இந்தியாவின் பங்களிப்பிருந்த போதிலும் தீர்வு இன்னமும் சாத்தியமாகவில்லை

இந்தியாவின் பங்களிப்பிருந்த போதிலும் தீர்வு இன்னமும் சாத்தியமாகவில்லை

 

(நேற்றைய தொடர்ச்சி...)

2011 ஆம் ஆண்டு ஆகஸ்ட் மாதம் 4 ஆம் திகதி இந்­தி­யாவின் வெளிவி­வ­கார அமைச்சர் எஸ்.எம்.கிருஷ்ணா லோக்சபாவில் வெளியிட்ட "சூ மொட்டு" (Suo Motu) அறிக்­கையில் கூறி­ய­வையை நான் மேற்கோள் காட்­டு­கின்றேன்.

"இலங்­கையில் மோதல்கள் முடி­வுக்குக் கொண்­டு­வ­ரப்­பட்­டமை மூலம், தமி­ழர்கள் உட்­பட இலங்­கையில் வாழும் சிறு­பான்மை மக்­க­ளது இது­வரை தீர்க்­கப்­ப­டா­துள்ள பிரச்­சி­னை­க­ளுக்குத் தீர்வு காண்­ப­தற்­கான வர­லாற்று முக்­கி­யத்­துவம் வாய்ந்த சந்­தர்ப்பம் ஏற்­பட்­டுள்­ளது என்­ப­தை­யிட்டு எமது நிலைப்­பாட்டை அர­சாங்கம் தெளிவாக எடுத்துக் கூறி­யுள்­ளது. 2011 ஆம் ஆண்டு மே மாதம் 17 ஆம் திகதி வெளியி­டப்­பட்ட கூட்டுப் பத்­தி­ரிகைக் குறிப்பில், உண்­மை­யான தேசிய நல்­லி­ணக்­கத்தை நோக்­கிய செயற்­பா­டு­களை முன்­கொண்டு செல்­வ­தற்­காக அர­சியல் கண்­ணோட்­டத்­துடன் கூடிய மன­மொத்த உள்­ளீர்ப்­பு­டனும், புரிந்­து­ணர்வின் மூல­மா­கவும் இது­வரை தீர்வு காணப்­ப­டா­தி­ருக்கும் விட­யங்­க­ளுக்குத் தீர்வு காணப்­பட வேண்­டிய விடயம் தெளிவாகத் தெரிவிக்­கப்­பட்­டுள்­ளது. இலங்கை அர­சாங்­கத்­துக்கும் தமிழ்க் கட்­சி­களின் பிர­தி­நி­தி­க­ளுக்­கு­மி­டையில் நடை­பெறும் கலந்­து­ரை­யாடல் ஊடாக 13 ஆம் திருத்­தத்தில் இருந்து கட்­டி­யெ­ழுப்­பப்­படும் பகிர்வுப் பொதி மூலம் விரை­வா­னதும் உறு­தி­யா­ன­து­மான முன்­னேற்­றத்தைக் காணும் தனது அர­சாங்­கத்தின் உறு­தி­யான நிலைப்­பாட்­டையும் அத­னூ­டாக நல்­லி­ணக்­கத்­துக்­கான நிலை­மை­களை உரு­வாக்­கு­வதில் பங்­க­ளிப்புச் செய்­யக்­கூ­டிய வகையில் செயற்­படும் தமது அர­சாங்­கத்தின் உறு­தி­யையும் இலங்­கையின் வெளிவி­வ­கார அமைச்சர் உறு­திப்­ப­டுத்­தினார்.

அண்­மையில் பிர­தமர் கூறி­ய­தன்­படி, இலங்­கையில் தமிழர் சனத்­தொ­கை­யி­ன­ருக்கு நியா­ய­பூர்­வ­மான கவ­லைகள் இருக்­கின்­றன என்­பதும், தமிழ் மக்கள் தாமும் இலங்­கையில் சம­ உ­ரிமை கொண்ட பிர­ஜைகள் என உணரும் வகை­யிலும், கௌர­வத்­து­டனும் சுய­ம­ரி­யா­தை­யு­டனும் தமது வாழ்வை அமைத்துக் கொள்­ளத்­தக்க வகை­யிலும் நிறுவ­ன­ம­யப்­ப­டுத்­தப்­பட்ட மறு­சீ­ர­மைப்பு முறை­யொன்றை இலங்கை அரசு முன்­னெ­டுத்துச் செல்­வதை ஊக்­கப்­ப­டுத்­து­வதே எமது அழுத்­த­மாக இருக்க வேண்டும். அதுதான் இந்தப் பிரச்­சினை தொடர்­பான மேலோட்­ட­மான எமது பார்­வை­யாகும்."

இவ்­வி­ட­யங்­களில் சில­வற்றை நான் பதிவு செய்­து­வைக்க விரும்­பு­கின்றேன். ஏனென்றால் இவ்­வி­ட­யங்­களில் சில­வற்றைப் பற்றித் தெரியா­தி­ருந்­தது. அதனால் இந்த விட­யத்தைப் பதிவு செய்து வைக்க வேண்­டு­மென நான் விரும்­பு­கின்றேன்.

அடுத்­த­தாக கற்­ற­றிந்த பாடங்கள் மற்றும் நல்­லி­ணக்க ஆணைக்­கு­ழுவின் அறிக்கை வெளியி­டப்­பட்ட பின்னர், 2011, டிசம்பர் மாதம் 25 ஆம் திகதி, இந்­தி­யாவின் சார்பில் அதன் பேச்­சாளர் ஒரு­வ­ரினால் ஓர் அறிக்கை வெளியி­டப்­பட்­டது. அவர் கூறி­ய­வற்றை நான் மேற்கோள் காட்­டு­கின்றேன்.

