ஜனாதிபதி செயலகம், அலரிமாளிகை மே தினத்தன்று முற்றுகையிடப்படும் : கூட்டு எதிரணி அறிவிப்பு

ஜனாதிபதி செயலகம், அலரிமாளிகை மே தினத்தன்று முற்றுகையிடப்படும் : கூட்டு எதிரணி அறிவிப்பு

(க.கம­ல­நாதன்)

மே மாதம் முதலாம் திகதி கூட்டு எதி­ர­ணியின் தொழி­லாளர் தின நிகழ்­விற்­காக ஒன்­று­கூடும் பெருந்­தொ­கை­யி­லான மக்­களின் உத­வியுடன் ஜனா­தி­பதி செய­லகம் மற்றும் அலரிமாளிகை ஆகிய இடங்­களை முற்­று­கை­யிடப் போவதாக கூட்டு எதி­ர­ணியின் கம்­பஹா மாவட்ட அமைப்­பாளர் பிர­சன்ன ரண­துங்க தெரி­வித்­துள்ளார்.

எமது மேதின கூட்­டத்­திற்கு மக்கள் குறை­வா­கவே வரு­வார்கள் என்ற எண்­ணத்தில் அதனை பார்த்து சிரிக்­கலாம் என்று சிலர் நினைக்­கி­றார்கள். எனவே அவர்­களை அழ­வைக்கும் அள­விற்கு பாரிய ஆத­ர­வா­ளர்­கள் தொகை­யினை ஒன்­று­தி­ரட்டி வர­லாறு காணாத மே தினக் கூட்­டத்தை நடத்­துவோம் எனவும் அவர் சுட்­டிக்­காட்­டி­னார்.

பிய­கம பகு­தியில் நேற்று இடம்­பெற்ற மக்கள் சந்­திப்­பொன்றில் கலந்­துக்­கொண்டு உரை­யாற்­றிய போதே அவர் மேற்­கண்­ட­வாறு தெரி­வித்­துள்ளார்.

அவர் மேலும் தெரி­விக்­கையில்,

கடந்த ஜனா­தி­பதி தேர்­தலின் போது அப்­போ­தைய பொது வேட்­பா­ள­ராக கள­மி­றங்­கிய ஜனா­தி­பதி மைத்­தி­ரி­பால சிறி­சேன வெற்­றி­பெற்றால் அடுத்த 24 மணித்­தி­யா­லத்தில் ரணில் விக்­கி­ர­ம­சிங்க பிர­த­ம­ராக பத­வி­யேற்று நாட்டை அழிவுப் பாதையில் இட்டுச் செல்வார் என்று மக்­களை கூட்டு எதி­ரணி அறி­வு­றுத்­தி­யது. இன்று அதுவே நிதர்­ச­ன­மா­கி­யுள்­ளது.

மஹிந்த ராஜ­பக்ச ஆட்­சியில் திரு­டர்கள் உள்­ளனர் என்றும் அவர்­களை சிறை­யி­ல­டைப்போம் என்றும் திரு­டர்­களை மரத்தில் கட்­டுவோம் என்றும் கூறிக்­கொண்டு ஆட்­சிக்கு வந்­த­வர்கள் இன்று செய்தது ஒன்றும் இல்லை. இவர்கள் பிடித்த திரு­டர்­களும் எவரும் இல்லை. ஆனால் இரண்டு வரு­டங்கள் கடந்­து­விட்­டன.

இந்த அர­சாங்கம் ஆட்­சிக்கு வந்த பின்னர் செய்த மிகப்­பெ­ரிய நிதி மோச­டி­யான மத்­திய வங்கி பிணை முறி விவ­கா­ரத்தில் இடம்­பெற்ற மோசடி குறித்து கூட்டு எதி­ர­ணி­யினர் ஆதா­ராங்கள் சகிதம் நிரூ­பித்­துள்ளோம். ஆனால் சட்­டத்­தினை வளைக்கும் பொலிஸ்மா அதிபர் ஒருவர் நாட்டில் இருக்­கின்ற வரையில் இந்த விவ­காரம் குறித்து எந்த நட­வ­டிக்­கையும் எடுக்­க­ப­டாது என்­பதை நாம் அறிவோம்.

