தவறான பாதையில் பயணிக்கும் அரசு

நாடு ஒரு புறத்­தி­லும், அரச அதி­கா­ரத்­தை­யும் அரச வளங் க­ளை­யும் தன்­ன­கத்தே கொண்­டி­ருக்­கும் அரசு மற்­றொரு புறத்­தி­லும் செயற்­பட நேர்ந்­துள்­ளது.

நாட்டை முன்­னேற்ற உழைப்­போ­மெ­னக் கூறி அதி­கா­ரத்­தைக் கைப்­பற்­றிக் கொண்­டுள்ள தரப்­பி­னர், முற்­று­மு­ழு­தாக அதற்கு மாறான வித்­தி­லேயே செயற்­பட்டு வரு­கின்­ற­னர்.

நாடு அத்­த­கைய போக்­குக்கு எதி­ராக கிளர்ந்­தெ­ழு­கி­றது. அப்­போது அரச வளங்­க­ளூ­டாக அதி­கா­ரத்­தைக் கொண்­டுள்ள அரசு, நாட்டு மக்­க­ளு­டன் மோதிக்­கொள்ள நேர்­கி­றது. எம்மை ஏசு­வ­தால் பய­னில்லை.

நாம் அதி­கா­ரத்­தைக் கைப்­பற்­றி­யது, எமது வசதி வாய்ப்­புக்­களை அனு­ப­விக்­கவே என்ற மனோ­நி­லை­யி­லேயே ஆட்­சி­யா­ளர்­கள் நடந்து கொள்­கின்­ற­னர். இயற்­கைப் பாதிப்­புக்­கள், வறுமை, எமக்கு நாமே ஏற்­ப­டுத்­திக் கொள்­ளும் சுற்­றா­டல் பாதிப்­புக்­கள்.

பாதாள உல­கக் கோஷ்­டி­யி­ன­ரது செயற்­பா­டு­கள், சாலை விபத்­துக்­கள் போன்­ற­வற்­றால் சிர­மங்­க­ ளுக்கு உள்­ளா­கும் நாட்டு மக்­கள் குறித்து ஆட்­சி­யா­ளர்­கள் அலட்­டிக் கொள்­ளாத போக்­குத் தொடர்­கி­றது.

ஆனால் அர­சி­ய­லில் அதி­கா­ரத்­தைக் கொண்­டுள்ள வாய்ப்­பால் அதி­கா­ரத்­த­ரப்­பி­னர்­கள் பல்­வேறு வகை­க­ளில் தமது வச­தி­வாய்ப்­புக்­க­ளைப் பெருக்­கிக் கொண்டு தம்­மைக் கோடீஸ்­வ­ரர்­க­ளாக ஆக்­கிக் கொள்­கின்­ற­னர். மனி­தத்
து­வத்தை முற்று முழு­தாக மறந்­து­வி­டு­கின்­ற­னர்.

அந்த வகை­யில் இன்று நாட்­டு­மக்­கள் இந்த நாடு மட்­டுமே எம்­மு­டை­யது, ஆனால் அரச அதி­கா­ரம், அர­சின் அடக்­கு­முறை, மற்­றும் நிர்­வா­கம் என்­ப­தெல்­லாம் ஆட்­சி­யா­ளர்­க­ளது கைக­ளி­லேயே என்ற நிலைப்­பாட் டையே ஏற்க நேர்­கி­றது.

நாட்டின் வங்குரோத்து நிலை குறித்து மக்களுக்கு எதுவுமே தெரியாது

இந்த நாடு இன்­ன­மும் உணர்ந்து கொள்­ளாத ஒரு விட­ யம் உள்­ளது. அதே­போன்று ஆட்­சி­யா­ளர்­கள் இந்த நாட்­டுக்கு, நாட்டு மக்­க­ளுக்­குத் தெரி­விக்­கா­த­தொரு விட­ய­மும் உள்­ளது. இவை இரண்­டுமே ஒன்­று­தான். அதா­வது, இந்த நாட்­டின் அரசு வங்­கு­ரோத்து நிலைக்கு உட்­பட்டு ள் ளது என்­பதே அது. நாட்­டின் பொரு­ளா­தா­ரம் வங்­கு­ரோத்து நிலைக்கு உட்­பட்­டா­கி­யுள்­ளது. நாட்­டின் சொத்­துக்­கள் என்று பெரி­தாக எத­னை­யும் கூறிக் கொள்­ளவோ, சுட்­டிக் காட்­டவோ இய­ல­வில்லை.