"இந்த விட­யத்தில், அர்த்­த­முள்ள வகையில் அதி­காரப் பகிர்வைச் செய்­வ­தற்கும், உண்­மை­யான தேசிய நல்­லி­ணக்­கத்தை அடை­வ­தற்­கா­கவும் இலங்கை அர­சி­ய­ல­மைப்பின் 13 ஆவது திருத்­தத்தை முழு­மை­யாக அமுல்­ப­டுத்­து­வ­தையும், அதற்கும் அப்பால் செல்­வது தொடர்­பா­கவும் தமிழ்த் தேசியக் கூட்­ட­மைப்பு உட்­பட்ட எல்லாக் கட்­சி­க­ளு­டனும் மேற்­கொள்­ளப்­ப­ட­வுள்ள விரி­வான கலந்­து­ரை­யா­டல்கள் மூலம் அர­சியல் செயல்­மு­றை­யொன்றை முன்­னெ­டுக்கும் தனது உறு­திப்­பாடு பற்றிக் கடந்த காலத்தில் பல தட­வை­களில் இலங்கை அர­சாங்கம் எமக்கு உறு­தி­மொ­ழி­களை வழங்­கி­யுள்­ளது."

அதன்­பி­றகு, இந்­தி­யாவின் வெளிவி­வ­கார அமைச்சர் இலங்­கைக்கு வந்தார். அவ்­வேளை இலங்கை வெளிவி­வ­கார அமைச்­சரின் முன்­னி­லையில் அவரால் அறிக்­கை­யொன்று வெளியி­டப்­பட்­டது. 2012 ஆம் ஆண்டு ஜன­வரி 16 ஆம் திகதி தொடக்கம் 19 ஆம் திகதி வரையில் வெளிவி­வ­கார அமைச்சர் இலங்­கையில் தங்­கி­யி­ருந்தார். அவர் கூறி­ய­வற்­றி­லி­ருந்து நான் மேற்கோள் காட்­டு­கின்றேன்.

"அர்த்­த­முள்ள அதி­காரப் பகிர்வை அடையும் பொருட்டு இலங்கை அர­சி­ய­ல­மைப்பில் செய்­யப்­பட்ட 13 ஆவது திருத்­தத்தை முழு­மை­யாக அமுல்­ப­டுத்­து­வதன் ஊடா­கவும், அதனை மேலும் கட்­டி­யெ­ழுப்­பு­வதன் மூலமும் அர­சியல் தீர்வுச் செயற்­பா­டொன்றை முன்­னெ­டுத்துச் செல்­வ­தற்­கு­மான தனது உறு­திப்­பாட்டை இலங்கை அர­சாங்கம் பல தட­வை­களில் எமக்குத் தெரியப்­ப­டுத்­தி­யுள்­ளது.

கலந்­து­ரை­யாடல் செயற்­பா­டு­களில் விரை­வான மற்றும் கருத்துச் செறி­வான வகையில் அணுகி முன்­னெ­டுத்துச் செல்­லப்­ப­டு­மென்றே நாங்கள் எதிர்­பார்க்­கின்றோம்."

அதன்­பி­றகு இந்­தியப் பிர­தமர் மன்­மோகன் சிங் லோக்சபாவில் தெரிவித்த விடயம் பற்றி 2012 ஆம் ஆண்டு மார்ச் மாதம் 20 ஆம் திக­தி 'த ஹிந்து' பத்­தி­ரிகை வெளியிட்ட அறிக்­கை­யி­லி­ருந்து மேற்கோள் காட்­டு­கின்றேன்.

"ஜெனி­வாவில் நடை­பெற்­றுக்­கொண்­டி­ருக்கும் மனித உரி­மைகள் பேர­வையின் 19 ஆவது கூட்­டத்­தொ­டரில், இலங்­கையில் நல்­லி­ணக்­கத்­தையும் பொறுப்­புக்­கூ­ற­லையும் ஊக்­கு­வித்தல் தொடர்­பாக முன்­வைக்­கப்­ப­ட­வுள்ள பிரே­ர­ணைக்குச் சார்­பாக வாக்­க­ளிக்கும் உறு­திப்­பாட்டை இந்­தியா கொண்­டுள்­ள­தாக பிர­தமர் மன்­மோகன் சிங் திங்கள் அன்று அறி­வித்தார்."

அவர் மேலும் தெரிவித்­த­தா­வது, "இலங்­கையில் வாழும் எதிர்­காலத் தமிழ்ச் சமூகம், சுய­ம­ரி­யாதை, கௌரவம், நீதி, சமத்­துவம் போன்ற அடை­யா­ளங்­க­ளுடன் வாழ்­வதை அடை­யும்­பொ­ருட்டு எமது நோக்­கங்­களை முன்­னெ­டுத்துச் செல்ல நாம் நம்­பிக்கை கொண்­டுள்ளோம்." 

ஆகவே, இலங்­கையில் வாழ்­கின்ற தமிழ்­மக்கள் சம அந்­தஸ்­துடன் வாழும் நிலையை அடைந்­து­கொள்­வ­தற்­காக இந்­தியா தமது நோக்­கங்­களை முன்­னெ­டுத்துச் செல்­ல­வுள்­ளதை, பிரே­ர­ணைக்­கான இந்­தி­யாவின் ஆத­ரவு உறுதி செய்யும் என இந்­தியப் பிர­தமர் நம்­பிக்கை கொண்­டுள்­ள­தோடு இலங்கை அர­சாங்கம் சரி­யா­ன­வற்றைச் செய்­வ­தையும் ஊக்­கு­விப்­ப­தா­கவும் உள்­ளது.

