நீதிபதி மீதான தாக்குதல் முயற்சியின் பின்னணி குறித்த சந்தேகங்கள்

கடந்த 22ஆம் திகதி நல்லூரில் வைத்து நீதிபதி இளஞ்செழியனை இலக்கு வைத்து மேற்கொள்ளப்பட்ட தாக்குதலால், யாழ்.குடாநாடு மட்டுமன்றி நாட்டின் ஏனைய பகுதிகளும் அதிர்ச்சியில் உறைந்தன.

குறித்த தினத்­தன்று மாலை 5 மணி­ய­ள­வில் நீதி­மன்­றில் கட­மையை முடித்­துக் கொண்டு புறப்­பட்ட நீதி­ப­திக்­குப் பாது­காப்­புக்­காக ஒரு பொலிஸ் உத்­தி­யோத்­தர் நீதி­ப­தி­யின் காருக்­குள்­ளும், வீதி ஒழுங்­குப் பாது­காப்­புக்­காக மற்­று­மோர் பொலிஸ் உத்­தி­யோ­கத்­தர் மோட்­டார் சைக்­கி­ளில் நீதி­பதி பய­ணித்த வாக­னத்­தின் முன்­னா­லும் பய­ணித்­துள்­ள­னர்.

நல்­லூர் கோவில்­வீ­தி­யும் பருத்­தித்­துறை வீதி­யும் இணை­யும் சந்­தி­யில் நீதி­ப­தி­யின் வாக­னம் பய­ணிக்­கும்­போதே குறித்த தாக்­கு­தல் சம்­ப­வம் இடம்­பெற்­றுள்­ளது.

இந்தச் சந்­தியை நீதி­ப­தி­யின் வாக­னம் அண்­மித்­த­வே­ளை­யில் அப்­ப­கு­தி­யில் சிலர் மது­போ­தை­யில் கல­கம் விளை­வித்து வீதிப் போக்­கு­வ­ரத்­திற்கு இடை­யூறு ஏற்­ப­டுத்­திய வண்­ணம் இருந்­துள்­ள­னர்.

இதனை அவ­தா­னித்த நீதி­ப­தி­யின் பாது­காப்பு பொலிஸ் உத்­தி­யோ­கத்­தர் தான்­ப­ய­ணித்த மோட்­டார் சைக்­கிளை வீதி­யோ­ரம் நிறுத்­தி­ விட்டு போக்­கு­வ­ரத்தை ஒழுங்­கு­ப­டுத்த முனைந் துள்­ளார். இதன்­போதே கல­கத்தை ஏற்­ப­டுத்­தி­ய­தாக கூறப்­ப­டு­ப­வ­ரில் ஒரு­வர், குறித்த பொலிஸ் உத்­தி­யோ­கத்­த­ருக்கு அரு­கில் சென்று அவ­ரைக் கட்­டிப் பிடிக்க முனைந்­துள்­ளார். அத்­தோடு அந்­தப் பொலிஸ் உத்­தி­யோ­கத்­த­ரது கைத் துப்­பாக்­கி­யை­யும் அவ­தா­னித்­துள்­ளார்.

பர­ப­ரப்பை ஏற்­ப­டுத்­திய தாக்­கு­தல்

உத்­தி­யோ­கத்­தர் எதிர்­பா­ராத சம­யம் அந்த நபர் பொலிஸ் உத்­தி­யோ­கத்­த­ரது இடுப்­பில் இருந்த துப்­பாக்­கி­யைத் திடீ­ரென உரு­வி­யுள்­ளார். இத­னால் நிலை தடு­மா­றிய பொலிஸ் உத்­தி­யோ­கத்­தர் அதனை மீட்­ப­தற்­காக போரா­டி­யுள்­ளார்.

