மஹிந்தவைச் சந்திக்கவுள்ள பிரதமர் மோடி; பொருளாதாரம் குறித்து மைத்திரி, ரணிலுடன் கலந்துரையாடல்

மஹிந்­தவைச் சந்­திக்கவுள்ள பிர­தமர் மோடி; பொரு­ளா­தாரம் குறித்து மைத்­திரி, ரணி­லுடன் கலந்­து­ரை­யாடல்

இந்து சமுத்­திர பிராந்­திய நாடுகளின் இணைச்­செ­ய­லாளர் சஞ்ஷே பாண்டா தெரி­விப்பு

(பா.ருத்­ர­குமார்)

இலங்­கைக்கு உத்­தி­யோ­க­பூர்வ விஜயம் மேற்­கொண்­டுள்ள இந்­தியப் பிர­தமர் நரேந்­திர மோடி முன்னாள் ஜனா­தி­பதி மஹிந்த ராஜ­ப­க் ஷவை சந்­திக்கவுள்ளதா­க வும் அச்­சந்­திப்பில், இந்­தியா    இலங்­கையின் அபி­வி­ருத்தி செயற்­பா­டு­கள்­மீது அக்­கறை கொண்­டுள்­ள­மைக்கு மஹிந்த ராஜ­பக் ஷ பாராட்டு தெரி­வித்­த­தா­­கவும் இந்­தியப் பிர­த­மரின் இந்து சமுத்­திர பிராந்­திய நாடு­களின் இணைச்­செ­ய­லாளர் சஞ்ஷே பாண்டா தெரி­வித்தார்.  

மேலும் நேற்­றி­ரவு நடை­பெற்ற இராப்­போ­ஷன விருந்தில் இலங்­கையின் அபி­வி­ருத்தி தொடர்பில் முக்­கி­ய­மான பல உத்­தி­யோ­க­பூர்வ­மற்ற கலந்­து­ரை­யா­டல்கள் இடம்­பெற்­றுள்­ள­தா­கவும், இரு­நாட்டு ஒத்­து­ழைப்பு மூலம் அபி­வி­ருத்தி வளர்ச்­சிப்­ப­ாதைக்கு கொண்டு செல்ல இந்­தியப் பிர­தமர் அதிக ஆர்வம் காட்­டு­வ­தா­கவும் அவர் மேலும் தெரி­வித்தார்.

இந்­தியப் பிர­தமர் நரேந்­திர மோடியின் உத்­தி­யோ­க­பூர்வ விஜயம் தொடர்பில் தெளி­வு­ப­டுத்தும் ஊட­க­வி­ய­லாளர் மாநாடு நேற்­றி­ரவு தாஜ்­ச­முத்ரா ஹோட்­டலில் நடை­பெற்­றது. இதன்­போதே அவர் மேற்­கண்­ட­வாறு தெரி­வித்தார். அவர் மேலும் குறிப்­பி­டு­கையில்,

இந்­தியப் பிர­தமர் நரேந்­திர மோடிக்கு இலங்­கையில் சிறப்­பான வர­வேற்பு கொடுக்­கப்­பட்­டது. நரேந்­திர மோடிக்கு பிர­த­மரை ரணில் விக்­ர­ம­சிங்க விமான நிலை­யத்தில் வர­வேற்­ற­துடன் பின்னர் கங்­கா­ராம விகா­ரையில் நடை­பெற்ற சர்­வ­தேச வெசாக் தின வழி­பா­டு­க­ளிலும் கலந்­து­கொண்­டி­ருந்தார்.

