என் டயலாக்கை பேசி விட்டு ரஜினி டயலாக் என்கிறார் லாரன்ஸ்! -ராதாரவி

பி.வாசு இயக்கும் எல்லா படங்களிலுமே வில்லன், குணசித்ர வேடம் என நடித்து வருபவர் ராதாரவி. தற்போது அவர் இயக்கியுள்ள சிவலிங்கா படத்திலும் ஒரு கேரக்டரில் நடித்திருக்கிறார். மேலும், சிவலிங்கா படத்தின் பிரஸ்மீட்டில், மொட்ட சிவா கெட்ட சிவா படத்தில் நான் பேசிய டயலாக்கை பேசிவிட்டு, அண்ணன் ரஜினி பேசிய டயலாக் என்கிறார் லாரன்ஸ் என்றும் அவர் முன்னிலையில் கலகலப்பாக பேசினார் ராதாரவி.

அவர் பேசுகையில், எனக்கு இயக்குனர், தயாரிப்பாளர்தான் இரண்டு கண்கள். சிவலிங்கா படம் சகோதரர் லாரன்சுடன் எனக்கு முதல் படம். அவர் டான்ஸ் ஆடுவார். பைட் பண்ணுவார். அந்த ரெண்டு வேலையும் இப்ப எனக்கு கிடையாது. நல்லவேளை இவர் வரும்போது நம்மை வேறு பாதைக்கு திருப்பி விட்டார்கள். இல்லையேல் இவருடனெல்லாம் ஆடவிட்டு முட்டியை கழட்டியிருப்பார்கள். பம்பரமாக ஆடுகிறார் லாரன்ஸ். படம் பார்த்து பிரமித்து விட்டேன். இறுதிச்சுற்று படம் பார்த்து ரித்திகாசிங்கின் நடிப்பைப்பார்த்தும் மிரண்டு விட்டேன். அவரிடம் இப்போதுதான் தைரியமாக நெருங்கி நிற்கிறேன். அவருக்கு கையில் வித்தை இருப்பதால் பயந்தேன். அவர் நேச்சுரல் ஆர்ட்டிஸ்ட். ரிவர் மாதிரி.

இசையில் தமன் பிரமாதம் பண்ணியிருக்கிறார். கேட்ட மாதிரி இருந்தாலும் அதிலும் புதுமை செய்திருக்கிறார். ஏழு ஸ்வரங்கள்தானே. எதைத்தொட்டாலும் அதைத்தான் திரும்பித்திருப்பி வரனும். பி.வாசுவின் மகன் சக்தி நன்றாக நடித் துள்ளார். சின்னதம்பி படத்தில் ஜூனியர் பிரபுவாக நடித்தார். இப்போது இந்த படத்தில் அவருடன் நடித்திருக்கிறேன். நான் சிம்பு, சக்தி இருவரையும் லேப்பில் பிறந்த பிள்ளைகள் என்று சொல்வேன். பிலிம், சொலிஷன் என எல்லாவற்றையும் சாப்பிட்டு வளர்ந்த பிள்ளைகள். இவர்களுக்கு நடிப்பு சொல்லிக்கொடுக்க வேண்டிய அவசியமே இல்லை.

இன்றைக்கு தாடி வைத்தவர்களெல்லாம் ஹீரோவாக வந்து கொண்டிருக்கிறார்கள். முகமே தெரிய மாட்டேங்குது. சக்தியை நன்றாக அடையாளம் தெரிகிறது. லாரன்ஸ் அமைதியாக இருப்பார். ஆனால் புரட்சி உள்ளம் படைத்தவர். இல்லேன்னா ஜல்லிக்கட்டில் வந்து உட்காருவாரா. எவ்வளவு போராட்டமாக இருந்தாலும் நடிகர்கள் யோசித்திருப்பார்கள். ஆனால் அவர்களில் ஒருவராக இருந்தார். நிறையபேர் விளம்பரம் தேடிக்கொள்வதாக சொன்னார்கள். ஆனால் இவருக்கெல்லாம் விளம்பரம் தேவையில்லை. நல்ல இதயம் கொண்டவர் லாரன்ஸ். அசப்பில் ரஜினி மாதிரி தெரிவார். ரஜினி அவரது நடிப்பில் எங்கேயோ ஒழிந்திருப்பார். அசப்பில் அவர் ரஜினியின் விசிறி போலருக்கு. மொட்ட சிவா கெட்ட சிவா பார்த்தேன். அதில், கூட்டிக்கழிச்சிப்பாரு கணக்கு சரியா வரும். இது என் அண்ணன் சொன்னது என்பார். ஆனால், அது அவர் அண்ணன் ரஜினி பேசிய டயலாக் அல்ல. நான் பேசிய டயலாக்.

நான் லாரன்சை அழைத்து, யோவ் இது உங்க அண்ணன் பேசிய டயலாக் இல்லை. நான் பேசிய டயலாக் என்று சொன்னேன். நிறைய பேரு உங்க மேல லாரன்சுக்கு எவ்ளோ பிரியம் பாருங்க. உங்க டயலாக்க அண்ணன் சொன்ன டயலாக்குன்னு சொல்லியிருக்காரு என்றனர். அப்போது, அவரு ரஜினிய சொல் றாருய்யா என்னை இல்ல என்று சொன்னேன்.

மேலும், சிவலிங்கா படத்தை சந்திரமுகியை இயக்கிய இயக்குனர் என்று சொல்கிறார்கள். எனக்கு வருத்தமாக இருந்தது. காரணம் அவர் சின்னதம்பியை இயக்கியவர். அதுக்கு அப்புறம்தான் சந்திரமுகி. சின்னத்தம்பி அப்படியொரு ஹிட் படம். அதுமட்டுமின்றி பல சூப்பர் ஹிட் படங்களையெல்லாம் கொடுத்த வர் பி.வாசு. எந்த படம் எடுத்தாலும் என்னை மறக்க மாட்டார். ஏதாவது ஒரு வேசம் கொடுத்து விடுவார். அப்படி இந்த படத்தில் அதிகம் பேசாமல் நடிக் கக்கூடிய ஒரு கேரக்டர் கொடுத்திருக்கிறார். அவர் எப்போதுமே எனக்கு சரியான வேடம்தான் கொடுப்பார். அப்படித்தான் சிவலிங்காவிலும் கொடுத்திருக்கிறார் என்றார்.

http://www.paahai.com/என்-டயலாக்கை-பேசி-விட்டு/