யாழ்.செயலகத்தில் புதிய கட்டடத்தை திறக்க வருகிறார் பிரதமர்

.

யாழ். மாவட்டச் செயலக வளாகத்தில் அமைக்கப்பட்ட நான்கு மாடிக் கட்டடம் எதிர்வரும் 17ஆம் திகதி பிரதமர் ரணில் விக்கிரமசிங்கவினால் திறந்து வைக்கப்படவுள்ளதாக யாழ். மாவட்ட அரச அதிபர் நா. வேதநாயகன் தெரிவித்துள்ளார். 

 

இது தொடர்பாக அவர் மேலும் தெரிவிக்கையில், 

 

உள்நாட்டு அலுவல்கள் அமைச்சின் நிதி உதவியில் 78 மில்லியன் ரூபாய் ஒதுக்கீடு செய்யப்பட்டு யாழ். மாவட்ட செயலக வளாகத்தில் கடந்த 2011 ஆம் ஆண்டு 4 மாடிக்கட்டடத்தின் கட்டு மானப்பணிகள் ஆரம்பிக்கப்பட்டன. தற்போது குறித்த கட்டடத்தின் கட்டுமானப் பணிகள் நிறைவடைந்துள்ள நிலையில் இக் கட்டடம் எதிர்வரும் 17 ஆம் திகதி உத்தியோக பூர்வமாக திறந்து வைக்கப்படவுள்ளது. 

 

இக் கட்டடத்தில் உள் நாட்டு அலுவல்கள் அமைச்சின் கீழ் உள்ள அலுவலகங்களும் ஏனைய அமைச்சுக்களின் கீழ் உள்ள அலுவலகங்களும் அமைந்துள்ளன. இதன் மூலம் பொது மக்களுக்கான சேவைகளை விரிவுபடுத்துவதற்கு இது உதவியாக இருக்கும் என அவர் மேலும் தெரிவித்தார்.