இலங்­கைத் தமி­ழர்­க­ளின் நலன் குறித்த அக்­க­றை­யில் யாழ்ப்­பா­ணம் சென்ற முதல் இந்­தி­யத் த­லைமை அமைச்­சர் நான்தான் என 2016ஆம் ஆண்டு மே மா­தம் ஆறாம் திகதி சென்­னை­யில் இடம்­பெற்ற தேர்­தல் பரப்­பு­ரைக் கூட்­டத்­தில் வைத்து இந்தியத் தலைமை அமைச்சர் நரேந்திர மோடி கூறி­யி­ருந்­தார்.

மோடி தமது இலங்­கைக்­கான முதல் பய­ணத்தை 2015ஆம் ஆண்டு மார்ச் மாதத்­தில் மேற்­கொண்­டி­ருந்­தார். 2015 ஆம் ஆண்டு ஜன­வ­ரி­யில் இலங்­கை­யில் ஏற்­பட்ட ஆட்சி மாற்­றத்­துக்­குப் பின்­னர் இந்­திய அர­சின் தலைமை அமைச்­சர் என்ற ரீதி­யில் அவர் முதன் முத­லாக இலங்­கைக்கு வந்­தி­ருந்­தார். புதிய அர­சுத் தலை­வ­ராக மைத்­தி­ரி­பால சிறி­சேன பத­வி­யேற்­ற­தை­ய­டுத்து தனது முத­லா­வது வெளி­நாட்­டுப் பய­ணத்தை 2015 பெப்­ர­வரி மாதம் 15ஆம் திக­தி­யன்று இந்­தி­யா­வுக்கு மேற்­கொண்­டி­ருந்­தார்.

அர­சுத்­த­லை­வர் மைத்­தி­ரி­யின் அழைப்­பினை ஏற்று 2015 மார்ச் மாதத்தில் இலங்­கைக்­குப் பய­ணம் மேற்­கொண்ட இந்­தி­யத்­த­லைமை அமைச்­சர் நரேந்­தி­ர­மோடி, இரண்டு வரு­டங்­க­ளின் பின்­னர் மீண்­டும் இரண்­டா­வது தட­வை­யா­கத் தனது இலங்­கைக்­கான பய­ணத்தை நாளை வியா­ழ­னன்று மேற்­கொள்­ள­வுள்­ளார்.

அவ­ரது இலங்­கைக்­கான இந்­த­ப் ­ பய­ணம் கொழும்பு மற்­றும் மலை­ய­கத்­து­டன் மட்­டுமே மட்­டுப்­ப­டுத்­தப்­ப­டு­மெ­னத் தெரி­ய­வ­ரு­கின்­றது. கட்­டு­நா­யக்க பன்­னாட்டு மாநாட்டு மண்­ட­பத்­தில் இடம்­பெ­றும் பன்­னாட்டு வெசாக் தின நிகழ்­வில் முதன்மை அதி­தி­யா­கக் கலந்து கொள்­வ­து­டன் பின்­னர் டிக்­கோயா நகரில் இந்­திய நாட்டு உத­வி­யு­டன் புதி­தாக நிர்­மா­ணிக்­கப்­பட்­டுள்ள வைத்­தி­ய­சா­லை­யை­யும் அவர் திறந்து வைக்­க­வுள்­ளார்.

அத்­து­டன் கண்­டி­யில் உள்ள தல­தா­மா­ளி­கைக்­கும் சென்று வழி­பா­டு­க­ளில் ஈடு­ப­டு­வ­து­டன், கலா­சார மண்­ட­பம் அமைப்­ப­தற்­கான அடிக்­கல்­லை­யும் நட்டு வைக்­க­வுள்­ளார்.

