ஐ.நாவில் தமிழில் பேசிய மகிந்த, தமிழில் தேசியகீதம் பாடியதை எதிர்ப்பது ஏன்? - வடமத்திய மாகாண முதலமைச்சர் கேள்வி 

ஐ.நாவில் தமிழில் பேசிய மகிந்த, தமிழில் தேசியகீதம் பாடியதை எதிர்ப்பது ஏன்? - வடமத்திய மாகாண முதலமைச்சர் கேள்வி 
[Monday 2016-02-15 07:00]

ஐக்கிய நாடுகள் சபையில் உரையாற்றிய போதும் வடக்கு மாகாணத்திற்கு விஜயம் செய்திருந்த போதும் முன்னாள் ஜனாதிபதி மஹிந்த ராஜபக் ஷ தமிழில் உரையாற்றினார். அவ்வாறிருக்கையில் தேசிய சுதந்திர நிகழ்வில் தமிழ் மொழியில் தேசிய கீதம் பாடப்படுவதில் என்ன தவறு உள்ளதென வடமத்திய மாகாண முதலமைச்சர் பேசல ஜயரத்ன கேள்வி எழுப்பினார்.
ஐக்கிய நாடுகள் சபையில் உரையாற்றிய போதும் வடக்கு மாகாணத்திற்கு விஜயம் செய்திருந்த போதும் முன்னாள் ஜனாதிபதி மஹிந்த ராஜபக் ஷ தமிழில் உரையாற்றினார். அவ்வாறிருக்கையில் தேசிய சுதந்திர நிகழ்வில் தமிழ் மொழியில் தேசிய கீதம் பாடப்படுவதில் என்ன தவறு உள்ளதென வடமத்திய மாகாண முதலமைச்சர் பேசல ஜயரத்ன கேள்வி எழுப்பினார்.

   பொலன்னறுவை வெளிகந்தை பகுதியில் நேற்று முன்தினம் தேசிய நீர் வழங்கல் திட்டத்தின் முதற்கட்ட பணிகளை ஆரம்பித்து வைத்து உரையாற்றும் போதே அவர் மேற்கண்டவாறு தெரிவித்தார்.அவர் மேலும் தெரிவிக்கையில், அண்மையில் இடம் பெற்ற சுதந்திர தின நிகழ்வுகளின் போது தேசிய கீதம் தமிழ் மொழியில் பாடப்பட்டது. அதனை தொடர்ந்து எதிர்தரப்பினர் சிலர் தமிழ் மொழியில் தேசிய கீதம் பாடப்பட்டமை அரசியலமைப்பிற்கு முரணான செயற்பாடு என்றும் பல மொழிகள் உள்ள இந்தியாவில் ஒரு மொழியில் பாடப்படும் போது நாம் ஏன் இரு மொழியில் பாட வேண்டும் என்றும் கேள்வி எழுப்பியிருந்தனர்.

இவ்வாறு தேசப்பற்று மிக்கவர்கள் கடந்த அரசாங்கத்தின் காலத்திலும் இருந்தனர். அந்த நேரத்தில் முன்னாள் ஜனாதிபதி மஹிந்த ராஜபக் ஷ ஐக்கிய நாடுகள் சபையிலும் வடக்கு மாகாணத்திற்கு விஜயம் செய்திருந்த சந்தர்ப்பங்களிலும் தமிழ் மொழியில் உரையாற்றும் போதும் இவர்கள் வேடிக்கை பார்த்தனர். இவ்வாறிருக்கையில் தற்போது தேசிய கீதம் தமிழில் பாடப்பட்டமைக்காக அரசாங்கத்தை சாடுவது வேதனையான விடயம். அதேபோல் இந்தியாவில் 80 க்கும் அதிக மொழிகள் உள்ளன என்பதனால் அங்கு ஒருமொழியில் பாடப்படுவதை ஏற்றுக்கொள்ள முடியும் .

ஆனால் எமது நாட்டில் 2 மொழிகளே உள்ளன. அதிலும் 2 மொழிகளும் அரசகரும .மொழிகளாக உள்ளன. இந்நிலையில் தமிழ் மொழியில் தேசிய கீதம் பாடுவதை எதிர்ப்பது நியாயமற்ற செயற்பாடாகும்.அது மட்டுமல்லாது வடக்கு மக்களின் ஆதரவை பெற அன்று மஹிந்த வடக்கில் சிங்களத்தில் பேசினார். இன்று ஜனாதிபதி மைத்திரிபால சிறிசேன சிங்களத்தில் உரையாற்றி வடக்கு மக்களின் ஆதரவை பெற்றுள்ளமைதான் அடையாளம். மறுபுறம் இராணுவத்தை பலியிடப்போவதாகவும் அரசாங்கம் மீது குற்றம் சுமத்தப்படுகின்றது. தற்போது தான் உண்மையாக இராணுவத்தினர் ஐ.நா.விடமிருந்து காப்பாற்றப்பட்டுள்ளனர் மறந்து விட்டனர்.இவர்கள் மக்கள் மத்தியில் இனவாதத்தை பரப்பி தமது அரசியல் அபிலாஷைகளை பூர்த்தி செய்துகொள்ள முற்படுகின்றனர்.

இந்நிலையில் மாற்றத்தை ஏற்படுத்தி வடக்கிற்கான வளங்களை நாம் ஏக மனதுடன் பகிர்ந்தளிக்க வேண்டும். பல மொழிகளையும் கற்றுக்கொடுத்து எமது மாணவர் சமூகத்தின் மத்தியிலும் சகவாழ்விற்கான மனப்பாங்கை மேம்படுத்த வேண்டும் என்றார்.

http://www.seithy.com/breifNews.php?newsID=151397&category=TamilNews&language=tamil