ஐடோமெனி முகாமில் தஞ்சமடைந்த மக்களை வெளியேற்றும் நடவடிக்கை: கிரீஸ் துவக்கம்

அதிகாலை பொழுதில் ஆரம்பித்த இந்த நடவடிக்கையைக் கண்ட சாட்சிகள், முகாமில் குடியமர்ந்தவர்களை வேறு சிறந்த வசதியிடங்களுக்கு மாற்றிட போலீஸ் வாகனங்கள் மற்றும் பேருந்துகள் அப்பகுதியில் நிறுத்தப்பட்டிருந்ததாக தெரிவித்தனர்.

கலகத்தை கட்டுப்படுத்தும் போலீசார் பணியில் அமர்த்தப்பட்டாலும், பலம் பிரயோகிக்கப்படாது என்று அதிகாரிகள் தெரிவித்தனர்.

மாசிடோனியாவுடனான கிரீஸின் எல்லைகள் மூடப்பட்ட பிறகு 8000-க்கும் மேற்பட்ட மக்கள் தவித்து கொண்டிருந்த நிலையில், கடந்த பிப்ரவரி மாதம் இந்த முகாம் உருவானது.

சிரியா, இராக் மற்றும் ஆப்கானிஸ்தான் போன்ற மோதல் நடக்கும் பகுதிகளில் இருந்து வரும், இந்த புலம்பெயர்ந்தோர் கூடாரங்களில் தூங்க வேண்டியிருந்த மிகவும் கடுமையான சூழலிலிலும், இந்த முகாமை விட்டு வெளியேற மறுத்து விட்டனர்.

http://www.bbc.com/tamil/global/2016/05/160524_greece_idomeni