காருக்­குள் அமர்ந்­தி­ருந்த நீதி­பதி இத­னைக் கண்­ட­தும் உட­ன­டி­யா­கத் தமது வாக­னத்தை நிறுத்­து­மாறு பணித்­துள்­ளார். சாரதி வாக­னத்தை நிறுத்­தி­ய­தும் நீதி­பதி, வாக­னத்­தில் இருந்து இறங்கி சம்­பவ இடத்­திற்கு செல்ல அவ­ரின்­அ­ருகே இரண்­டா­வது பாது­காப்பு பொலிஸ் உத்­தி­யோ­கத்­த­ரும் சென்­றுள்­ளார்.

தமது துப்­பாக்­கி­யைக் கைப்­பற்­றிய அந்த நப­ரி­ட­மி­ருந்து துப்­பாக்­கியை மீட்க பொலிஸ் உத்­தி­யோ­கத்­தர் முயன்றவேளை இழு­பறி நிலை­யில் அந்­தப் பொலிஸ் உத்­தி­யோ­கத்­தர் மீது அந்த நபர் துப்­பாக்­கிப் பிர­யோ­கம் மேற்­கொண்­டுள்­ளார்.

இந்த நிலை­யில் குறித்த அந்த நபர் , நீதி­பதி மீது இலக்கு வைப்­ப­தனை உணர்ந்த இரண்­டா­வது பொலிஸ் உத்­தி­யோ­கத்­தர் தனது கைத்­துப்­பாக்­கியை எடுத்து அந்த நபர் மீது துப்­பாக்­கிப் பிர­யோ­கம் மேற்­கொண்­ட­வாறு நீதி­ப­தியை துப்­பாக்­கிச் சூட்­டில் இருந்து பாது­காப்­ப­தற்­காக அவ­ரைக் காருக்­குள் தள்­ளி­யுள்­ளார்.

நீதி­ப­தியை காருக்­குள் ஏற்­றும் முயற்­சி­யின்­போது துப்­பாக்­கி­தா­ரி­யின் தாக்­கு­த­லில் இரண்­டா­வது பொலிஸ் உத்­தி­யோ­கத்­த­ரும் தோள்ப் பட்­டை­யில் காய­ம­டை­கின்­றார். இந்த நிலை­யில் தாக்­கு­தலை மேற்­கொண்­ட­வ­ரின் கைத்­துப்­பாக்­கி­யி­ருந்த ரவை­கள் தீர்ந்த நிலை­யில் அவர் அங்­கி­ருந்து தப்­பிக்­கும் முக­மாக கெந்­தி­ய­ப­டியே சம்­பவ இடத்தை விட்டு அகன்று செல்­கின்­றார்.

அவ்­வாறு அகன்று சென்­ற­வர், தான் அங்­கி­ருந்து விரை­வா­கத் தப்­பித்­துச் செல்­லும் நோக்­கில் , வீதி­யில் எதிரே வந்­த­வரை மிரட்டி அவ­ரது மோட்­டார் சைக்­கி­ளைப் பறித்­துக் கொள்­கி­றார். தப்­பிச் செல்­லும் சம­யம் கைத்­துப்­பாக்­கி­யைத் தவ­ற­விட்டு விடு­கி­றார்.

இந்த நிலை­யி­ல் சம்­ப­வத்­தில் படு­கா­ய­ம­டைந்த இரு பொலி­சா­ரை­யும் தனது வாக­னத்­தைச் செலுத்தி வந்த சார­தி­யின் உத­வி­யு­டன் மீட்­டெ­டுத்த நீதி­பதி, படுகாய மடைந்தவரை தனது மடி­யில் படுக்க வைத்த நிலை­யில் மருத்துவமனைக்கு எடுத்­துச் செல்­கின்­றார்.

