ரணிலை தோற்கடிக்க புலிகளுடன் மஹிந்த செய்த இரகசிய ஒப்பந்தத்தை ஐ.தே.க. பகிரங்கப்படுத்தும்

ஜனாதிபதித் தேர்தலில் மஹிந்த ராஜபக்ஷ வெற்றிபெறுவதற்கு புலிகளுடன் செய்துகொண்ட இரகசிய ஒப்பந்தம் வழிசமைத்தது என்ற உண்மையை ஆதாரங்களுடன் ஐக்கியதேசியக்கட்சி விரைவில் நிரூபிக்கும். ஐக்கியதேசியக்கட்சி நாடாளுமன்ற உறுப்பினரும் எதிர்க் கட்சியின் பிரதம கொரடாவுமான ஜோசப் மைக்கல் பெரேரா நேற்று இதைத் தெரிவித்தார்.

நேற்று எதிர்க்கட்சித் தலைவரின் அலுவலகத்தில் இடம்பெற்ற ஊடகவியலாளர் மாநாட்டில் இவர் இவ்வாறு தெரிவித்தார்.

அவர் இது குறித்து மேலும் கூறியதாவது:

ஜனாதிபதித் தேர்தலில், வெற்றியீட்டுவதற்காக விடுதலைப் புலிகளுடன் மஹிந்த இரகசிய ஒப்பந்தம் ஒன்றைச் செய்திருந்தார் என்பதை அவரது கட்சிஉறுப்பினர்களாக இருந்து அமைச்சுப்பதவிகளையும் வகித்த மங்கள சமரவீர, ஸ்ரீபதி ஆகியோர் தெரிவித்துள்ளனர்.

இக்கருத்து நிச்சயமானதும், உறுதியானதும் என்பதை நான் நாட்டு மக்களுக்குத் தெரிவிக்கிறேன். ஏனென்றால், அரசதரப்பில் இருந்தவர்கள் இவ்வாறானதொரு கருத்தை ஜனாதிபதிக்கு எதிராகத் தெரிவிப்பதை நாம் ஒருபோதும் சர்வசாதாரணமாக எடுத்துக்கொள்ள முடியாது.

எதிர்க்கட்சியான ஐ.தே.கட்சியின் தலைவர் ரணில் விக்கிரமசிங்கவை தோற்கடிக்கவென மஹிந்த ராஜபக்ஷ புலிகளுடன் செய்துகொண்ட இந்த இரகசிய ஒப்பந்தத்தினால் யாழ்.மக்களின் வாக்களிக்கும் உரிமை மறுக்கப்பட்டுள்ளது. இது ஜனநாயக உரிமைகளை மனித உரிமையை மீறும் ஒரு செயலாகும்.

ஜனாதிபதி இவ்வாறாக எத்தனையோ ஒப்பந்தங்களைச் செய்துகொள்வது அவரது வழக்கம். உதாரணமாக விடுதலைப் புலிகளுடன், ஜே.வி.பியுடன், ஜாதிக ஹெல உறுமயவுடன் மற்றும் ஜ.தே.கட்சியின் தலைவர் ரணில் விக்கிரமசிங்கவுடனும் இவ்வாறு பல உடன்படிக்கைகளை கைச்சாத்திட்டிருக்கிறார். மேலும் தற்போது எந்த ஆட்சியிலும் இல்லாத வகையில் கடத்தல்கள், கப்பம்கோரல், ஆங்காங்கே கொலை செய்யப்பட்டு போடப்பட்டிருக்கும் சடலங்கள் என்பன அதிகரித்துவருகின்றன. இதற்கெல்லாம் யார் காரணம்? இதை நாம் நிச்சயமாகக் கண்டறிவோம்.

அரசு விடுதலைப்புலிகளுடன் செய்துகொண்ட இரகசியஉடன்படிக்கை குறித்து விசாரணைகளை மேற்கொண்டு அதற்குத் தேவையான தகவல்களைத்திரட்டி அதற்கு எதிராக சட்ட நடவடிக்கைகளை எடுப்போம் என்று அவர் தெரிவித்தார்

தயவு செய்து செய்தி மூலத்தை இணையுங்கள் பிரசண்ணா

ஈழவன் இனி வரும் காலஙக்ளில் உங்கள் கோரிக்கையை நிறை வேற்றுகிறேண்

மகிந்தவுடன் ஒப்பந்தம் செய்ய புலிகள் என்ன எலிகளா??? உது என்னை பொறுத்தவரைக்கும் ஒரு வதந்தி!!!!