அரசியல் காழ்ப்புணர்வை காட்டி வடபுல மக்களுக்கான அபிவிருத்தி நடவடிக்கைகளை தடுத்துவிடாதீர்கள்

புத்தளம் தள வைத்தியசாலையில் அமைக்கப்பட்டுவரும் அவசர சத்திர சிகிச்சைப் பிரிவின் பணிகள் இவ்வருடத்துக்குள் பூர்த்தி செய்யப்படுமென மீள்குடியேற்ற, அனர்த்த நிவாரண சேவைகள் அமைச்சர் ரிஷாட் பதியுதீன் தெரிவித்தார்.

மதுரங்குளி ஹிதாயத் நகரில் 25 ஆம் திகதி ஞாயிற்றுக்கிழமை இரவு இடம்பெற்ற முப்பெரும் விழாவில் கலந்துகொண்டு பேசும்போதே அவர் மேற்கண்டவாறு கூறினார்.

மேலும் அவர் பேசுகையில், வடபுலத்திலிருந்து இடம்பெயர்ந்தும், புத்தளத்திலும் வாழும் மக்களின் நன்மை கருதி பல அபிவிருத்தித் திட்டங்கள் ஆரம்பிக்கப்பட்டள்ளன.

அதில் புத்தளம் தள வைத்தியசாலையில் அவசர சத்திர சிகிச்சைப் பிரிவு 2 கோடி ரூபா செலவில் அமைக்கப்பட்டு வருகின்றது.

இதன் மூலம் நோயாளிகள் தூர இடங்களுக்கு இடமாற்றம் செய்யப்படுவதைத் தடுக்க முடியுமெனக் கூறிய அமைச்சர், ஜனாதிபதி மஹிந்த ராஜபக்ஷவின் மஹிந்த சிந்தனையின் செயற்பாடுகளில் இதுவும் ஒன்றாகும் எனக் கூறினார்.

இதேவேளை, இன்று நமது நாட்டுக்குத் தேவையானது நிரந்தர சமாதானமாகும். அபிவிருத்தியை போன்று சாமாதானம் இல்லையெனில் மக்கள் சுதந்திரமாகச் செயற்பட முடியாது.

நாம் வடக்கிலிருந்து விரும்பி வெளியேறியவர்கள் அல்ல, வெளியேற்றப்பட்டவர்கள். தற்போது அகதி முகாம் வாழ்க்கை வாழ்கின்றோம். எவருக்கும் அநியாயம் செய்யவுமில்லை, செய்யப் போவதுமில்லை. இலங்கைத் தேசமானது சகல சமூகத்துக்கும் சொந்தமானது.

ஆனால், இன்று வடபுலத்து முஸ்லிம்கள் தற்போது வாழ்கின்ற பிரதேசங்களில் பெரும் அச்சுறுத்தலுக்குள்ளாகப்படு