செல்­லும் வழி­யி­லேயே நீதி­ப­தியே பொலி­சா­ருக்கு சம்­ப­வம் குறித்த தக­வலை வழங்­கு­கின்­றார். அதன் பின்­னரே சம்­பவ இடத்­தைப் பொலி ­சார் முற்­று­கை­யி­டு ­கின்­ற­னர். அவ்­வாறு உள்­நு­ழைந்த பொலி­சா­ரி­டம் தாக்­கு­தல்­தாரி விட்­டுச் சென்ற ஒர் கைத்­துப்­பாக்­கியை பொது­ம­கன் ஒரு­வரே மீட்டு கைய­ளிக்­கின்­றார். அங்கே சம்­பவ இடத்­தில் 10 வெற்­றுத் தோட்­டாக்­கள் வீதி­யில் சித­றிக் கிடந்­துள்­ளன.

பொலி­ஸார் சம்­ப­வம் குறித்து அக்­கறை காட்­டத் தவ­றி­னரா?

சம்­பவ இடத்­துக்­குச் சென்ற தட­ய­வி­யல் பொலி­சார் குறித்த பிர­தே­சத்­தைப் போக்­கு­வ­ரத்­துக்­குத் தடை­செய்து அத்­தனை தட­யப் பொருள்­க­ளுக்­கும் இலக்­க­மிட்டு அறிக்­கை­யிட்­ட­தன் பின்­னர், இரவு சுமார் 8 மணி­ய­ள­வில் அவை அனைத்தும் அங்­கி­ருந்து பொலி­ஸா­ரால் அகற்­றப்­பட்­டன.

மருத்துவமனையில் அனு­ம­திக்­கப்­பட்ட இரு பொலி­சா­ரில் நீதி­ப­தி­யின் மெய்ப்­பா­து­கா­வ­ல­ரும் துப்­பாக் கியை பறி­கொ­டுத்த பொலி­ஸ் உத்தியோகத்தரு மான ஹேமச்­சந்­திர (வயது 51 ), என்­ப­வ­ரின் வலது பக்க வயிற்­றுப் பக்­கத்­தில் பாய்ந்­தி­ருந்த தோட்டா, இடது பக்­கத்­தால் வெளி­யே­றி­யி­ருந்­தது. உட­ன­டி­யாக அவ­ருக்கு அறுவைச் சிகிச்சை மேற்­கொண்ட மருத்துவர்கள் அவரை உயிர் ஆபத்­தி­லி­ருந்து காப்­பாற்ற முழு­வீச்­சில் செயற்பட்­ட­னர்.

இடம்­பெற்ற சம்­ப­வம் குறித்து ஊட­கங்­க­ளுக்கு கருத்து தெரிவித்த நீதி, குறித்த தாக்குதல் தம்மை இலக்காகக் கொண்டதெனத் தெரிவித்திருந்தார். ஆனா­லும் பொலி­சாரோ குறித்த சம்­ப­வ­மா­னது, மது­போ­தை­யில் வந்த ஒரு­வ­ரி­னால் மேற்­கொள்­ளப்­பட்ட ஒரு எதேச்­சை­யான சம்­ப­வம், அது திட்­ட­மி­டப்­பட்­ட ­தொரு தாக்­கு­தல் சம்­ப­வம் அல்ல என­வும் தெரி­வித்­தி­ருந்­த­னர்.

பொலிசாரின் தடுமாற்றத்துக்கு காரணமென்ன?

அத்­தோடு சம்­ப­வம் இடம்­பெற்ற இடத்­தில் இருந்த தட­யப் பொருட்­கள் அனைத்­தை­யும் மீட்­டெ­டுத்து அங்கே 5 பொலி­சாரை மட்­டும் காவ­லுக்கு நிறுத்தி வைத்­த­னர்.

இத­னை­ய­டுத்து சம்பவ இடத்­துக்கு நீதிவான் பார்­வை­யிட வரு­கின்­றார் என்ற தக­வல் பொலி­சா­ருக்கு கிடைக்­கின்­றது. உட­ன­டி­யாக மீண்­டும் வேக­மா­கச் செயல்­பட்ட பொலி­சார், நல்­லூ­ர­டிக்கு ஓடி வரு­கின்­ற­னர்.