நரேந்­திர மோடி­யு­டன் இலங்கை அரச தலை­வர், தலைமை அமைச்­சர் உட்­பட பல இரா­ஜ­தந்­தி­ரி­க­ளும் இந்த நிகழ்­வு­ க­ளில் கலந்து கொள்­வார்­கள். தமிழ்த்­தே­சி­யக் கூட்­ட­ மைப்­பின் முக்­கிய தலை­வர்­க­ளு­ட­னான சந்­திப்­பும் இடம்­பெ­று­மெ­ன­வும் அறி­விக்­கப்­பட்­டுள்­ளது. புதிய நல்­லாட்சி அரசு பத­விக்கு வந்த பின்­னர் இந்­தி­யத் தலைமை அமைச்­ச­ரது இலங்­கைப் பய­ணம் தமிழ் மக்­க­ளால் பெரிய அள­வில் எதிர்­பார்க்­கப்­பட்­டது. ஆனால் தற்­போது அத்­த­கைய ஆர்­வ­நி­லையை அவ­தா­னிக்க முடி­ய­வில்லை.

அறவழிப் போராட்டங்களை முன்னெடுக்கும் ஈழத் தமிழர்கள்

நல்­லாட்சி அரசு பத­வி­யேற்­ற­தி­லி­ருந்து இன்­று­வரை எமது தமிழ் மக்­கள் பல­வி­த­மான அற­வ­ழிப் போராட்­டங்­களை முன்­னெ­டுத்து வரு­கின்­ற­னர். வீதி­யில் இறங்­கிப் போரா­டு­கின்ற நிலைக்கு அவர்­கள் உள்­ளாக்­கப்­பட்டு விட்­ட­னர்.

காணா­மல் போன­வர்­க­ளின் உற­வு­க­ளால் தங்­க­ளது பிள்­ளை­க­ளைக் கண்டு பிடித்­துத்­த­ரு­மாறு கோரி.மேற்கொள்ளப்படும் போராட்டம், ­ படை­யி­ன­ரால் ஆக்­கி­ர­மிக்­கப்­பட்ட வடக்கு கிழக்கு மாகாண மக்­க­ளது காணி­களை விட்டு விலகி தம்­மைத்­த­மது இடங்­க­ளுக்­குச் சென்று வசிப்­ப­தற்கு வழி­வி­டு­மாறு கோரி நடப்படு­கின்ற போராட்­டம் என்­பவை தமி­ழர்­க­ளின் வாழ்­வில் நிரந்­தரமாகி­விட்ட நிலை­யில் தமி­ழி­னத்­தின் மீதான பிரச்­சி­னைக்கு நல்­லாட்சி அர­சும் நிரந்­த­ர­மான தீர்வு வழங்க முய­லா­மல் காலம் கடத்­து­வ­தை­யும்,ஐ.நா.விடம் அதற்காக மைத்­திரி அரசு இரண்டு வருட கால அவ­கா­சத்தை பெற்­றுக் கொண்­ட­தும் தமிழ் மக்­கள் மத்­தி­யில் அதி­ருப்­தி­யும் எரிச்­ச­லை­யும் எற்­ப­டுத்­தி­யி­ருக்­கி­றது.

இந்த நிலை­யில் இந்­தி­யத் தலைமை அமைச்­ச­ரான மோடி­யின் பய­ணம் தமிழ் மக்­க­ளைப் பொறுத்­த­ வ­ரை­யில் ஏமாற்­றம் தரு­மொன்­றா­கவே கணிக்­கப்­ப­டு­கி­றது.

இன்­றைய கால­கட்­டத்­தில் ஆளு­மை­மிக்­க­தொரு தலை­வ­ரா­கக் கரு­தப்­ப­டும் நரேந்­தி­ர­மோடி, தமி­ழர்­க­ளின் உணர்­வு­களை மதிப்­ப­வ­ரா­க­வும் கரு­தப்­ப­டு­கி­றார். கடந்த ஜன­வரி மாதம் தமி­ழ­கத்­தில் தமி­ழர்­கள் நடத்­திய ஜல்­லிக்­கட்­டுப் போராட்­டத்­திற்கு மதிப்­புக் கொடுத்து அதற்­கான தடையை ­நீக்­கி­ய­வர் என மதிக்­கப்­ப­டு­ப­வர். ஜல்­லிக் கட்­டுப் போராட் டத்­தின் போது இந்­தி­யத் தமி­ழர்­க­ளுக்கு ஈழத்­த­மி­ழர்­க­ளின் பங்­கும் ஆத­ர­வும் உணர்­வு­க­ளும் மேலோங்கி இருந்­தன. இத­னால் இந்­தி­யப் பிர­த­மர் மீதா­ன­தொரு தனி மதிப்­பும் மரி­யா­தை­யும் ஈழத்­த­மி­ழர்­க­ளி­டையே இருந்து வருகிறது.

