யானைப் பசி

புறாக்களுக்கு உணவு கொடுக்காதீர்கள், மிருகங்களுக்கு உணவு அளிக்காதீர்கள் என்று பல இடங்களில் எழுதி இருப்பதைப் பார்ப்போம். குறிப்பாக மிருகக் காட்சி சாலைகள், வனவிலங்குகள் நிறைந்த இடங்களில்.

உணவு அளித்தால், மனிதர் அவ்விலங்குகளைப் பார்பதற்க்கு பதிலாக, அவ்விலங்குகள், பசிக்கும் போதெலாம், உணவு கிடைக்குமா என மனிதரை டிமான்ட் பண்ணும், அதனால் தொந்தரவு உண்டாகும் என்பதே அந்த எச்சரிக்கைக்கு காரணம் .

இருந்தாலும் அங்கு, இங்கு பார்த்து விட்டு எதையாவது கொடுப்பது எமது வாடிக்கை.

இலங்கை யால சரணாலயத்தில், இந்த அறிவிப்புகளை கண்டு கொள்ளாமல், உணவு கொடுத்துப் பழக்கி, பெரும் பசி கொண்ட யானை ஒன்று, உணவு கேட்கப் போய், ஒரு வாகனத்தில் இருந்த வெளி நாட்டு உல்லாசப் பயணிகளை கிலி கொண்டோட வைத்து விட்டது.

நல்ல காலமாக யாருக்கும் ஆபத்து இல்லை. இதே போல அமெரிக்காவில் இருந்து, தென் ஆபிரிக்கா சென்ற பெண், உணவு கிடைக்கும் என அருகே வந்த சிங்கம் ஒன்றை பார்க்க  கார் கண்ணாடியை திறக்க, பசியில் இருந்த அந்த பெண் சிங்கம், உணவு கிடைக்கவில்லை எனற கோவத்தில், பெண்ணில் கழுத்து, தோள்பட்டையை கவ்வ, அந்த பெண் இறந்து போனார்.

இனியாவது, உணவு கொடுக்காமல் இருக்கப் பழகுவோம்.