13 ஆவது திருத்தச் சட்டத்தை முழுமையாக அமுல் படுத்தவேண்டும்; வட,கிழக்கை இணைக்கக்கூடாது சர்வஜன வாக்கெடுப்பு நடத்தக்கூடாது; சுதந்திரக் கட்சி தீர்மானம்

13 ஆவது திருத்தச் சட்­டத்தை முழு­மை­யாக அமுல் படுத்­த­வேண்டும்; வட,கிழக்கை இணைக்­கக்­கூ­டாது

சர்­வ­ஜன வாக்­கெ­டுப்பு நடத்­தக்­கூ­டாது; சுதந்­திரக் கட்சி தீர்­மானம் 
(ரொபட் அன்­டனி)

நிறை­வேற்று அதி­கா­ர­முள்ள ஜனா­தி­பதி முறை­மை­யா­னது தற்­போது இருக்­கின்ற வகை­யி­லேயே தொட­ர­வேண்­டு­மென்றும், அடுத்த ஜனா­தி­பதி தேர்­த­லிலும் ஜனா­தி­பதி மைத்­தி­ரி­பால சிறி­சேன கட்­சியின் சார்பில் போட்­டி­யிட வேண்­டு­மென்றும் ஸ்ரீ­லங்கா சுதந்­தி­ரக்­கட்சி தீர்­மா­னித்­துள்­ளது.

அண்­மையில் ஜனா­தி­பதி மைத்­தி­ரி­பால சிறி­சே­னவின் தலை­மையில் நடை­பெற்ற சுதந்

­திரக் கட்­சியின் முக்­கிய கலந்­து­ரை­யாடல் ஒன்­றி­லேயே

கட்­சியின் பொதுச்­செ­ய­லாளர் துமிந்த திஸா­நா­யக்க இந்த யோச­னையை முன்­வைத்­துள்­ள­துடன் இதற்கு கட்­சியின் அனை­வரும் இணக்கம் தெரி­வித்­துள்­ளனர். எனினும் இந்த யோசனை தொடர்பில் ஜனா­தி­பதி மைத்­தி­ரி­பால சிறி­சேன எந்­த­வி­த­மான கருத்­தையும் வெளி­யி­ட­வில்லை என்று தெரி­கி­றது.

இந்த கலந்­து­ரை­யா­டலின் போது அர­சி­ய­ல­மைப்பை உரு­வாக்கும் விடயம் தொடர்­பாக அமைச்சர் நிமல் சிறி­பால டி சில்வா சுதந்­தி­ரக்­கட்­சியின் உறுப்­பி­னர்­க­ளுக்கு விளக்­க­ம­ளித்­தி­ருக்­கிறார்.

இதன்­போது சுதந்­தி­ரக்­கட்­சியின் சார்பில் சில தீர்­மா­னங்கள் எடுக்­கப்­பட்­டுள்­ளன. அதா­வது இலங்­கையின் ஒற்­றை­யாட்சி முறைமை நீடிக்­கப்­ப­ட­வேண்டும், அர­சி­ய­ல­மைப்பில் பௌத்த மதத்­திற்கு வழங்­கப்­பட்­டுள்ள ஏற்­பா­டுகள் மாற்­றப்­ப­டக்­கூ­டாது, வடக்கு, கிழக்கு மாகா­ணங்கள் இணைக்­கப்­ப­டக்­கூ­டாது, புதிய அர­சி­ய­ல­மைப்பை கொண்­டு­வ­ரு­வதில் சர்­வ­ஜன வாக்­கெ­டுப்பு நடத்­தப்­ப­டக்­கூ­டாது, மூன்றில் இரண்டு பெரும்­பான்­மை­யி­லேயே நிறை­வேற்­றப்­ப­ட­வேண்டும். 13 ஆவது திருத்தச் சட்டம் முழு­மை­யாக அமுல்­ப­டுத்­தப்­ப­ட­வேண்டும். தேர்தல் முறைமை மாற்­றப்­ப­ட­வேண்டும். ஆகிய தீர்­மா­னங்கள் விடுக்­கப்­பட்­டன. இந்த சந்­தர்ப்­பத்­தி­லேயே சுதந்­தி­ரக்­கட்­சியின் பொதுச் செய­லாளர் துமிந்த திஸா­நா­யக்க யோச­னை­யொன்றை முன்­வைத்­தி­ருக்­கின்றார்.

குறிப்­பாக நிறை­வேற்று அதி­காரம் கொண்ட ஜனா­தி­பதி முறைமை தற்­போது இருக்­கின்ற வகை­யி­லேயே தொட­ர­வேண்­டு­மென்றும் அதில் மாற்றம் கொண்­டு­வ­ரக்­கூ­டாது எனவும் 2020 ஆம் ஆண்டுத் தேர்­தலில் ஜனா­தி­பதி மைத்­தி­ரி­பால சிறி­சே­னவே கட்­சியின் சார்பில் போட்­டி­யிட வேண்­டு­மென்றும் சுதந்­தி­ரக்­கட்­சியின் பொதுச் செயலர் துமிந்த திஸா­நா­யக்க யோசனை முன்­வைத்­தி­ருக்­கிறார்.

இதன்­போது ஜனா­தி­பதி மைத்­தி­ரி­பால சிறி­சேன எந்­த­வொரு கருத்­தையும் வெளி­யி­ட­வில்லை எனத் தெரி­கி­றது. எனினும் துமிந்த திஸா­நா­யக்க தெரி­வித்த குறித்த யோசனை அனைத்துத் உறுப்­பி­னர்­க­ளாலும் ஏற்­றுக்­கொள்­ளப்­பட்­டுள்­ளது.

இதே­வேளை கடந்த வியா­ழக்­கி­ழமை ஜனா­தி­பதி மைத்­தி­ரி­பால சிறி­சேன தலை­மையில் சுதந்­தி­ரக்­கட்­சியின் முக்­கி­யஸ்­தர்கள் கூடி அர­சி­ய­ல­மைப்பு தொடர்பில் ஆராய்ந்­துள்­ளனர். அமைச்­சர்­க­ளான நிமல் சிறி­பால டி சில்வா, சரத் அமு­னு­கம, மஹிந்த சம­ர­சிங்க, மஹிந்த அம­ர­வீர, துமிந்த திஸா­நா­யக்க, சுசில் பிரே­ம­ஜ­யந்த, அனுர பிரி­ய­தர்­ஷன யாப்பா, தயா­சிறி ஜய­சே­கர, பைஸார் முஸ்­தபா மற்றும் இரா­ஜாங்க அமைச்சர் டிலான் பெரேரா ஆகியோர் இந்த சந்­திப்பில் கலந்து கொண்­டனர்.

இதன்­போது அர­சி­ய­ல­மைப்பு தொடர்­பாக ஆராயும் சுதந்திரக்கட்சியின் குழுவானது தொடர்ந்து சந்தித்துப் பேச்சு நடத்த வேண்டுமென்றும் ஏனையக்கட்சித் தலைவர்களுடனும் பேச்சுவார்த்தை நடத்த வேண்டுமென்றும் தீர்மானிக்கப்பட்டுள்ளது. அத்துடன் சிவில் சமூக பிரதிநிதிகள் இராஜதந்திரிகள், இலங்கையில் உள்ள ஐ.நா. பிரதிநிதிகள் ஆகியோரையும் சந்தித்து அரசியலமைப்பு தொடர்பாக விளக்கமளிக்கவும் தீர்மானிக்கப்பட்டுள்ளது.