இந்­தி­யா­வில் சில மாதங்­க­ளுக்கு முன்­னர் கறுப்­புப் பணத்தை ஒழிக்­கும் முயற்­சி­யில் நடை­மு­றை­யி­லி­ருந்த பழைய நாண­யத்­தாளை ஒழிக்­கும் திட்­டத்தை அதி­ர­டி­யாக நாட்­டில் கொண்டு வந்து வெற்றி கண்ட நரேந்­தி­ர­மோ­டி­யின் தலை­மை­யி­லான பார­திய ஜன­தாக்­கட்சி உத்­த­ரப் பிர­தேச மாநில சட்ட சபைத்­தேர்­த­லில் மாபெ­ரும் வெற்­றி­யீட்­டி­யி­ருந்­தது.

இந்திய அரசின் இலங்கைக்கான உதவிகள் பலதரப்பட்டவை
இலங்­கை­யின் புதிய ஆட்சி மாற்­றத்­தை­ய­டுத்து, இந்­திய இலங்கை உற­வு­கள் மீதான வர­லாற்று ரீதி­யான மாற்­றங்­களை வலு­வான நிலை­யில் முன்­னோக்கி நகர்த்­து­வ­தற்கான முயற்சி யாக தலைமை அமைச்­சர் நரேந்­தி­ர­மோ­டி­யின் இலங்­கைக்­கான இரண்­டா­வது பய­ணம் அமைந்­துள்­ளது.

யாழ்ப்­பா­ணம் தொடக்­கம் காங்­கே­சன்­துறை வரை­யி­லான புகை­யி­ர­தப் பாதை­ நிர்மாணப்பணி 2015 ஆம் ஆண்டு ஜன­வரி மாதம் 2ஆம் திகதி ஆரம்­பித்து வைக்­கப்­பட்­டது. அதே­போல் மடு­வீதி தொடக்­கம் திருக்­கே­தீஸ்­வ­ரம் வரை­யி­லான புகை­யி­ர­தப் பாதை புன­ர­மைக்­கப்­பட்டு பரீட்­சார்த்த போக்­கு­வ­ரத்து 2014ஆம் ஆண்டு ஒக்­ரோ­பர் மாதம் மேற்­கொண்டு பார்க்­கப்­பட்­டது. வட­ப­கு­திக்­கான புகை­யி­ர­தப்­பாதை நிர்­மா­ணப்­ப­ணி­யில் இந்­தியா ஆற்­றிய பங்­க­ளிப்பு இந்­தி­யா­வுக்­கும் இலங்­கைக்­கும் இடை­யி­லான இணைப்­பினை ஊக்­கு­விக்­கும் ஓர் அம்­ச­மா­கும்.

இந்­தியா கல்வி, சுகா­தா­ரம் , போக்­கு­வத்து, விவ­சா­யம் , மீன்­பி­டித்­துறை, கைவி­னைத்­துறை மற்­றும் கலா­சா­ரம் போன்ற துறை­க­ளி­லும் தொடர்ச்­சி­யாக சிறிய அபி­வி­ருத்­தித்­திட்­டங்­க­ளைப் படிப்­ப­டி­யாக இலங்­கை­யில் மேற்­கொண்டு வரு­கின்­றது.

