கிளிநொச்சியில் 80 வீதமான உத்தியோகத்தர்கள் வெளிமாவட்டத்தைச் சேர்ந்தோர்!

கிளிநொச்சி மாவட்டத்தில் பணியாற்றுகின்ற அரச உத்தியோகத்தர்களில் தாம் உட்பட 80 வீதமானவர்கள் வெளிமாவட்டத்தைச் சேர்ந்தவர்கள் என கிளிநொச்சி மாவட்ட அரச அதிபர் சுந்தரம் அருமைநாயகம் அவர்கள் தெரிவித்துள்ளார்.

 

கல்வி வளர்ச்சி அறக்கட்டளை நிதியத்தினால் கடந்த க.பொ.த. உயர்தரப் பரீட்சையில் கிளிநொச்சி மாவட்டத்தில் அனைத்து பிரிவுகளிலும் முதல் பத்து நிலைகளை பெற்ற மாணவர்களை கௌரவிக்கப்பட்டதோடு, மாவட்டத்திலிருந்து பல்கலை கழக்கத்திற்கு தெரிவு செய்யப்பட்ட மாணவர்களில் 36 பேருக்காண கல்விக்கான உதவிகளும் வழங்கி வைக்கப்பட்டன.

 

இந்நிகழ்வில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார்.

 

அவர் அங்கு மேலும் தெரிவிக்கையில்,

கிளிநொச்சி மாவட்டத்தின் தலைமைத்துவம் இந்த மாவட்டத்திற்குரியதாக அமையவேண்டும். அத்தோடு உத்தியோகத்தர்களும் கிளிநொச்சி மாவட்டத்திற்கு உரியவர்களாக இருத்தல் வேண்டும் அதற்குரிய சூழல் ஏற்படுத்தப்படல் வேண்டும். அதற்காக மாவட்டத்தின் கல்வி வளர்ச்சியில்  மாற்றத்தை கொண்டுவர வேண்டும். 

 

கல்வி வளர்ச்சி அறக்கட்டளை நிதியமானது மாவட்டத்தின் கல்வி வளர்ச்சியில் அர்ப்பணிப்புடன் செயற்படுகிறது. அதற்காக  அதன் ஸ்தாபகர் மருத்துவர் சத்தியமூர்த்தி அவர்களை நான் பாராட்டுகிறேன். கிளிநொச்சியில் வறுமை காரணமாக கல்வி கற்கமுடியாது என்று யாரேனும் இருக்க கூடாது அவ்வாறு இருந்தால் அவர்கள் எங்களுடன் உடனடியாகவே தொடர்புகொண்டால் நாம் அதனை நிவர்த்தி செய்வோம்.

 

அதிபர் பங்கையற்செல்வன்  தலைமையில் இடம்பெற்ற நிகழ்வில் மாவட்ட அரச அதிபர் சுந்தரம் அருமைநாயகம் அவர்களுடன், கிளிநொச்சி வலயக் கல்விப் பணி;ப்பாளர் க.முருகவேல், மருத்துவர் சத்தியமூர்த்தி உள்ளிட்ட பலர் கலந்துகொண்டனர்.

 

http://onlineuthayan.com/news/11764