தமிழர்களிடம் சமஷ்டி என்ற பேச்சு வரும் போது தெற்கில் பிரிவினை வாதம் வலுப்பெறுகிறது!

இனங்களுக்கிடையில்  ஒற்றுமை என்று நாம் கருதுகின்ற  போதிலும்  தமிழர்களிடம்  சமஷ்டி என்ற பேச்சு வரும் போது தெற்கில் பிரிவினை என்ற வாதம் வலுப்பெறுகின்றது. இந்நிலை சீர் செய்யப்பட வேண்டிய தேவையுள்ளது என வடமாகாண அவைத்தலைவர் சி.வி.கே.சிவஞானம் தெரிவித்தார்.

 

இலங்கை தகவல் திணைக்களத்தின் ஏற்ப்பாட்டில் வடமாகாண ஊடகவியலாளர்களுக்கான பயிற்சிபட்டறை நிகழ்வு நேற்று  யாழ் மாவட்ட செயலகத்தில் இடம்பெற்றபோது அந்நிகழ்வில் கலந்து கொண்டு உரை நிகழ்த்தம் போதே அவர் இவ்வாறு தெரிவித்தார்.

 

அவர் அங்கு மேலும் தெரிவிக்கையில், 

யாழ்ப்பாணத்தில் பத்திரிகைத்துறையில் பல ஜாம்பவான்கள் இருந்துள்ளார்கள்.இன்றைய ஊடகத்துறையில் கணிசமானவர்கள் இளையவர்களாக இருக்கின்றார்கள். இளைஞர்களுக்குரிய துடிப்போடு இணைந்து  செய்றப்பட வேண்டும். வடக்கு,தெற்கு பிரிந்து இருக்கின்றது என்ற கருத்து நிலை பேசப்படுகின்றது. கடந்த வாரம் சிங்கல ஆங்கில ஊடகவியலாளர்கள் என்னை சந்தித்தார்கள் அவர்களிடம் நான் கூறினேன். முதலில்  நல்லினக்கம் ஏற்பட வேண்டும் அதற்காக பாடுபடவேண்டடும். நல்லினக்கித்திற்கான சூழல் தற்போதைய ஆட்சி மாற்றத்தின் பின்னர் ஏற்பட்டுள்ளது. 

 

பல சந்தர்பங்களில் தமிழ் பேசும் மக்களுடைய நிலைப்பாடு தெற்கில் வாழ்கின்ற சிங்கள மக்களிடம் கொண்டு செல்லப்படுவதில்லை  என்ற ஆதங்கம் எங்களிடம் உண்டு .இந்நிலை மாற்றியமைக்கப்படவேண்டும். இனங்களுக்கிடையில் பிரதேசங்களுக்கிடையில் ஒற்றுமை என்று கருதும் போது சமஷ்டி என்ற பேச்சு வரும் போது தெற்கில் பிரிவினை என்ற வாதம் வலுப்பெறுகின்றது. இந்நிலை சீர் செய்யப்பட வேண்டிய தேவையுள்ளது. 

 

இந்த நாட்டில் சுமூகமான வாழ்வு சமத்துவமான சமூகம் தனித்துவமான கௌரவம் காணப்படுகின்றது.  இருக்க்கூடிய இணத்தின் கலை கலாசாரம் மொழி தனித்துவத்தினை பாதுகாக்க வேண்டுமாயின் நிர்வாக முறையில்  நாங்கள் பேசும் அரசின் மாற்றத்தில் உறுதிப்படுத்தும் போதே இது நிகழும் . இதற்க்கு பெரும்  பங்கு வடக்கு கிழக்கு உடகவியலாளர்களையே சாரும். 

 

இளம் ஊடகவியலாளர்கள் பலருக்கு  சிங்கள மொழி பயிற்ச்சி இல்லை. தெற்க்கு ஊடகங்களுக்கு செய்தி வழங்குவதில் சிக்கல் காணப்படுகின்றது.  சரியான வழங்களின் ஊடே எங்கள் நிலைப்பாட்டடை புரிய வைக்க முடியும். இவ்வாறான பயிற்சி பட்டறைகள் நடுநிலையாக நின்று செய்தி பெறுவதற்க்கான வாய்ப்பை தரும். இணையத்தளங்களை கட்டுப்படுத்த மாகாணசபை கோரவில்லை.  அவற்றினை ஒழுங்குபடுத்த வேண்டும் என தகவற் திணைக்களத்தினையும் பத்திரிகை பேரவையையும் மாகாணசபை கோருகின்றது என்றார்.

http://onlineuthayan.com/news/11717