வடக்கில் பல்வேறு இடங்களில் 'எழுந்து நிற்போம்' விழிப்புணர்வு போராட்டம்

அண்மைக்காலமாக அதிகரித்து வரும் விபத்துக்களை தடுப்பதற்கான நோக்குடன் இன்று யாழ்ப்பாணத்தில் பல்வேறு இடங்களில் எழுந்து நிற்போம் என்ற தொனிப்பொருளில் விழிப்புணர்வு  போராட்டங்கள் முன்னெடுக்கப்பட்டன. 

 

யாழ்ப்பாணத்திலுள்ள சகல திணைக்களங்களும்,பாடசாலைகளிலும் இன்று முற்பகல் 10 மணி தொடக்கம் 11 மணிவரை எழுந்து நிற்போம் என்ற விழிப்புணர்வு போராட்டத்தில் ஈடுபட்டனர் அண்மைக்கால வீதி விபத்துக்களால் ஏற்படுத்தும் உயிரிழப்புக்களை தடுக்கும் வகையில் இந்த விழிப்புணர்வு நிகழ்வு யாழ், போதனா வைத்தியசாலை , அரச மருத்துவ அதிகாரிகள் சங்கம் போன்றன முன்னெடுத்திருந்தன. இந்த விழிப்புணர்வு போராட்டம் வடமாகாணம் முழுவதும் அனுஸ்டிக்கப்பட்டது 

யாழ் போதனா வைத்தியசாலை , வடமாகாண ஆதார வைத்தியசாலை வைத்தியர்கள்,பணியாளர்கள் யாழ் பல்கலைக்கழக மாணவர்கள் , பாடசாலை மாணவர்கள் ஒருமணிநேரம் வீதியில் நின்று 'எழுந்து நிற்போம்' விழிப்புணர்வு போராட்டத்தை முன்னெடுத்தனர்.

இதனைத்தொடர்ந்து காலை 11.30 மணியளவில் யாழ் அரச அதிபரிடம் புத்தூர் ஆதார வைத்தியசாலை வைத்தியர் எஸ் குணநாயகம் இது குறித்தான மகஜர் ஒன்றை அரச அலுவலகத்தில் வைத்து வழங்கினார்.