2012 ஆம் ஆண் ஜுன் மாதம் 24 ஆம் திகதி 'த நியூ சண்டே எக்ஸ்­பிரஸ்' என்ற பத்­தி­ரி­கையில் வெளியி­டப்­பட்ட கட்­டு­ரை­யொன்று பின்­வ­ரு­மாறு கூறு­கின்­றது.

"தமிழ் மக்கள் அந்த நாட்டில் சம­மான பிர­சை­க­ளா­கவும் கௌர­வத்­து­டனும் தமது வாழ்வைக் கொண்டு செல்­வ­தற்­கான இய­லு­மையை அடை­வதில் இந்­தியா கொண்­டுள்ள அக்­க­றையின் அதிக முக்­கி­யத்­து­வத்தை பிர­தமர் மீண்டும் ஒரு­முறை கோடிட்டுக் காட்­டி­யுள்ளார். றியோ டி ஜெனி­ரோவில் பத்­தி­ரி­கை­யாளர் மத்­தியில் உரை­யாற்­றும்­போது இந்­திய வெளிவி­வ­கார செய­லாளர் ரஞ்சன் மத்தாய் இதனைக் கூறினார்."

ஆகவே, இது தான் இந்­தி­யாவின் முன்­ன­கர்­வு­களின் நிலை­வரம். இப்­பொ­ழுது நான், இந்­தி­யாவின் தேசிய பாது­காப்பு ஆலோ­சகர் சிவ்­சங்கர் மேனன் தனது இறு­தி­யான இலங்கை விஜ­யத்­தின்­போது கூறிய விட­யங்­களை ஆராய்­கின்றேன். 2012, ஜுன் மாதம் 30 ஆம் திகதி த ஹிந்து பத்­தி­ரி­கையில் இக்­கட்­டுரை வெளியி­டப்­பட்­டது.

"தமி­ழர்­களின் எதிர்­பார்ப்­புக்­களை ஓர் அர­சியல் செயற்­பாட்டின் ஊடா­கவே உள்­ள­டக்க முடியும். இது உள்­ளகச் செயற்­பா­டா­கவே இருந்­தது. நாங்­க­ளும்­கூட அதனைக் கவ­னிக்­கின்றோம். இந்தச் செயற்­பா­டுகள் எங்கள் எல்­லோ­ரு­டனும் தாக்­கங்­களைக் கொண்­டுள்­ளது. அத்­துடன், இது இன்றோ அல்­லது நேற்றோ அல்­லது சில வரு­டங்­க­ளுக்கு முன்­னரோ ஆரம்­பித்த விடயம் அல்ல."

இது 60 வரு­டங்­க­ளுக்கு முன்பே ஆரம்­பித்­து­விட்­டது. அது­பற்றி இந்­தி­யா­வுக்கு நன்கு தெரியும். அந்தக் கட்­டுரை மேலும் தெரிவிப்­ப­தா­வது,

"நாங்கள் எதை விரும்­பு­கிறோம் என்­பதை நான் கூறி­விட்டேன். சகல சமூ­கங்­களும் திருப்­தி­ய­டையும் விதத்தில், தமது தலை­வி­தியைத் தீர்­மா­னிக்கும் பொறுப்பு தமது கட்­டுப்­பாட்டின் கீழேயே உள்­ள­தாக உணரும் வகை­யி­லான ஐக்­கிய இலங்­கை­யாகும்."

நான் இவ்­வி­ட­யங்­களை ஆவ­ணப்­ப­டுத்த விரும்­பு­கிறேன். ஏனென்றால், பிரி­வி­டப்­பட முடி­யாத, பிள­வு­ப­டாத ஐக்­கிய இலங்கை என்ற சட்­ட­கத்துள் ஏற்­றுக்­கொள்­ளத்­தக்க விதத்தில் ஓர் அர­சியல் தீர்வைப் பெறும் எமது நோக்­கத்தை அடையும் முயற்­சியில் அயல் நாடான இந்­தி­யாவும் தனது காத்­தி­ர­மான பங்­க­ளிப்பை நீண்­ட­கா­ல­மாக அளித்­து­வரும் போதிலும் நீண்ட செயல்­மு­றை­களூ­டாக நாங்கள் முடி­வின்றிச் சென்­று­கொண்­டி­ருப்­ப­தையும் எமது நோக்­கத்தை இது­வரை அடைய முடி­ய­வில்­லை­யென்­ப­தையும் இந்த நாடு அறி­ய­வேண்­டு­மென்­ப­தற்­கா­கவே. இந்­தியா, இலங்­கையின் ஆள்­புல ஒரு­மைப்­பாட்டின் மீது கொண்­டி­ருக்கும் உறு­திப்­பாட்டை மீண்டும் மீண்டும் வலி­யு­றுத்தி வந்­துள்­ளது. மேலும், 13 ஆவது திருத்தம் முழு­மை­யாக அமுல்­ப­டுத்­தப்­பட வேண்­டு­மென்­ப­துடன், அதனைக் கட்­டி­யெ­ழுப்­பு­வதன் மூலம், தமிழ்­பேசும் மக்கள் தாங்கள் வாழு­கின்ற பிர­தே­சத்தில் தமக்கு முக்­கி­யத்­துவம் வாய்ந்த விட­யங்­களில் தமது தலை­வி­தியை நிர்­ண­யித்துக் கொள்ளும் கட்­டுப்­பாடு தம்­மி­டமே இருக்க வேண்டும் என்­ப­தோடு, தமிழ்­பேசும் மக்கள் சுய­ம­ரி­யா­தை­யு­டனும் கௌர­வத்­து­டனும் வடக்கு, கிழக்கில் வாழ்­வ­தற்­கான அர்த்­த­முள்ள அதி­காரப் பகிர்வை அடை­வது அவ­சி­ய­மாகும்.