யாழ்ப்­பா­ணம் துரை­யப்பா விளை­யாட்­ட­ரங்கு புன­ர­மைக்­கப்­பட்­டமை, மகாத்மா காந்தி ஞாப­கார்த்த நிலை­யம் நிர்­மா­ணிப்பு, யாழ்ப்­பா­ணம்,அம்­பாந்­தோட்­டை­யில் கைவினை கிரா­ மங்­களை அபி­வி­ருத்தி செய்­தல் , மன்­னார் திருக்­கே­தீஸ்­வர ஆலய புன­ர­மைப்பு தோட்­டத்­தொ­ழி­லா­ளர்­க­ளுக்­கான 70 சிறு­வர் அபி­வி­ருத்தி நிலை­யங்­க­ளைப் புன­ர­மைத்­தல், கிளி­நொச்சி விவ­சா­ய­ மற்­றும் பொறி­யி­யல் பீடங்­கள் நிர்­மா­ணிப்பு, யாழ்ப்­பா­ணத்­தில் கலா­சார நிலை­யம் நிர்­மா­ணிப்பு, முல்­லைத்­தீவு மீன­வர்­க­ளுக்கு மீன்­பிடி சாத­னங்­கள் விநி­யோ­கம், வட­மா­கா­ணத்­தில் தொழிற்­ப­யிற்சி நிலை­யம் உரு­வாக்­கல் போன்ற அபி­வி­ருத்­தித் திட்­டங்­க­ளில் இந்­தியா பங்­க­ளிப்பு மேற்­கொண்­டி­ருப்­பி­னும், இந்­தி­யா­வுக்­கான தட்­டிக் கழிக்­காத பொறுப்பு என்று ஒன்­றுள்­ளது.

ஈழத்­த­மி­ழர்­க­ளின் பிரச்­சி­னைக்­கான நிரந்­த­ரத்­தீர்­வுக்கு இந்­தியா வழி­வ­குக்க வேண்­டும்.

சுமார் 70 ஆண்­டு­கள் வரை­யில் நாட்­டில் நீடித்­துச் செல்­கின்ற தமி­ழர்­க­ளின் இனப்­பி­ரச்­சி­னைக்­குத் தீர்வு காண இந்­தி­ய­த­லைமை அமைச்­சர் நரேந்­திர மோடி முன்­வ­ர­வேண்­டும்.

இலங்கைத் தமிழர்கள் விடயத்தில் இந்தியா அக்கறை செலுத்தி வந்துள்ளது

இலங்கையின் முன்­னை­நாள் அரசுத் தலைவர் மகிந்த ராஜ­பக்ச, தமி­ழர்­கள் மீதான கொடிய போரை வன்­னி­யில் நடத்­திக் கொண்­டி­ருந்த வேளை­யில் 2002 ஆம் ஆண்டு இலங்­கை­யில் நடை­பெற்ற சார்க் மாநாட்­டில் கலந்து கொள்­வ­தற்­காக அப்­போ­தைய இந்­திய நாட்டு தலைமை அமைச்­ச­ரான மன்­மோ­கன்­சிங் இலங்­கைக்கு வந்­தி­ருந்­தார்.

இந்­தி­யா­வின் ஐந்து பிர­த­மர்­க­ளும் இலங்­கைக்கு வந்த போதெல்­லாம் தமி­ழர்­க­ளின் பிரச்­சி­னை­கள் சம்­பந்­த­மாக தமிழ்த் தலை­வர்­க­ளுக்­கும் அப்­போ­தைய சிங்­க­ளத் தலை­வர்­க­ளுக்­கு­மி­டையே முரண்­பா­டு­க­ளும் கருத்து மோதல்­க­ளும் இடம்­பெற்­றி­ருந்­தன.

தந்தை செல்வா முதல் அமிர்­த­லிங்­கம் வரை பின்­னர் விடு­த­லைப் புலி­க­ளின் தலை­வர் பிர­பா­க­ரன் தொடக்­கம் இன்­றைய எதிர்க்­கட்­சித் தலை­வ­ரான இரா.சம்­பந்­தன் வரை தமி­ழர் பிரச்­சி­னைக்கு உரிய தீர்வு காண்­ப­தற்கு இந்­தியா உதவ வேண்­டும் எனக் குரல் கொடுத்­த­ப­டியே இருந்துள்ளனர்; இருந்து வரு­கின்­ற­னர்.