பொருள்­கள் மற்­றும் சேவை­கள், வர்த்­த­கம் வங்­கு­ரோத்து நிலை கண்­டுள்­ளன. நிதி வர்த்­தகச் சந்தை வங்­கு­ரோத்­துக்கு உட்­பட்­டுள்­ளது. அர­சி­யல், மக்­கள் நல­னோன்­புத் துறை­கள், கல்வி, சுகா­தா­ரம், போக்­கு­வ­ரத்து போன்ற மக்­கள் நலன் சார் துறை­கள், யாவும் வங்­கு­ரோத்­துக் கண்­டுள்­ளன.

ஜன­நா­ய­கம், நாடா­ளு­மன்­றம், மாகா­ண­ச­பை­கள் மற்­றும் உள்­ளூ­ராட்சி நிர்­வா­கம் என்று சகல துறை­சார் செயற்­பா­டு­க­ளும் வங்­கு­ரோத்து நிலை கண்­டுள்­ளன. இவை குறித்து நாட்டு மக்­கள் தெளி­வா­கத்தெரிந்து கொண்­டி­ருக்­க­வில்லை. ஆட்­சி­யா­ளர்­கள் இவை குறித்து நாட்டு மக்­க­ளுக்­குத் தெரி­யப்­ப­டுத்­து­வ­தும் கிடை­யாது.

அந்த விதம் நாட்டு மக்­க­ளுக்­குத் தெரி­வந்­தா­லும், ஆளும் தரப்­பி­னர் அனு­ப­விக்­கும் வசதி வாய்ப்­புக்­கள் குறித்து பிரச்­சினை பெரி­தாக எழ வாய்ப்பு ஏற்­ப­டாது. விமர்­ச­ னங் கள் எழு­மா­னால், அதனை மூடி மறைப்­ப­தற்­கான போர்­வை­யாக ஆட்­சி­யா­ளர்­க­ளால் பயன்­ப­டுத்­தப்­ப­டும் ‘‘நாம் நாட்டை அபி­வி­ருத்தி செய்து வரு­கி­றோம்’’ என்ற மேலாடை களை­யப்­பட்டு அரசு நிர்­வா­ணப்­ப­டுத்­தப்­பட நேரும்.

காலா­தி­கா­ல­மாக கூட்டு வர்த்­த­கத்­துக்­கும், கூட்டு அதி­கார அர­சி­ய­லுக்­கும் அடிப்­படை வச­தி­களை வழங்­கும் பன்­னாட்டு மற்­றும் தேசிய கூட்டு முத­லா­ளித்­து­வத்­தால் இந்த நாட்­டின் அரசு வங்­கு­ரோத்து அர­சாக ஆக்­கப்­பட்டு விட் டுள்­ளது.

இலங்­கையை அந்த நிலைக்கு உட்­ப­டுத்­திய இந்த நாட்டு ஆட்­சி­யா­ளர்­க­ளைப் பாராட்டி பன்­னாட்டு கூட்டு முத­லா­ளித்­து­ வத்­தின் உத­வி­யா­ளர்­க­ளான ஐக்­கிய இராச்­சி­யம், ஐரோப்­பிய ஒன்­றி­யம், ஐ.நா.சபை உலக வங்கி. உலக வர்த்­தக ஒன்­றி­யம். ஆசிய அபி­வி­ருத்தி வங்கி போன்ற பன்­னாட்டு நிறு­வ­னங்­க­ளும், இந்­தியா, சீனா போன்ற நாடு­க­ளும் இலங்­கைக்கு விரு­து­கள் வழங்­கி­யுள்­ளன.