நான் இணைத்­த­லை­மைகள் கூறி­ய­வற்­றுக்குச் செல்­கிறேன். இணைத்­த­லை­மை­க­ளும்­கூட இலங்­கையின் விவ­கா­ரத்தில் முக்­கி­ய­மான வகி­பா­கத்தைத் கொண்­டி­ருந்­தன. ஐரோப்­பிய ஒன்­றியம், நோர்வே, ஜப்பான், ஐக்­கிய அமெரிக்கா என்­பன இணைந்­ததே இணைத்­த­லை­மை­க­ளாகும். 2006, மே மாதம் 30 ஆம் திகதி இணைத்­த­லை­மைகள் கூறி­யவை இது தான். இலங்­கையைப் பற்­றியும், அர­சியல் தீர்வு பற்­றியும் இணைத்­த­லை­மைகள் கூறி­ய­வற்­றி­லி­ருந்து நான் மேற்கோள் காட்­டு­கின்றேன்.

"முஸ்­லிம்கள் உட்­பட சகல இலங்­கை­யர்­க­ளி­னதும் உரி­மை­களை உயர்த்­து­வ­தற்­கான புதிய அர­சியல் முறை­மை­யொன்றை உரு­வாக்கும் காத்­தி­ர­மான அர­சியல் மாற்­றத்­திற்குத் தயாராக இருப்­பதை அது காட்ட வேண்டும். அவ்­வா­றான செயற்­பா­டு­களை முன்­னெ­டுத்தால் சர்­வ­தேச சமூகம் தேவை­யான ஆத­ரவை வழங்கும். அத்­த­கைய முயற்­சி­களை மேற்­கொள்­ளா­விட்டால் சர்­வ­தேச சமூ­கத்தின் ஆத­ரவு இல்­லாமல் போய்­விடும்."

இணைத்­த­லை­மைகள் மேலும் கூறி­ய­தா­வது,

"இலங்­கையில் வாழும் தமி­ழர்­க­ளுக்கும் முஸ்­லிம்­க­ளுக்கும் உள்ள கணி­ச­மா­னதும், நியா­ய­பூர்­வ­மா­ன­து­மான கவ­லைகள் போதி­ய­ள­வுக்கு இன்னும் தீர்க்­கப்­ப­ட­வில்லை."

இதுதான் அவர்கள் கூறி­யது. இப்­பொ­ழுது நான், ஐக்­கிய அமெரிக்­காவின் தெற்கு மற்றும் மத்­திய ஆசிய விவ­கா­ரங்­க­ளுக்­கான இரா­ஜாங்க உதவிச் செய­லாளர்றிச்சாட் ஏ. பவுச்சர் தான் இலங்­கைக்கு மேற்­கொண்ட பல வரு­கை­களில் ஒன்­றின்­போது 2006 ஆம் ஆண்டு ஜுன் மாதம் 1 ஆம் திகதி கூறிய கூற்­றி­லி­ருந்து மேற்கோள் காட்­டு­கின்றேன். 

"அர­சாங்கம், எதிர்­கால இலங்­கையில் தமி­ழர்­க­ளுக்கும் முஸ்­லிம்­க­ளுக்­கு­மான சாத­க­மான பார்­வையைக் கொண்­டி­ருக்க வேண்­டு­மென்றும், அத­னூ­டாக அவர்­க­ளு­டைய நியா­ய­பூர்­வ­மான கவ­லைகள் தீர்க்­கப்­பட்டு அவர்­க­ளு­டைய பாது­காப்பு உறு­திப்­ப­டுத்­தப்­பட வேண்­டு­மென்றும் நாங்கள் கரு­து­கின்றோம். முன்னாள் ஜனா­தி­பதி ராஜபக் ஷ அதி­கூ­டிய அதி­காரப் பகிர்வு பற்றிப் பிரஸ்­தா­பித்­துள்ளார். முன்­னைய பேச்­சு­வார்த்­தை­களில் சமஷ்டிக் கட்­ட­மைப்­புக்குள் உள்­ளக சுய­நிர்­ணய உரிமை பற்­றிய இணக்கம் ஏற்­பட்­டுள்­ளது. எவ்­வா­றா­யினும், இலங்கை என்ற ஒரே தேசத்துள் தங்கள் வாழ்­வையும் தலை­வி­தி­யையும் வடக்கு மற்றும் கிழக்கில் தமது கட்­டுப்­பாட்­டுக்குக் கீழ் வைத்துக் கொள்ள முடியும் என்ற நம்­பிக்­கையை பெரும்­பா­லா­ன­வர்­க­ளுக்கு ஏற்­ப­டுத்தும் எண்ணம் வெளிப்­ப­டுத்­தப்­பட்­டுள்­ளது."

உதவி இரா­ஜாங்கச் செய­லாளர் .பவுச்சர் மேலும் பின்­வ­ரு­மாறு கூறினார்.