இன்று கூட்டு எதி­ர­ணியின் விமல் வீர­வன்ச 80 நாட்­க­ளுக்கும் அதி­க­மாக சிறையில் உள்ளார். ஆனால் அவர் மீதுள்ள குற்­றச்­சாட்­டுக்கள் லசந்த அல­கி­ய­வன்ன மீதும் சுமத்­தப்­பட்­டுள்ளது. அவர் மாத்­திரம் சுதந்­தி­ர­மாக நட­மா­டிக்­கொண்­டி­ருக்­கின்றார்.

நாம் இந்த அர­சாங்­கத்­தி­லி­ருந்து விலகி நிற்­பதால் எமக்கு கிடைக்க வேண்­டிய வரப்­பி­ர­சா­தங்கள் கிடைக்­காது. இருப்­பினும் முன்னாள் ஜனா­தி­பதி மஹிந்த ராஜ­பகச் மீண்டும் அர­சி­ய­லுக்கு வந்­துள்­ள­மை­ எமக்கு மகிழ்ச்­சியை ஏற்படுத்தியுள்ளது.

ஆனால் நல்­லாட்சி அர­சாங்கம் என்ற பேரில் வெளி­நாட்டு கடன்­களை அள­வின்றி பெற்­றுக்­கொண்­டு­விட்டு தற்­போது நாட்டின் வளங்­களை விற்­பனை செய்து அவற்றை நிவர்த்­திக்க முயற்­சித்து வரு­கின்­றார்கள்.

மஹிந்த பெற்­றுக்­கொண்ட கடனால் நாட்டின் பல பகுதிகளை விற்­பனை செய்­கின்றோம் என்று பொய் குற்­றச்­சாட்­டுக்­களை முன்­வைக்­கின்­றார்கள். உண்­மை­யாக கூறு­வ­தாயின் பண்­ட­ர­நா­யக்­கவின் கொள்­கை­களை கூட்டு எதி­ர­ணிதான் முன்­னெ­டுத்துச் செல்­கின்­றது. இன்று நாட்டு மக்­களும் இந்த அர­சாங்­கத்தை வீட்­டிற்கு அனுப்ப வேண்டும் என்றே கூறுகின்றார்கள்.

அதனால் எதிர்­கா­லத்தில் நாட்டை நேசிக்கும் ஒரு அர­சாங்­கத்­தினை உரு­வாக்கும் முனைப்­புடன் நாம் செயற்­ப­டுவோம். அர­சாங்­கத்­தி­னையும் உரு­வாக்கி காட்­டுவோம்.

அர­சியல் தலை­வர்கள் என்றால் மக்கள் ஆத­ரவு பெற்­ற­வர்­க­ளாக இருக்க வேண்டும். முன்னாள் ஜனா­தி­பதி மஹிந்­தவை நாட்டு மக்கள் ஆத­ரிக்­கின்­றனர். ஆனால் தற்­போ­தைய அர­சாங்­கத்­தினை தமிழ் தேசிய கூட்­ட­மைப்பும் மக்கள் விடு­தலை முன்­ன­ணி­யி­னரும் மாத்­தி­ரமே ஆதரிக்கின்றனர்.

உண்­மையில் கூட்டு எதி­ர­ணிதான் எதிர்­கட்­சி­யாக செயற்­ப­டு­கின்­றது. அதன் வெளி­பாட்­டினை உள்­ளூ­ராட்சி மன்ற தேர்­தலில் கண்­டு­கொள்ள முடியும். மஹிந்த தலைமையில் ஒரு புரட்சியை ஏற்படுத்துவோம்.

அதற்கான முதற்கட்டமாகவே வருகின்ற மே மாதம் முதலாம் திகதி இடம்பெறவுள்ள மே தினக் கூட்டத்திற்கு பங்கேற்கும் கூட்டு எதிரணியின் ஆதரவாளர்களின் உதவியுடன் ஜனாதிபதி செயலகம் மற்றும் பிரதமரின் உத்தியோகபூர்வ வாசஸ்தலமான அலரிமாளிகை ஆகிய இடங்களை முற்றுகையிடுவோம் என்றார்.