அமெ­ரிக்­காவைச் சேர்ந்த 19 வய­தான யுவ­தி­யொ­ருவர் பிக் அப் வாக­னமொன்றை தனி­யாக தூக்கி, அதன் அடியில் சிக்­கி­யி­ருந்த தனது தந்­தையை காப்­பாற்­றி­ய­துடன் 3 சக்­க­ரங்­களை மாத்­திரம் கொண்­டி­ருந்த வாக­னத்தை செலுத்திச் சென்று பெரும் தீ விபத்­தையும் தவிர்த்­த­மைக்­காக விருது வழங்கி கௌர­விக்­கப்­பட்­டுள்ளார். வேர்­ஜீ­னியா மாநி­லத்தைச் சேர்ந்த சார்லட் ஹஃபெல்மீர் எனும் இந்த யுவதி கடந்த நவம்பர் 28 ஆம் திகதி இந்த சாக­சத்தைப் புரிந்தார். அன்­றைய தினம் சார்­லட்டின் தந்­தை­யான எரிச் ஹஃபெல்மீர் தனது வீட்­டி­லுள்ள கராஜில் பிக் அப் ட்ரக் ஒன்றை பழு­து­பார்த்­துக்­கொண்­டி­ருந்தார். அப்­போது அவ்­வாகனம் திடீ­ரென ஒரு புற­மாக சரிந்­தது. எரி­பொருள் கசிந்­து­கொண்­டி­ருந்­ததால் கராஜில் தீ பரவ ஆரம்­பித்­தது.

வாக­னத்தின் அடி­யி­­லி­ருந்து வெளி­வர முடி­யாமல் எரிக் ஹஃபெல்மீர் தவித்­துக்­கொண்­டி­ருந்தார். அப்­போது அவரின் மக­ளான சார்லட் ஹபெல்மீர், பெற்றோல் மணம் மற்றும் மற்றும் புகை பர­வு­வதை உணர்ந்து ஓடி வந்தார். தனது தந்தை தீ பரவிய சூழலில் வாக­னத்தின் அடியில் சிக்­கி­யி­ருப்­பதைக் கண்டு சார்லட் அதிர்ச்­சி­ய­டைந்தார். உட­ன­டி­யாக செயற்­ப­டா­விட்டால் தந்­தையின் உயி­ருக்கு ஆபத்து ஏற்­ப­டலாம் என்­பதை அவர் உணர்ந்தார். எனினும் அயலில் எவரும் இருக்­க­வில்லை. இதனால் தானே அந்த பாரிய பிக் அப் வாக­னத்தை தூக்­கு­வ­தற்கு அவர் தீர்­மா­னித்தார். திடீ­ரென தனது உட­லுக்கு பெரும் சக்தி கிடைத்­த­வரைப் போன்று, ஏதோ நம்­பிக்­கை­யுடன் பிக் அப்பை அவர் தூக்­கினார். என்ன ஆச்­சரியம்! பிக் அப் மேலே கிளம்ப, அவரின் தந்தை எரிக் ஹபெல்­மீரை வாக­னத்­தி­லி­ருந்து வெளியே வந்தார். அது மாத்­தி­ர­மல்ல, தீ பரவும் நிலையில் வாகனம் அங்கு இருப்­பது ஆபத்­தா­னது என்­பதை உணர்ந்த சார்லட், உட­ன­டி­யாக அந்த வாக­னத்தின் சாரதி ஆச­னத்தில் ஏறி அமர்ந்து அவ்­வா­க­னத்தைச் செலுத்தி அப்பால் கொண்டு சென்றார். இதில் மற்­றொரு ஆச்­ச­ரியம் என்­ன­வென்றால் அவ்­வா­கனம் அப்­போது 3 சக்­க­ரங்­களை மாத்­தி­ரமே கொண்­டி­ருந்­தது. எனினும் அவ்­வா­க­னத்தை செலுத்திச் சென்று பாது­காப்­பான இடத்தில் நிறுத்­திய அவர், தீயை அணைக்கும் நட­வ­டிக்­கையில் ஈடு­பட்டார். பின்னர் தீய­ணைப்புத் துறை­யினர் உத­விக்கு வந்து சேர்ந்­தனர். வீட்டிலிருந்து ஓடி வந்தபோது வெறுங்காலுடனேயே சார்லட் இருந்தார். தீயின் காரணமாக அவரின் பாதங்களில் காயங்கள் ஏற்பட்டிருந்தன. அவரின் வீட்டிலிருந்த பாட்டியும் 3 மாத குழந்தையொன்றும் அங்கிருந்து பாதுகாப்பாக வெளியேறியிருந்தனர். ஐந்­தரை அடி உய­ர­மா­னவர் சார்லட். 54 கிலோ­கிராம் எடையைக் கொண்­டி­ருந்தார். அவரால் எப்­படி அந்த பிக் அப் வாக­னத்தை தூக்க முடிந்­தது என்­பது குறித்து பலரும் வியப்படைந்தனர். அண்மையில் பெயார்பெக்ஸ் பிராந்திய தீயணைப்புத் துறையினர் சார்லட் ஹபெல்மீரின் மேற்படி நடவடிக்கையை பாராட்டும் விதமாக அவருக்கு 'பிரஜைகள் உயிர்காப்பு விருது' வழங்கி கௌரவித்துள்ளது. மென்மையாக பேசும் சுபாவம் கொண்ட சார்லட், பாடசாலையில் கோலூன்றிப் பாய்தல் வீராங்கனையாக இருந்தவர். பிக் வாகனத்தை தூக்குவதற்குத் தீர்மானித்தவுடன், ''உஹ்ர்ர்ர்ர்ர்ர்ர்ர்ர் '' எனக் கூறிக்கொண்டு அவ்வாகனத்தை தான் தூக்கியதாக அவர் கூறுகிறார். மேற்படி சம்பவம் இடம்பெற்ற காலத்தில், அமெரிக்க விமானப் படைக் கல்லூரியில் இணைந்திருந்தார். ஆனால், காயம் காரணமாக அவரால் அக்கல்லூரிக்கு செல்ல முடியாதிருந்ததாம். படையில் இணைந்து செயற்பட முடியாவிட்டால் புலனாய்வுத் துறையிலோ அல்லது வேறு அரச பணியிலோ ஈடுபடுவதற்கு தான் திட்டமிட்டுள்ளதாக அவர் தெரிவித்துள்ளார்.

http://www.seithy.com/breifNews.php?newsID=149172&category=Puthinam&language=tamil

பொண்ணுதானே என்று .....
அமெரிக்க பெண்கள்மீது கையை காலை போட்டுவிடாதீர்கள்.
 

பரிமளம் இஞ்சை பாருமப்பா......உஹ்ர்ர்ர்ர்ர்ர்ர்ர்ர்...........உஹ்ர்ர்ர்ர்ர்ர்ர்ர்ர்