தட­ய­ வி­யல் பொலி­சா­ரும் மீண்­டும் அந்த இடத்­திற்கு வந்து மீண்­டும் அதே­மா­தி­ரி­யான புறத் தோற்­றச் சூழல் உரு­வாக்­கப்­ப­டு­கின்­றது. அதா­வது குற்­றம் இடம்­பெற்ற பிர­தே­சத்­துக்கான அறி­வித்­தல் பட்டி மீண்­டும் கட்­டப்­பட்டு, மீட்­கப்­பட்ட தட­யப் பொருள்­கள் இருந்து எடுக்­கப்­பட்ட இடங்­கள் மீண்­டும் வெண்­கட்­டி­யால் அடை­யா­ள­மி­டப்­பட்டு அதே­போன்று பொருள்­க­ளும் அடுக்­கப்­பட்­டன.

இந்த நிலை­யில் கைப்­பற்­றப்­பட்ட கைத்­துப்­பாக்­கி­யின் ரவைக்­கூட்டைக் ( மக­சீன்) காண­வில்லை என்ற செய்­தி­யும் வேக­மாக பர­வு­கின்­றது.

இத­னால் மீண்­டும் மாதிரி உரு­வத்­தைத் தயா­ரிக்க வந்­தி­ருந்த தட­ய­வி­யல் பொலி­சார் செய்­தி­யா­ளர்­கள் முன்­னி­லை­யில் தேடு­த­லில் ஈடு­பட்­டி­ருந்­த­னர்.

அதன்­போது ஓர் சந்­தர்ப்­பத்­தில் தாக்­கு­த­லுக்­குப் பயன்­ப­டுத்­தப்­பட்­ட­தா­கக் கூறப்­ப­டும் கைத்­துப்­பாக்­கி­யின் ரவைக்­கூடு வீதி­யோ­ரம் இருந்த கழிவு வாய்க்­கா­லுக்­குள் இருந்து மீட்­கப்­பட்­டது.

அறுவை சிகிச்­சைக்கு உட்­ப­டுத்­தப்­பட்­டி­ருந்த பொலிஸ் உத்­தி­யோ­கத்­தர் நள்­ளி­ர­வைத் தாண்­டும் நேரம் உயி­ரி­ழந்­தார். அதில் ஓர் அங்­க­மாக மறு­நாள் காலை­யில் அரி­யா­லைப்­ப­கு­தி­யில் இருந்து தாக்­கு­தல்­தாரி தப்­பி­யோ­டிய மோட்­டார் சைக்­கிள் மீட்­கப்­பட்­டது.

குறித்த தாக்­கு­த­லைத் தாமே மேற்­கொண்­ட­தா­கத் தெரி­வித்­துப் பொலி­ஸா­ரி­டம் சர­ண­டைந்த நபர், புங்­கு­டு­தீவு 4ஆம் வட்­டா­ரத்­தைச் சேர்ந்­த­வர் என­வும் தெரிய வந்­துள்­ளது.

இதே­நே­ரம் சம்­ப­வத்­தில் இலக்கு வைக்­கப்­பட்ட நீதி­ப­தி­யும் தீவ­கத்தை தமது பிறப்­பி­ற­மா­கக் கொண்­ட­வர். அதே­போன்று தற்­போது குடா­நாட்­டில் இடம்­மெ­றும் முக்­கிய வழக்­கான வித்­தியா கொலை­வ­ழக்­கும் புங்­கு­டு­தீ­வு­டன் தொடர்பு பட்ட வழக்கு என்­ப­த­னால் இந்­தத் தாக்­கு­தல் சம்­ப­வம் குறித்த சந்­தே­கங்­கள் மேலும் வலுப்­பெ­று­வ­தா­கவே அமை­கின்­றன.