கு போய் ஹொலிடே அனுபவிக்கவும் முடியாதா? என்ன நாடு இது?

சுவிசுக்கு போய் ஹொலிடே அனுபவிக்கவும் முடியாதா? என்ன நாடு இது?

சுவிஸ் பேங்க் அக்கௌன்ட் எண்டதை பிழையா விளங்கிப் போட்டார் போல.