"தமி­ழீழ விடு­தலைப் புலிகள் பிர­யோ­கித்த முறை­களை நாங்கள் நிரா­க­ரித்­துள்ள போதும் தமிழ் சமூ­கத்­தி­னரால் வெளிப்­ப­டுத்­தப்­பட்­ட­தன்­படி அவர்­க­ளுக்கு நியா­ய­மான பிரச்­சி­னைகள் உள்­ளன என்­பதும், தாம் பரம்­ப­ரை­யாக வாழு­கின்ற தமது பிர­தே­சத்தில் தமது வாழ்­வையும் தலை­வி­தி­யையும் தமது கட்­டுப்­பாட்­டுக்குள் கொண்டு, தமது தாய­கத்தை ஆளும் நியா­ய­புர்­வ­மான விருப்பம் ஏனை­ய­வர்­க­ளுக்கு இருப்­பதைப் போன்று அவர்­க­ளுக்கும் இருக்­கின்­றது."

இது தான் உதவி இரா­ஜாங்க செய­லாளர் பவுச்சர் கூறி­யது. ஆகவே, ஒரு பக்கம் இந்­தி­யாவும் மறு­பக்கம் இணைத் தலை­மை­களும் அதா­வது, ஐரோப்­பிய ஒன்­றியம், நோர்வே, ஜப்பான், ஐக்­கிய அமெ­ரிக்­காவும் உள்­ளன. ஐக்­கிய அமெரிக்கா தனி­யா­கவும் இவ்­வி­ட­யங்­களைத் தெரிவிக்­கின்­றது. இவை யாரோ ஒரு­வ­ரு­டைய கற்­ப­னை­யி­லி­ருந்து உரு­வான விட­யங்கள் அல்ல என்று நான் கூறு­வதன் காரணம் அது தான். இவை நீண்ட கால­மாக தமிழ்­மக்கள் அனு­ப­வித்துக் கொண்­டி­ருக்கும் அவர்­க­ளது கவ­லைக்­கு­ரிய விட­யங்­க­ளாகும்.

இந்த விட­யத்தை நான் முடி­வு­றுத்­து­வ­தற்கு முன்னர், இந்திய பிர­தமர் நரேந்­திர மோடி 2015 ஆம் ஆண்டு மார்ச் மாதம் 13 ஆம் திகதி இச் சபையில் உரை­யாற்­றிய போது குறிப்­பிட்ட விட­யத்தை வாசித்துக் காட்ட விரும்­பு­கின்றேன். 2015 மார்ச் மாதம் 13 ஆம் திக­திய ஹன்சாட் அறிக்­கையில் இருந்து காட்­டு­கின்றேன். அது தெரிவிப்­ப­தா­வது,

"இலங்­கையின் முன்­னேற்­றமும் சுபிட்­சமும் இந்­தி­யாவின் பலத்தின் மூலங்­க­ளாகும். ஆகவே, இலங்­கையின் வெற்றி இந்­தி­யா­விற்கும் முக்­கி­யத்­துவம் வாய்ந்­தது என்­ப­தோடு, ஒரு நண்பன் என்ற வகையில் எமது நல்­லா­சிகள் மற்றும் எங்கள் உறு­திப்­பாடும் ஆத­ரவும் இலங்­கை­யோடு இருக்கும் அவை என்றும் உங்­க­ளோடு அவ்­வாறே இருக்கும். ஒரு தேசம் என்­பதை நாம் எந்­த­வ­கையில் வரை­வி­லக்­க­ணப்­ப­டுத்­தி­யுள்ளோம் என்­ப­திலே எமது வெற்றி தங்­கி­யுள்­ளது என்­பதை இந்தப் பிராந்­தி­யத்தில் வாழும் நாங்கள் யாவரும் அறிவோம். இப்­பி­ராந்­தி­யத்தில் நாங்கள் எல்­லோரும், குறிப்­பாக வேறு­பட்ட ஒவ்­வொரு தேசமும், வித்­தி­யா­ச­மான எமது சமூ­கங்­களின் அடை­யாளம், உள்­ளீர்ப்பு, உரிமை, கோரிக்கை, கௌரவம் மற்றும் வாய்ப்­புக்கள் தொடர்­பான பிரச்­சி­னை­களைக் கையாண்டே வந்­துள்ளோம். நாங்கள் இவற்றின் பன்­மு­கப்­பட்ட வெளிப்­பா­டு­களைக் கவ­னித்தே வந்­துள்ளோம். பார­தூ­ரமான வன்­மு­றை­க­ளுக்கு முகங்­கொ­டுத்­தி­ருக்­கின்றோம் கொடூ­ர­மான பயங்­க­ர­வா­தத்தைச் சந்­தித்­தி­ருக்­கின்றோம். அதே­போல வெற்­றி­க­ர­மான அமைதித் தீர்­வு­க­ளுக்­கான உதா­ர­ணங்­க­ளையும் கொண்­டி­ருக்­கின்றோம். நாங்கள் ஒவ்­வொ­ரு­வரும் இத்­த­கைய சிக்­க­லான பிரச்­சி­னை­களை எங்­க­ளுக்­கு­ரிய வழி­மு­றை­க­ளூடாகக் கையாண்­டி­ருக்­கின்றோம். எவ்­வா­றா­யினும் நாம் அவை­க­ளுடன் இணக்­கப்­பாட்டைக் கண்­டுள்ளோம். எனக்கு ஒன்று மட்டும் ெதளிவாகத் தெரிகின்­றது. அதா­வது, வேறு­பா­டு­கள்­கூட நாடுகள் பல­ம­டை­வ­தற்­கான மூலங்­க­ளா­கின்­றன.

