இயக்குநர் பாண்டிராஜ் இயக் கத்தில் விஷால், கேத்ரீன் தெரசா நடித்திருக்கும் ‘ஆக்‌ஷன் - த்ரில்லர்’ திரைப்படம் ‘கதகளி’.

கடலூர் தாதா தம்பாவுடன் (மது சூதன் ராவ்) ஏற்படும் பிரச்சினையால் ஊரைவிட்டுச் செல்கிறான் அமுதன் (விஷால்). அதற்குப் பிறகு, நான்கு ஆண்டுகள் அமெரிக்காவில் வேலை செய்துவிட்டு, தன் காதல் திருமணத் துக்காக ஊருக்குத் திரும்பிவரு கிறான். அமுதனின் காதலி மீனுக்குட்டி (கேத்ரீன் தெரசா). திருமணத்துக்கு நான்கு நாட்கள் இருக்கும்போது தாதா தம்பாவை யாரோ கொன்று விடுகிறார்கள். அந்தக் கொலைப் பழி அமுதன் மீது விழுகிறது. திருமண வேலைக்காகச் சென்னைக்குச் சென்றிருக்கும் அமுதனைக் காவல் துறை உடனடியாகக் கடலூருக்கு வரும்படி நெருக்குகிறது. அமுதனின் குடும்பத்தைக் கொல்ல தம்பாவின் ஆட்கள் வெறியோடு திரிகிறார்கள்.

தம்பாவை யார் கொன்றது? அமுதனால் கொலைப் பழியில் இருந்து வெளியே வர முடிந்ததா? அமுதனின் குடும்பம் தப்பித்ததா?

‘மெசேஜ்’ சொல்லும் படங்களை எடுக்கும் இயக்குநர் என்ற பெயரைப் பெற்றிருக்கும் பாண்டிராஜ், ஆக்‌ஷன் - த்ரில்லர்’ களத்தில் கால் பதித்திருக் கிறார். ஒரு கொலையின் மர்மத்தைப் பின்தொடரும் திரைக்கதையை எழுதி யிருக்கிறார் இயக்குநர்.

விஷால் ஊருக்கு வந்தவுடன் வரும் காட்சிகள் பத்து ஆண்டுகளுக்கு முன் வெளிவந்த அவரது படங்களின் காட்சிகளை ஞாபகப்படுத்தி ஆயா சத்தை ஏற்படுத்துகின்றன. எல்லாப் படங்களிலும் கட்டாயமாக ஒரு திரு விழா பாடல் வேண்டும் என்று விஷால் கேட்டு வாங்குகிறார் போலும்.

தனது ‘பசங்க’ (முதல் பாகம்) படத்தில் காதல் மலர்வதற்குப் பயன்படுத்திய அதே செல்போன் உத்தியை இதிலும் காட்டியிருக்கிறார் பாண்டிராஜ். கொஞ்சமே கொஞ்சம் உல்டா அடித்து பாலிஷ் போட்டு கொடுத்தாலும் ராங் நம்பரை ரசிக்க முடிகிறது.

ஹீரோ ‘அமெரிக்க ரிட்டர்ன்’ என் பதைக் காட்டுவதற்கு, ஹேண்ட் சானிட்டைசரை அடிக்கடி பயன் படுத்துவது, லிப்ஸ்டிக் போடுவது இந்த இரண்டையும் தவிர வேறு எந்த விஷயமும் இல்லையா?

ஆனால், இரண்டாம் பாதியில் இயக்குநர் ஓரளவு சுதாரித்துக்கொள் கிறார். ஆக்‌ஷன் -த்ரில்லர் படத்தைப் பார்க்கும் உணர்வு இரண்டாம் பாதியில் ஏற்படுகிறது. குறிப்பாக, அலைபேசி வழியாகவே விஷாலை இன்ஸ்பெக்டர் தன் பிடிக்குள் கொண்டுவருவது நன்கு காட்சிப் படுத்தப்பட்டுள்ளது. போலீஸிட மிருந்து தப்பி, தம்பாவின் ஆட்களை விஷால் எதிர்கொள்ளும் காட்சியும் அதற்குரிய அழுத்தத்துடன் படமாக் கப்பட்டுள்ளது. விஷாலைக் கொன்று படம் எடுத்து அனுப்பு என்று வில்லனின் தளபதிகள் அடியாட்களை அனுப்ப, அவர்களை அடித்துப்போட்டு அவர்களுடன் சேர்ந்து செல்ஃபி எடுத்து விஷால் அனுப்புவது ஆக்‌ஷன் விருந்தில் சேர்க்கப்பட்ட ரசனையான கொசுறு.

