எக்வடோரில் மிகக்கடும் நிலநடுக்கம்:பலர் பலி

தென் அமெரிக்க நாடான எக்வடோரில் ஏற்பட்டுள்ள மிகக் கடுமையான நிலநடுக்கம் ஒன்றில் நாற்பதுக்கும் அதிகமானவர்கள் கொல்லப்பட்டுள்ளனர்.

பல இடங்களில் கட்டடங்கள் இடிந்து விழுந்துள்ளன

இந்த நிலநடுக்கமே பல தசாப்தங்களில் அங்கு ஏற்பட்டுள்ள மிகக் கடுமையான நிலநடுக்கம் எனக் கூறப்படுகிறது.

நிலநடுக்கத்தில் உயிரிழந்தவர்களின் எண்ணிக்கை அதிகரிக்கக் கூடும் என நாட்டின் துணை அதிபர் எச்சரித்துள்ளார்.
தற்போத்து எக்வடோரின் ஆறு மாகாணங்களில் நெருக்கடிநிலை பிரகடனப்படுத்தப்பட்டுள்ளது.

மீட்பு மற்றும் நிவாரண நடவடிக்கையில் தேசியப் பாதுகாப்புப் படையினர் ஈடுபடுத்தப்பட்டுள்ளனர்.
இந்த நிலநடுக்கம் 7.8 அளவுக்கு சக்தி கொண்டது என அமெரிக்க நிலவியல் ஆய்வு மையம் தெரிவித்துள்ளது.

300 மைல் சுற்றளவில் ராட்சத அலைகள் எழும்பலாம் என எச்சரிக்கை
நாட்டின் மேற்கு கரையோரம் உள்ள முசீன் நகருக்கு தென்கிழக்கே 27 கிலோமீட்டர் தொலைவில் இந்த நிலநடுக்கம் மையம்கொண்டிருந்தது.

பல்லுயிர் வாழும் காலபோகஸும் எக்வடோரில் உள்ளது
நிலநடுக்கத்தை அடுத்து விமானநிலைய கோபுரம் உட்பட ஏராளமான கட்டடங்கள் அழிந்துபோயுள்ளன அல்லது சேதமடைந்துள்ளன.

நொறுங்கி விழுந்த மேம்பாலங்கள், நசுக்கப்பட்ட வாகனங்கள் ஆகியவற்றின் புகைப்படங்கள் சமூக ஊடகங்களில் வலம்வந்துள்ளன.

நிலநடுக்கம் மையம்கொண்டிருந்த பகுதிக்கு 300 கிலோமீட்டர் சுற்றளவிலுள்ள கடல்கரைப் பகுதிகளில், ஆபத்தான அளவுக்கு அலைகள் எழும்பும் வாய்ப்புகள் உள்ளன என்று பசுஃபிக் சுனாமி மையம் எச்சரித்துள்ளது.

http://www.dinamalar.com/news_detail.asp?id=1503582