எமது சமூ­கத்தின் எல்லாப் பிரி­வி­ன­ரதும் எதிர்­பார்ப்­புக்­களை நாம் உள்­ள­டக்கிச் செயற்­ப­டும்­போது ஒவ்­வொ­ரு­வ­ரி­னதும் பலத்­தையும் நாடு பெற்றுக் கொள்­கி­றது. மாநி­லங்­க­ளையும் மாவட்­டங்­க­ளையும் கிரா­மங்­க­ளையும் வலு­வூட்­டும்­போது எமது நாட்டை மேலும் மேலும் பல­ம­டையச் செய்­கின்றோம். இதனை நீங்கள் எனது தனிப்­பட்ட சார்புக் கருத்­தாகக் கொள்­ளலாம். நான் ஒரு முத­ல­மைச்­ச­ராக 13 ஆண்­டுகள் இருந்­துள்ளேன். பிர­தம அமைச்­ச­ராக ஒரு வரு­டத்­திற்கும் குறை­வான காலமே சென்­றுள்­ளது.

இன்று எனது முன்­னு­ரிமை, மாநில அர­சு­களைப் பலப்­ப­டுத்­து­வதே. கூட்டுச் சமஷ்டி முறை மீது நம்­பிக்கை கொண்ட ஒரு­வ­னாக நான் உள்ளேன். அதனால் மாநில அர­சு­க­ளுக்கு நாங்கள் மேலும் அதி­கா­ரங்­க­ளையும் வளங்­க­ளையும் பகிர்ந்­த­ளிப்­ப­தோடு தேசிய தீர்­மா­னங்­களை எடுக்­கும்­போது அவர்­க­ளையும் முறைசார் பங்­கா­ளர்­க­ளாக ஆக்­கி­யுள்ளோம்.

இலங்கை கொடூ­ர­மான வன்­மு­றை­க­ளுக்கும் முரண்­பா­டு­க­ளுக்கும் உட்­பட்ட தசாப்­தங்­களைக் கடந்து வந்­துள்­ளது. நீங்கள் பயங்­க­ர­வா­தத்தை வெற்­றி­க­ர­மாகத் தோற்­க­டித்து மோதலை முடி­வுக்குக் கொண்டு வந்­துள்­ளீர்கள். இப்­போது நீங்கள், சமூ­கங்­களின் காயங்­களைக் குணப்­ப­டுத்தி அவர்­க­ளு­டைய உள்­ளங்­களை வென்­றெ­டுக்­கக்­கூ­டிய வர­லாற்று முக்­கி­யத்­து­வ­மான சந்­தர்ப்­ப­மொன்­றிற்குள் நிலை­கொண்­டுள்­ளீர்கள். இலங்­கையின் அண்­மையத் தேர்­தல்கள் நாட்டின் ஒட்­டு­மொத்தக் குரலை வெளிப்­ப­டுத்­தி­யுள்­ளது. அதா­வது, நல்­லி­ணக்கம், ஒரு­மைப்­பாடு மற்றும் மாற்­றத்­திற்­கான நம்­பிக்­கையே அது. அண்­மையில் நீங்கள் மேற்­கொண்ட செயற்­பா­டுகள் துணி­க­ர­மா­ன­வை­யா­கவும் பாராட்­டத்­தக்­க­வை­யா­கவும் அமைந்­துள்­ளன. அவை ஒரு புதிய ஆரம்­பத்தைப் பிர­தி­ப­லிக்­கின்­றன.

இலங்­கையின் எதிர்­காலம், ஒரு­மைப்­பாடு, கண்­ணியம், சமா­தானம், அமை­தி­யுடன் கூடிய ஒவ்­வொ­ரு­வ­ருக்­கு­மான வாய்ப்­பையும் கௌர­வத்­தையும் கொண்­டி­ருக்கும் என்ற நம்­பிக்கை எனக்­குண்டு. அத்­த­கைய நிலையை அடை­யக்­கூ­டிய ஆற்றல் இலங்­கைக்கு உண்டு என நான் நம்­பிக்கை கொள்­கிறேன். இது எமது நாக­ரிக மர­பு­க­ளுடன் வேரூன்­றி­யுள்­ளது. முன்னே செல்­ல­வேண்­டிய பாதையைத் தெரிவு செய்ய வேண்­டிய பொறுப்பு இலங்­கையைச் சார்ந்­த­தென்­ப­தோடு, அத்­த­கைய தெரிவு சமூ­கத்­தி­லுள்ள சகல பிரி­வி­ன­ரையும் மற்றும் நாட்­டி­லுள்ள பல்­வேறு அர­சியல் நீரோட்­டங்­க­ளையும் உள்­ள­டக்­கி­ய­தான ஒட்­டு­மொத்த கூட்டுப் பொறுப்­பு­டை­ய­தா­கவும் இருக்க வேண்டும். ஆனால், நான் உறு­தி­யாகக் கூறு­வது என்­ன­வென்றால், இலங்­கையின் ஐக்­கியம், ஒரு­மைப்­பாடு என்­பன இந்­தி­யா­வுக்கு முக்­கி­ய­மா­ன­வை­யாகும். அது எமது அக்­க­றை­யுடன் வேரூன்­றி­யுள்­ளது. அது, இத்­த­கைய நோக்­கத்தின் அடிப்­படை நம்­பிக்­கை­யி­லி­ருந்தே உரு­வா­கி­யுள்­ளது."