புதிய நல்­லாட்சி அர­சில் எதிர்க்­கட்­சித் தலை­வ­ராக இருக்­கின்ற தமிழ் த்தலை­வ­ரான இரா.சம்­பந்­த­னை­யும் இந்­தி­யத் தலைமை அமைச்­சர் மோடி சந்­திக்­கின்ற வாய்ப்­புள்­ள­த­னால் தமி­ழர்­க­ளின் பிரச்­சி­னை­யின் முக்­கி­யத்­து­வம் உண­ ரப்­ப­டும் என நம்­ப­லாம்.

இலங்­கைக்கு இரண்­டா­வது தட­வை­யாக பய­ணம் மேற்­கொள்­கின்ற இந்­தி­யத் தலைமை அமைச்­ச­ரான மோடி தமிழ்த் தலை­வர்­க­ளால் நேர­டி­யாக எடுத்­து­ரைக்­கப்­ப­டு­கின்ற தமி­ழர்­கள் சம்­பந்­த­மான பிரச்­சி­னை­க­ளுக்கு தீர்வு காண்­ப­தற்­காக மைத்­திரி அர­சின்­மீது அழுத்­தத்­தைப் பிர­யோ­கிக்க வேண்­டும் என்ற எதிர்­பார்ப்பு ஈழத் தமி­ழர்­க­ளி­டம் நிறை­ய­ வுண்டு.

பல இந்­தி­யத் தலை­வர்­களை ஈழத் தமி­ழர்­கள் நம்­பி­ய­தும் ஏமாந்­த­தும் இந்­தி­யாவா ஈழத் தமி­ழர்­க­ளுக்கு இப்­ப­டித் துரோ­க­மி­ழைத்­தது என்­ற­வா­றான வெறுப்­பு­ணர்­வு­க­ளி­லி­ருந்­தா­லும், இன்­றைய கால கட்­டத்­தில் நல்­லாட்சி அர­சும் தமிழ் மக்­களை ஏமாற்ற முய­ல்கின்றது என்ற எண்­ணம் மேலோங்­கியுள்ள நிலை­யி­ல், இரண்டு ஆண்­டு­க­ளில் நல்­லாட்சி பற்றித் தெளி­வா­கப் புரிந்­து­ கொண்­டுள்ள தமிழ் மக்­க­ளின் உணர்­வு­களை இந்திய தலைமை அமைச்சர் மதிக்க வேண்­டும்.

மைத்­தி­ரி­யின் நல்­லாட்­சி­யி­லும் தமிழ் மக்­கள் நிம்­ம­தி­யற்ற சூழ­லில் படை­யி­ன­ரின் அச்­சு­றுத்­தல்­க­ளுக்கு மத்­தி­யில் போர் முடிந்த பின்­னர் வாழ்ந்து கொண்­டி­ருக்­கின்­ற­னர் என்­பதை இந்­தியா முத­லில் புரிந்­து­கொள்ள வேண்­டும். இந்­தி­யத் தலைமை அமைச்­ச­ரது இரண்­டா­வது பய­ணம் ஈழத் தமி­ழர்­க­ளுக்கு சாத­க­மா­ன­தொரு நிலையை ஏற்­ப­டுத்­தக் கூடி­ய­தாக அமைய வேண்­டும்.

மே 18 இல் முள்­ளி­வாய்க்­கா­லில் தமி­ழர்­கள் கொன்று குவிக்­கப்­பட்டு இன்­று­வ­ரை­யில் இத­யங்­க­ளி­லி­ருந்து ரண­வலி ஆறாது தவிக்­கின்ற, வேத­னைப்­ப­டு­கின்­ற­ ஈழத் தமி­ழர்­களது துய­ரங்­களை ஆற்ற இந்­திய அரசு வழி சமைக்க வேண்­டும். வல்­லமை படைத்த இந்­தி­யத் தலைமை அமைச்சர் நரேந்­தி­ர­மோ­டி­யின் இலங்­கைக்­கான இரண்­டா­வது பய­ணம் ஈழத் தமி­ழர்­க­ளின் விடி­ய­லுக்கு நன்மை பயக்­குமா?