கராத்தே வீரர் கொலை தொடர்பில் எண்மர் கைது - 15 பேரை தேடி வலைவீச்சு

அநு­ரா­த­பரம், - கட பனஹ – முதிதா மாவத்­தையில் உள்ள இரவு விடுதி ஒன்றின் உரி­மை­யா­ள­ரான கின்னஸ் சாதனை கராத்தே  வீரர்   வசந்த சொய்ஸா படு­கொலை செய்­யப்­பட்ட சம்­பவம் தொடர்பில்  எட்டு பேர் சந்­தே­கத்தில்   கைது செய்­யப்­பட்­டுள்­ளனர்.  

நேற்றுக் காலை இவர்கள்  கைது செய்­யப்­பட்­ட­தா­கவும் சம்­பவம் தொடர்பில் மேலும் 15 பேரை அடையாளம் கண்டுள்ள நிலையில் அவர்களைத் தேடி வருவதாகவும் பொலிஸ் ஊடகப் பேச்சாளர் உதவி பொலிஸ் அத்தியட்சகர் ருவன் குணசேகர தெரிவித்தார்.

கைது செய்யப்பட்ட எட்டு பேரில் வசந்த சொய்ஸாவை கொலை செய்ய சதித்திட்டம் தீட்டிய இருவரில் ஒருவரும்  அநுரதபுரத்தின் இரு வேறு விடுமுறை விடுதிகளின் உரிமையாளர்களும் அடங்குவதாகவும் தனிப்பட்ட விவாகரம் இக்கொலைக்கு காரணம் என தெரியவந்துள்ளதாகவும் உதவி பொலிஸ் அத்தியட்சகர் ருவன் குணசேகர சுட்டிக்காட்டினார்.

முகத்தை மூடியவாறு, உரப்பைகளைக் கொண்டு உடலை மறைத்த வண்ணம் கடந்த சனியன்று  இரவு 11.45 மணியளவில் குறித்த விடுதிக்குள் நுழைந்த சுமார் 23 பேர் வரையிலான குழுவினர்  கத்தி மற்றும் பொல்லுகளைக் கொண்டு தாக்குதல் நடத்தினர்.

அத்துடன் பெற்றோல் குண்டுகளையும் அந்த விடுதி மீது  வீசியுள்ளனர். இதன் போது  கராட்டே வீரரான  57 வயதான வசந்த சொய்ஸா மற்றும் அந்த விடுதியின் ஊழியர்கள் மூவரும் படுகாயமடைந்துள்ளத நிலையில் அநுராதபுரம் போதனா வைத்தியசாலையில் அனுமதிக்கப்பட்டதன் பின்னர் வசந்த பெரேரா   உயிரிழந்துள்ளார்.

இந்நிலையில் குறித்த சம்பவம் தொடர்பில் அநுராதபுரம் சிரேஷ்ட பொலிஸ் அத்தியட்சகர் அதுல வீரசிங்கவின் ஆலோசனைக்கு அமைய உதவி பொலிஸ் அத்தியட்சர் சமுத்ரஜீவவின் வழி நடத்தலில் அனுராதபுரம்  தலைமையக பொலிஸாரினால் விஷேட விசாரணையொன்று நேற்று முன் தினம்  காலை ஆரம்பிக்கப்படதுடன்  5 பொலிஸ் குழுக்கள் விசாரணைகளில் ஈடுபடுத்தப்பட்டன.

இந் நிலையில் பொலிஸார் மேற்கொன்ட விசாரணையில் சனி  இரவு 11.45 மணியளவில் முகத்தை துணிகள் கொண்டும் மறைத்தும் தலைக்கவந்சங்கள் அணிந்த வண்ணமும் சுமார் 23 பேர் கொண்ட கும்பலொன்று பனோரமா என்ற அந்த இரவு விடுதியினுள் அத்துமீறி நுழைந்துள்ளமை தெரியவந்தது.

இந்த கும்பலில் இருந்தவர்களின் கைகளில் பொல்லுகளும் வாள்களும் இருந்துள்ளமை சீ.சீ.ரி.வி. கண்காணிப்பு கமராக்கள் ஊடாக  உறுதி செய்யப்பட்டதுடன் பெற்றோல் குன்டுகளையும் அவர்கள் வீசி தக்குதல் நடத்தியமையும் பொலிஸார் உறுதி செய்துகொண்டனர்.

இந் நிலையில் நேற்று முன் தினம்  விசேட விசாரணைகளை ஆரம்பித்த பொலிஸார் சந்தேக நபர்கள் பயன்படுத்தியதாக சந்தேகிக்கப்படும் முகத்தை மறைக்க பயன்படுத்தப்படும் மாஸ்க், கையுறைகள் மற்றும் அவற்றைக் கொண்டு செல்ல பயன்படுத்தப்படும் பை உள்ளிட்டவற்றை மீட்டுள்ளனர். வட மத்திய மாகாண சபையின் கட்டடத் தொகுதிக்கு அருகிலிருந்தே இவற்றை பொலிஸார் மீட்டுள்ளனர்.

இந்த தாக்குதல்களுக்காக சந்தேக நபர்கள் ட்ரக் வண்டி ஒன்றில் வந்துள்ளதும் அந்த ட்ரக் வண்டியானது அந்த விடுதிக்கு 150 மீற்றர்களுக்கு முன்னால் நிறுத்தப்பட்டுள்ளதும், வாள் பொல்லுகள் போன்றன கார் ஒன்றிலேயே கொண்டுவரப்பட்டுள்ளதும் அக்காருக்கு மேலதிகமாக முச்சக்கர வண்டி ஒன்றும் சம்பவத்துடன் தொடர்புபட்டுள்ளதையும் நேற்று பிற்பகல் வரையிலான விசாரணைகளில் பொலிஸார் கண்டறிந்துள்ளனர்.

இதனையடுத்து காரையும் முச்சக்கர வண்டியையும் கைப்பற்றியுள்ள அனுராதபுரம் பொலிஸார் மேலதிக விசாரணைகளை முன்னெடுத்துள்ளனர்

- See more at: http://www.metronews.lk/article.php?category=news&news=12923#sthash.6dhS7c7m.dpuf