இவற்­றை­விட உங்­க­ளுக்கு வேறென்ன வேண்டும்? இந்­தி­யாவின் பிர­தமர் இலங்­கைக்கு வந்து அர­சியல் தீர்வு விட­ய­மாக எமது பாரா­ளு­மன்­றத்தில் உரை­யாற்­றி­ய­போது குறிப்­பிட்­ட­வை­களே இவை. ஆகவே, நான் நிறைவு செய்­வ­தற்கு முன்­பாக அண்­மையில் மனித உரி­மைகள் பேர­வையில் நிறை­வேற்­றப்­பட்ட தீர்­மா­னத்­தி­லி­ருந்து ஒரு பகு­தியை வாசித்துக் காட்ட விரும்­பு­கின்றேன். அது அர­சியல் அதி­கா­ரங்­களைப் பகிர்ந்­த­ளிக்கும் இலங்­கையின் உறு­தி­யான நிலைப்­பாட்டை வர­வேற்­ப­துடன் 2015 ஒக்­டோ­பரில் நிறை­வேற்­றப்­பட்ட அதன் 16 ஆவது தீர்­மானம் பின்­வ­ரு­மாறு குறிப்­பி­டு­கின்­றது,

"மக்கள் தொகையின் எல்­லோ­ரி­னதும் மனித உரி­மை­களை முழு­மை­யாக அனு­ப­விக்கும் பொருட்டு, இன நல்­லி­ணக்­கத்தின் தவிர்க்க முடி­யாத அம்­ச­மான அர­சியல் அதி­காரப் பகிர்­வினை ஏற்­ப­டுத்­து­வ­தற்­கு­மான இலங்கை அரசின் உறு­திப்­பாட்டை ஊக்­கப்­ப­டுத்­து­வ­தோடு, தேவை­யான அர­சி­ய­ல­மைப்புச் செயற்­பா­டு­க­ளி­னூ­டாக அர­சியல் தீர்­வொன்றைக் காணும் இலங்கை அரசின் உறு­திப்­பாட்­டையும் வர­வேற்­கின்­றது.

மக்கள் தொகை எல்­லோ­ரி­னதும் மனித உரி­மை­களை முழு­மை­யாக அனு­ப­விப்­பதை உறு­திப்­ப­டுத்­தவும், இன நல்­லி­ணக்­கத்தின் பிரிக்க முடி­யாத அம்­ச­மான அர­சியல் அதி­காரப் பகிர்­வுக்­கான செயற்­பா­டு­களை முன்­னெ­டுப்­ப­தற்­கா­கவும், அர­சி­ய­ல­மைப்பு ஊடாக அர­சியல் தீர்­வைக்­காண உரிய நட­வ­டிக்­கை­களை முன்­னெ­டுத்துச் செல்­வ­தற்­கு­மான உங்கள் உறு­திப்­பாட்டை அது வர­வேற்­கின்­றது."

இலங்கை அர­சி­ய­ல­மைப்பின் 13 ஆவது திருத்­தத்­திற்கு அமை­வாக, மாகாண சபைகள் ஆக்­க­பூர்­வ­மாகச் செயற்­ப­டு­வதைத் தற்­போ­தைக்­கான உட­னடிச் செயற்­பா­டாகச் செய்­வ­தற்கு உங்­களை அவர்கள் ஊக்­கு­விக்­கின்­றனர். எனவே நீங்கள், பிராந்­தி­யங்­க­ளுக்கும் ஏனைய மக்­க­ளுக்கும் அர்த்­த­முள்ள வகையில் அதி­காரப் பகிர்வு செய்யும் பொருட்டு அர­சி­ய­ல­மைப்புச் செயற்­பா­டு­களை மேற்­கொள்­வ­தாக ஐக்­கிய நாடுகள் மனித உரி­மைகள் பேர­வைக்கு உறு­தி­ய­ளித்­துள்­ளீர்கள்.

இலங்­கையின் அர­சியல் பிரச்­சி­னைகள் தொடர்­பாக இந்­தியா எதனைக் கூறி­யது? இந்­தியா கூறி­ய­வற்­றுக்கு இலங்­கையில் பிர­தி­வெளிப்­பாடு எவ்­வா­றா­னது? இணைத்­த­லை­மைகள் கூறி­யமை என்ன, ஐக்­கிய அமெ­ரிக்கா கூறி­யவை என்ன? ஐக்­கிய நாடுகள் சபையில் கூறப்­பட்­டவை என்ன என்­ப­வற்­றி­லி­ருந்தே நான் இங்கு மேற்கோள் காட்­டினேன். இவ்­வி­ட­யங்­களை எல்லாம் நான் ஆவ­ணப்­ப­டுத்­தி­யுள்ளேன் என்றால், நாம் தற்­பொ­ழுது அர­சி­ய­ல­மைப்புச் செயல்­மு­றை­யொன்றை முன்­னெ­டுத்துச் செல்­கின்றோம் என்­ப­தாலும், இது நேற்றோ அல்­லது அதற்கு முதல் நாளோ ஆரம்­பித்த விடயம் அல்ல என்­பதை ஒவ்­வொ­ரு­வரும் அறிந்­தி­ருத்தல் வேண்­டு­மென நான் விரும்­பு­வ­தாலும், இது இலங்கை சுதந்­தி­ர­ம­டைந்து சிறிது காலத்­துக்குள், அதா­வது 70 ஆண்­டு­க­ளுக்கு முன்பு ஆரம்­பித்த விட­ய­மா­கு­மென்­ப­தா­லுமே. இத்­த­கைய கருத்­துக்கள் சர்­வ­தே­சத்தின் அக்­க­றை­களைச் சுட்­டிக்­காட்­டு­வ­தாக அமை­கின்­றன.

