சுவையான முள்ளங்கி இறால் குருமா

[தமிழரசு]

இறால் உணவு என்றால் பிக்காதவர்கள் குறைவு தான். அதன் சுவை அனைவரையும் திரும்ப திரும்ப தன் பக்கம் ஈர்க்கும். நாம் சமைக்க இருக்கும் முள்ளங்கி இறால் குருமா நிச்சயம் சிறியவர் முதல் பெரியவர்கள் வரை சுண்டி இழுக்கும்.

 

 

தேவையான பொருட்கள்:

 

* இறால் - 1/2 கிலோ

* முள்ளங்கி - 1/4 கிலோ

* தயிர் - 1/2 கப்

* வெங்காயம் - 200 கிராம்

* பச்சை மிளகாய் - 4

* தக்காளி - 200 கிராம்

* தேங்காய் துருவல் - கால் மூடி

* பட்டை - 2

* லவங்கம் - 2

* இஞ்சி - சிறு துண்டு

* பூண்டு - 4 பல்

* எண்ணெய் - 1 குழிக்கரண்டி

* உப்பு - தேவையான அளவு

 

செய்முறை:

 

* இறாலை நன்றாக சுத்தம் செய்து தயிரில் சிறிது நேரம் ஊற வைக்கவும்.

 

* வெங்காயம், தக்காளி, மிளகாய் முள்ளங்கியை நறுக்கிக் கொள்ளவும்.

 

* தேங்காயை அரைக்கவும், இஞ்சி மற்றும் பூண்டை விழுதாக்கிக் கொள்ளவும்.

 

* கடாயில் எண்ணெய்யை ஊற்றி காய்ந்ததும், பட்டை லவங்கம் போட்டு தாளித்து, நறுக்கிய வெங்காயம், தக்காளி, மிளகாயை ஒன்றன் பின் ஒன்றாக போட்டு வதக்கவும்.

 

* பின்னர் இஞ்சி பூண்டு விழுதை சேர்த்து இறாலையும் சேர்த்து வதக்கவும்.

 

* பின்னர் முள்ளங்கியையும் சேர்த்து வதக்கி நன்றாக வேகவிடவும்.

 

* தேவையான உப்பு, அரைத்த தேங்காயின் பாலையும் அதனுடன் சேர்க்கவும்.

 

* முள்ளங்கி மற்றும் இறால் நன்கு வெந்ததும் கொத்தமல்லி இலை தூவி இறக்கவும்.

 

 

http://tamil.webdunia.com/article/non-veg-recipes/radish-prawn-kurma-115111200030_1.html

[குமாரசாமி]

இணைப்பிற்கு நன்றி தமிழரசு.

[ரதி]

முள்ளங்கிக்கும்,இறாலுக்கும் எப்படி கொம்பினேசன் பொருந்தி வரும்