பாரிஸ்: ஐரோப்பிய நாடான பிரான்சில், மதுபான விடுதி ஒன்றில், பிறந்த நாள் கொண்டாட்டத்தின் போது ஏற்பட்ட தீ விபத்தில் சிக்கி, 13 பேர் பரிதாபமாக உயிரிழந்தனர்.
பிரான்ஸ் நாட்டின் வடக்கு பகுதியில் உள்ள, ரோயூன் நகரில் மதுபான விடுதியுடன் கூடிய ஓட்டல் ஒன்றில், நேற்று முன்தினம் இரவு பிறந்த நாள் கொண்டாட்டம் நடந்தது. இதையொட்டி, கேக் வெட்டப்பட்ட போது, அதன் மீது இருந்த மெழுகுவர்த்தி, எரிந்த நிலையில் கீழே விழுந்தது.
தரை விரிப்பில் பற்றிய தீ, வேகமாக பரவி, அந்த அறையின் கூரை வரை பரவியது. உள் அலங்கார வேலைப்பாடுகள் நிறைந்த அந்த அறையில், அனைத்தும் எளிதில் தீ பற்றக்கூடியதாக இருந்தன. இதனால், வேகமாக பற்றிய தீ, அந்த அறை முழுவதும் பரவியது.
அங்கு இருந்தவர்களில் பலர், அலறியடித்து வெளியேறினர். தீயைக் கட்டுப்படுத்த, 50க்கும் மேற்பட்ட தீயணைப்பு வீரர்கள் வரவழைக்கப்பட்டனர். அவர்கள் வேகமாக வந்து, தீயை அணைத்தனர். எனினும், இந்த தீ விபத்தில், 13 பேர் சிக்கி பலியாகினர்; ஆறு பேர் படுகாயம் அடைந்தனர். தீ விபத்து குறித்து தீவிர விசாரணை நடக்கிறது.

பயங்கரவாத தாக்குதல் என பீதி : பிரான்சின் நீஸ் நகரில், சமீபத்தில், பயங்கரவாதி ஒருவன், மக்கள் கூட்டத்திற்குள் லாரியை ஓட்டிச் சென்று, 84 பேரை கொன்று குவித்தான். இதனால், அந்நாட்டில், அவசர நிலை அமல்படுத்தப்பட்டது. இதை தொடர்ந்து, அங்குள்ள தேவாலயத்தில், பாதிரியாரை, பயங்கரவாதி ஒருவன், கழுத்தை அறுத்து கொலை செய்தான். உயிரிழந்த பாதிரியாருக்கு, அஞ்சலி செலுத்தும் நிகழ்ச்சி, ரோயூன் நகரில், தீ விபத்து ஏற்பட்ட ஓட்டலுக்கு அருகில் நடந்து கொண்டிருந்தது. இதில், ஏராளமானோர் பங்கேற்றனர். அவர்கள்,
ஓட்டலில் ஏற்பட்ட தீ விபத்தை பார்த்து, பயங்கரவாத தாக்குதல் என எண்ணி ஓடினர். சிறிது நேரத்திற்கு பின், தீ விபத்து என தெரிய வந்தது. 'நடந்தது தீ விபத்து தான்; குண்டு
வெடிப்பு எதுவும் இல்லை. தீ விபத்து குறித்து முழுமையான விசாரணை நடக்கிறது' என, போலீசார் விளக்கமளித்து உள்ளனர்.

http://www.dinamalar.com/news_detail.asp?id=1579996

என்னப்பா இது இப்ப எல்லாம் பிரான்ஸ் ஜேர்மனி பிரிட்டன் போன்ற நாடுகளில் தான் இப்படியான அசம்பாவிதங்கள் நடக்கிறது 

கண் முன்னே.... ஒரு மெழுகு திரி கீழ் விழுந்து தீ பற்றியிருக்கின்றது.
அது பரவ முதல்... ஒருவரும் தப்பி ஓட முயற்சிக்க  வில்லையா.
வெளியே செல்லும் பாதைகள் குறுகலாகவோ, போதுமான அளவு இல்லாமலோ இருந்திருக்கலாம்.
பிறந்த நாள் கொண்டாட் டத்தின் போது.... 13 மரணம் சம்பவித்தது  கவலையான விடயம்.

மப்பில இருந்தா எங்க ஓடுறது.

10 minutes ago, நந்தன் said:

மப்பில இருந்தா எங்க ஓடுறது.

அப்ப இனி.... பிறந்தநாளுக்கு போனால், 
ஒரேஞ் ஜூஸை மட்டும் குடித்து விட்டு, வர வேண்டியதுதான்.