15 மாதங்களில் 4,000 பேர் பலி: இலங்கை போர் நிறுத்த கண்காணிப்புக்குழு

15 மாதங்களில் 4,000 பேர் பலி: இலங்கை போர் நிறுத்த கண்காணிப்புக்குழு

இலங்கையில் கடந்த 15 மாதங்களில் 4,000 பேர் கொல்லப்பட்டுள்ளனர். ஆனால் 2002 ஆம் ஆண்டு பெப்ரவரி 22 ஆம் நாள் போர் நிறுத்தம் ஆரம்பிக்கப்பட்ட பின்னரான முதல் மூன்று வருடங்களில் 130-க்கும் குறைவானவர்களே கொல்லப்பட்டிருந்தனர் என இலங்கை போர் நிறுத்த கண்காணிப்புக்குழு தெரிவித்துள்ளது.

இது தொடர்பில் அக்குழு போர் நிறுத்த ஒப்பந்தத்தின் 5 ஆம் ஆண்டு நிறைவையொட்டி நேற்று வியாழக்கிழமை வெளியிட்ட அறிக்கையில் தெரிவித்துள்ளதாவது:

"இலங்கையில் கடந்த 15 மாதங்களில் 4,000 பேர் கொல்லப்பட்டுள்ளனர். மேலும் பெருமளவானோர் கடுமையாக காயமடைந்துள்ளதுடன் ஆயிரக்கணக்கான குடும்பங்கள் மோதல்கள் இடம்பெறும் பகுதிகளில் இருந்து இடம்பெயர்ந்துள்ளனர். ஆனால் அதற்கு முதலான 3 வருடங்களில் 130-க்கும் குறைவானவர்களே கொல்லப்பட்டிருந்தனர்.

இனப்பிரச்சனைக்கு சமாதானப் பேச்சுவார்த்தை மூலமாக ஒரு தீர்வை காண்பதற்கு சிறிலங்கா அரசும் விடுதலைப் புலிகளும் போர் நிறுத்த உடன்படிக்கை ஒன்றை 2002 ஆம் ஆண்டு பெப்ரவரி 22 ஆம் நாள் கைச்சாத்திட்டிருந்தனர்.

போர் நிறுத்த உடன்படிக்கையை அமுல்படுத்துவதற்கு இரு தரப்புக்களும் தாமாகவே முன்வந்திருந்தனர். அது உடன்படிக்கையின் கொள்கைகளுக்கு நல்ல அடித்தளத்தை அமைத்திருந்தது.

அதேசமயம் இலங்கை போர்நிறுத்த கண்காணிப்புக்குழுவும் பின்வரும் நடைமுறைகளை செய்திருந்தது.

- போர் நிறுத்த உடன்படிக்கையின் மீறல்களை விசாரணை செய்தல்.

- போர்நிறுத்த உடன்பாட்டின் சரத்துக்களை கடைப்பிடிப்பதற்கு இரு தரப்பக்களுக்கும் உதவுதல்.

- இருதரப்பிற்கும் இடையிலான தொடர்பாடலுக்கு உதவுதல்.

இந்த உடன்படிக்கையை அடுத்து வன்முறைகள் பெருமளவில் குறைந்திருந்தன. குறிப்பாக இரு தசாப்தங்களாக போருக்குள் வாழ்ந்த வடக்கு - கிழக்கு மக்களிடம் இருந்து இதற்கு நல்ல வரவேற்பு கிடைத்தது. ஆனால் உடன்படிக்கை 5 ஆவது ஆண்டை அண்மிக்கும் போது கடத்தல்கள், துன்புறுத்தல்கள், படுகொலைகள், எறிகணை வீச்சுக்கள், வான்குண்டு வீச்சுத்தாக்குதல்கள் என ஒரு போரின் அளவிற்கு தக்குதல்கள் தீவிரமடைந்துள்ளன.

தற்போது இடம்பெற்று வரும் மோதல்களில் சிறிலங்கா அரசிற்கும் விடுதலைப் புலிகளுக்கும் இடையில் போர் நிறுத்த கண்காணிப்புக்குழு ஒரு நடுநிலைமையை பின்பற்றி வருகின்றது. இந்த மோதல்களின் போதான நிலைமைகளில் ஒரு ஆழமான அணுகுமுறையை தொடர்ந்து தேடி வருவதுடன், ஒப்பந்த விதிகளை தொடர்ந்து நடைமுறைப்படுத்த தன்னாலான வழிகளையும் ஆராய்ந்து வருகின்றது" என தெரிவிக்கப்பட்டிருக்கின்றத