புதிய அரசு சில ஆரம்பச் செயற்­பா­டு­களை மேற்­கொண்­டது. இந்த அரசு பத­வி­யேற்ற பின்பு வித்­தி­யா­ச­மான எதிர்­பார்ப்­புக்கள் ஏற்­ப­டுத்­தப்­பட்­டன. இத்­த­கைய செயற்­பா­டுகள் உண்­மை­யா­கவும் நோக்கம் நிறை­வேறும் வகை­யிலும் தொடர்ந்து முன்­னெ­டுத்துச் செல்­லப்­பட வேண்­டிய தேவை உள்­ளது. இந்த முயற்சி வெற்­றி­ய­டை­வ­தற்கு ஒவ்­வொ­ரு­வ­ரு­டைய ஒத்­து­ழைப்பும் அவ­சி­ய­மா­கின்­றது.

இத் தேசியப் பிரச்­சினை தீர்க்­கப்­ப­டாமல் இப்­ப­டியே நீண்ட காலத்­திற்கு நிலைத்­தி­ருக்க முடி­யு­மென நான் எண்­ண­வில்லை. அது இந்த நாட்­டுக்கு நன்­மை­யா­கவும் அமைய மாட்­டாது. இந்த விடயம் சர்­வ­தே­ச­ம­யப்­ப­டுத்­தப்­பட்­டுள்ள நிலை­மை­யிலும் வேறு வேறு நபர்­களால் வேறு வித்­தி­யா­ச­மான கருத்­துக்கள் கூறப்­பட்­டுள்ள நிலையில், வன்­மு­றைகள் மீள உரு­வாகும் நிலை­மைக்கு, அதா­வது மேலும் தமி­ழர்கள் கொல்­லப்­ப­டு­கின்ற, தமி­ழர்கள் மேலும் நாட்­டை­விட்டு வெளியே­று­கின்ற நிலை­மைக்கு நாம் செல்­லக்­கூடும் என நான் நினைக்­க­வில்லை. அத்­த­கைய நிலைமை எவ­ராலும் ஏற்­றுக்­கொள்­ளப்­ப­டவும் மாட்­டாது. நாங்கள் வாழ்ந்து வரு­கின்ற ஆட்­பு­லத்தில், எமது தலை­வி­தியை நாங்­களே தீர்­மா­னித்துக் கொள்ளும் வகை­யிலும், இழந்த சுய­ம­ரி­யா­தை­யையும் கௌர­வத்­தையும் மீளப் பெறும் வகை­யிலும், பிரிக்­கப்­பட முடி­யாத, ஐக்­கி­ய­மான, பிரி­வு­ப­டாத இலங்கை என்ற வரை­ய­றைக்குள் இப்­பி­ரச்­சி­னை­க­ளுக்­கான தீர்­வைக்­காணும் முயற்­சி­க­ளுக்கு எமது ஒத்­து­ழைப்பை வழங்கத் தயா­ராக உள்ளோம்.

இந்த விட­யத்தைக் கருத்திற் கொள்­ளு­மாறு நாங்கள் அர­சாங்­கத்தைக் கேட்டுக் கொள்­கின்றோம். இலங்கை சுதந்­தி­ர­ம­டைந்த காலம் தொடக்கம் தமிழ் மக்­க­ளுக்கு எதி­ராக மேற்­கொள்­ளப்­பட்ட வன்­முறைச் செயல்­களால் 1,500,000 அளவிலான தமி­ழர்கள் நாட்­டை­விட்டு வெளியே­றி­விட்­டனர். மேலும், குறைந்­தது 150,000 அளவிலான தமி­ழர்கள் கொல்­லப்­பட்டு விட்­டனர். படை வீரர்­களும் கொல்­லப்­பட்­டனர் என்­றாலும், எமது போரா­ளி­களும் கொல்­லப்­பட்­டனர், மற்­றைய சாதா­ரண மக்­களும் கொல்­லப்­பட்­டனர். அவற்றை நாம் ஏற்றுக் கொள்­கிறோம். ஏனென்றால், அங்கே வன்­முறைச் செயல்கள் நிகழ்ந்­தன. அங்கே ஆயுதப் போராட்­ட­மொன்று நடந்­தது. அந்த ஆயுதப் போராட்டம் நடை­பெற்­ற­மைக்­கான காரணம் பிரச்­சி­னை­க­ளுக்­கான அர­சியல் ரீதி­யான தீர்­வுகள் மேற்­கொள்­ளப்­ப­டா­மை­யி­னா­லாகும். பிரச்­சி­னை­க­ளுக்­கான அர­சியல் தீர்­வுகள் வழங்­கப்­பட்­டி­ருந்தால் ஆயுதப் போராட்டம் ஒன்று நடை­பெற்­றி­ருக்க மாட்­டாது.

ஆகவே இந்த விட­யங்­களைக் கருத்­திற்­கொண்டு பிரச்­சி­னை­களை முடி­வுக்குக் கொண்டு வரு­வ­தற்­கான தீர்­வு­களை நாம் காண வேண்டும் என நான் கரு­து­கின்றேன்.

மனித உரி­மைகள் பேரவைத் தீர்­மா­னங்கள் தொடர்­பாக நீண்­ட­நேரம் பேசு­வ­தற்கே நான் விரும்­பினேன். ஆனால், அதனைச் செய்ய முடி­யா­தென நான் நினைக்­கின்றேன். ஏனென்றால், ஏற்­கெ­னவே எனக்­கு­ரிய நேரத்தில் கணி­ச­மான பகு­தியை நான் எடுத்து விட்­டதால் அதற்­கான போதிய நேரம் கிடைக்­காது.

(தொடரும்...)