இந்­நி­லையில் ஜனா­தி­பதி மைத்­தி­ரி­பால சிறி­சேன இன்­றி­ரவு (நேற்­றி­ரவு) இந்­தியப் பிர­தமர் நரேந்­திர மோடிக்கு இராப்­போ­சன விருந்து கொடுத்தார். இந்­நி­கழ்வில் பிர­தமர் ரணில் விக்­ர­ம­சிங்க, சபா­நா­யகர் கரு­ஜ­ய­சூ­ரிய, எதிர்க்­கட்சித் தலைவர் இரா சம்­பந்தன், வடக்கு முத­ல­மைச்சர் சி.வி. விக்­னேஸ்­வரன், அமைச்­சர்­க­ளான மங்­கள சம­ர­வீர, விஜ­ய­தாஸ ராஜ­பக் ஷ, ரவி­ க­ருணா­நா­யக்க , மலிக் சம­ர­விக்­ரம, நிமல் ­சி­றி­பா­ல டி சில்வா, இரா­ஜாங்க அமைச்சர் ஏ.எச்.எம் எம் பெளஸி ஆகி­யோர்கள் கலந்­து­கொண்­டி­ருந்­தனர்.

இலங்­கைக்கும் இந்­தி­யா­வுக்­கு­மி­டையில் பெளத்த மதம் முக்­கிய இணைப்பு பால­மாக உள்­ளது. இந்­தியப் பிர­தமர் ஒருவர் இலங்­கைக்கு இரண்டாம் முறை விஜயம் மேற்­கொள்­வது இதுவே முதற்­த­ட­வை­யாகும். அது போல இலங்கை ஜனா­தி­பதி மற்றும் பிர­தமர் இந்­தி­யா­வுக்கு விஜயம் செய்­துள்­ளனர். கடந்த வாரம் இந்­தி­யா­வினால் விண்­ணுக்கு ஏவப்­பட்ட தெற்­கா­சி­யா­வுக்­கான செயற்­கைக்கோள் ஏவப்­ப­டு­வ­தற்கு முன்னர் ஜனா­தி­பதி மைத்­தி­ரி­பால சிறி­சேன காணொ­ளி­யூ­டாக இந்­தியப் பிர­த­ம­ருடன் கலந்­து­ரை­யா­டி­யி­ருந்தார்.

மேலும் இந்­தியப் பிர­தமர் ஒருவர் மலை நாட்­டுக்கு விஜயம் செய்யும் முதற் தடவை இது­வாகும். உத்­தி­யோ­க­பூர்­வ­மாக எவ்­வித ஒப்­பந்­தங்­களும் ஏற்­பா­டாகி இருக்­கா­த­போதும் இராப்­போ­சன விருந்தின் போது இலங்கை இந்­திய கூட்டு அபி­வி­ருத்தி தொடர்பில் அதிக கவனம் செலத்­தப்­பட்­டது. இதன்­போது இரு நாடு­க­ளுக்­கு­மி­டையில் இருக்கும் புரிந்­து­ணர்வு தொடர்பில் இந்­தியப் பிர­தமர் மன­ம­கி­ழ்ந்து கலந்­து­ரை­யா­டி­யி­ருந்தார்.

அபி­வி­ருத்­தியில் இந்­தி­யாவின் பங்கு எப்­போதும் இருக்கும் எனவும் பெளத்த மத அபி­வி­ருத்தி, சுற்­று­லாத்­துறை, வங்­காள விரி­குடா ஒத்­து­ழைப்பு போன்ற வற்றில் அதிக கவனம் செலுத்­து­வ­தா­கவும் குறிப்­பிட்டார்.

கேள்வி :

இந்­தியப் பிர­தமர் நரேந்­திர மோடியின் விஜ­யத்­தின்­போது முன்னாள் ஜனா­தி­பதி மஹிந்த ராஜ­பக் ஷவுடன் கலந்­து­ரை­யா­டி­ய­தாகக் குறிப்பிட்டீர்கள். அச்சந்திப்பின்போது குறிப்பிடத்தக்க ஏதேனும் விடயப் பரிமாற்றல்கள் இடம்பெற்றிருந்தனவா

பதில் :

இச்சந்திப்பு உத்தியோகபூர்வமானதல்ல. முன்னாள் ஜனாதிபதியின் வேண்டுகோளை ஏற்றுக்கொண்டே இந்தியப் பிரதமர் அவரைச் சந்தித்தார். இதன்போது இந்தியா இலங்கையின் அபிவிருத்தி தொடர்பில் காட்டும் ஆர்வத்தையிட்டு தான் மகிழ்ச்சியடைவாதகக் குறிப்பிட்டிருந்தார்.