ஆக்‌ஷன் படம் என்றால் நாயகன் யாரையாவது எப்போதும் அடித்துக் கொண்டே இருக்க வேண்டும் என்னும் தமிழ்ப் பட இலக்கணத்தையும் பாண்டிராஜ் மீறியிருக்கிறார். இரண்டே பாடல்கள் மட்டும் இடம் பெற்றிருப்பது இன்னொரு நல்ல விஷயம். இரண்டு மணிநேரத்துக்குள் படத்தை முடித்துக்கொண்டதும் பாராட்டத்தக்கது.

கடைசியில் சஸ்பென்ஸ் அவிழும் விதம்தான் படத்தின் முக்கியமான பிரச்சினை. கொலை குறித்த மர்மத்தை நாயகனே விடுவிக்கிறார். தன் புலனாய்வின் மூலம் அதை அவர் கண்டுபிடிக்கவில்லை. ஏனென்றால் அவருக்கு ஏற்கெனவே தெரிந்த உண்மைதான் அது. எதிரிகளைப் பந் தாடிவிட்டு கெத்தாக நாயகன் நம்மை நோக்கி நடந்து வருகையில் அவரது மனக் குரல் மூலம் உண்மை வெளிப் படுகிறது. ஒட்டுமொத்த கதையே ஊச லாடுவது அந்த உண்மைக்குப் பின் னால்தான். அதுவும் அது நாயகனுக் குத் தெரிந்தே இருக்கிறது. அதை இறுதிவரை ஏன் படம் பார்ப்பவர் களுக்கு வெளிப்படுத்தவில்லை என்ற கேள்வியைக் கூடப் புறக்கணித்துவிட லாம். ஆனால் சொந்த அண்ணனிடமே அதை மறுத்துப் பேசுகிற காட்சியைத் தவிர்த்திருக்க வேண்டாமா?

ஹிப்ஹாப் தமிழாவின் ‘கதகளி’ தீம் மியூசிக் எடுபடுகிறது. நடிப்பைப் பொறுத்தவரை விஷாலிடம் எந்த மாற்றமும் இல்லை. கேத்ரீனுக்கு நடிக்க வேண்டிய தேவையே ஏற்பட வில்லை. விஷாலின் அண்ணனாக வரும் ‘மைம்’ கோபிக்கு நடிப்பதற்கு அதிகமான வாய்ப்பு இருக்கிறது. அதை அவர் நன்கு பயன்படுத்திக் கொள்கிறார்.

இன்ஸ்பெக்டரிடம் விஷால் நேரில் வந்து சிக்கும் இடத்தில் தொடங்கி இறுதிக்காட்சி வரையில் இன்னும் கவனம் காட்டி வேகம் கூட்டியிருக்கலாம். தொடக்கத்தில் ஏற்படும் தொய்வு, மர்மம் விலகும் விதம் ஆகிய குறைகளை மறந்து விட்டால் இந்தக் ‘கதகளி’ ஆட்டத்தை ரசிக்கலாம்.

http://tamil.thehindu.com/cinema/cinema-others/%E0%AE%95%E0%AE%A4%E0%AE%95%E0%AE%B3%E0%AE%BF-%E0%AE%A4%E0%AE%BF%E0%AE%B0%E0%AF%88-%E0%AE%B5%E0%AE%BF%E0%AE%AE%E0%AE%B0%E0%AF%8D%E0%AE%9A%E0%AE%A9%E0%AE%AE%E0%AF%8D/article8123385.ece?homepage=true