எதிர்­கா­லத்­தி­லும் அது தொடர இட­முண்டு. உல­கி­லேயே சிறந்த அமைச்­சர்­கள் என்ற வகை­யில் இலங்­கை­யின் சகல அமைச்­சர்­க­ளுக்­கும் எதிர்­கா­லத்­தில் விரு­து­கள் வழங்­கப்­ப­டக்­கூ­டும்.

அதே­போன்று நாட்­டு­மக்­க­ளால் புறக்­க­ணிக்­கப்­பட்ட அர­சி­யல்­வா­தி­களை தேசி­யப் பட்­டி­யல் மூல­மாக நாடா­ளு­மன்­றத்­துக்­குக் கொண்டு வரு­வ­தா­லும், பெரும்­பான்மை உறுப்­பி­னர்­க­ளைக் கொண்ட எதி­ரணி இருந்த நிலை­யில் சிறு­பான்மை எதி­ர­ணித் தரப்­புக்­க­ளுக்கு எதிர்க்­கட்­சித் தலை­மைப் பத­வியை வழங்­கி­ய­தா­லும், எந்­த­வொரு தேர்­த­லை­
யும் நடத்­தா­மல் காலத்தை இழுத்­த­டித்­துச் செல்­லும் போக்­கா­லும் உல­கத்­தின் மூத்த ஜன­நா­யக அர­சுக்­கான விருது கூட இலங்கை அர­சுக்­குக் கிட்­டக் கூடும்.

போதிய அதி­கா­ரம் கைவ­ச­மி­ருந்­தும், இந்த அரசு வங்­கு­ரோத்­துக்கு உள்­ளா­கும்­வரை ஆகா­யத்தை அண்­ணாந்து பார்த்து மௌனம் காத்­த­தன் மூலம், அதற்கு உத­வி­ய­மைக்­காக சில அரச தலை­வர்­க­ளுக்­கும் சிறந்த அரச தலை­வர் என்ற விருது கிட்­டக்­கூ­டும்.

நாடு வங்­ரோத்து நிலை அடை­வது பெரி­ய­தொரு விபத்தே

எந்த வகை­யில் பார்த்­தா­லும், ஒரு இராச்­சி­யம் மற்­றும் அதன் அரசு வங்­கு­ரோத்து ஆவ­தென்­பது ஒரு நாடு முகம் கொடுக்­க­நே­ரும் பெரி­ய­தொரு விபத்தே. அத்­த­கை­ய­தொரு நாடு வெற்­றி­பெற்ற நாடாக மற்­றும் வெற்­றி­பெற்ற அர­சா­கத் தலை­யெ­டுக்க வேண்­டு­மா­னால், அதற்­குக் கடும் முயற்சி அவ­சி­ய­மா­கும்.

தற்­போது எமது நாட்­டுக்­குள்ள ஒரே­யொரு சாத­க­மான நிலைமை, இலங்கை இராச்­சி­ய­மும் அதன் அர­சும் வங்­கு­ரோத்து அடைந்­துள்­ள­போ­தி­லும், இ ந்த நாடு இது­வரை வங்­கு­ரோத்து அடை­யாது தொடர்ந்து இயங்­கு­த­லா­கும். நீர்­கொ­ழும்பு மீன­வர்­கள், ரது­பஸ்­வல பொது­மக்­கள், மீதோட்­ட­முல்ல பகு­தி­மக்­கள், லொத்­தர் சபை விநி­யோ­கஸ்­தர்­கள் போன்ற தரப்­பி­னர்­க­ளது எதிர்ப்­புக்­கள், பொது மக்­க­ளது அன்­றாட உண­வுப் பொருள்­க­ளது விலை­யேற்­றம்.

சைற்­றம் எதிர்ப்பு, பெற்­றோ­லிய ஊழி­யர்­கள் மற்றும் துறை­முக ஊழி­யர்­கள் எதிர்ப்பு போன்­ற­வற்­றின் மூலம் புலப்­ப­டும் உண்மை இந்த நாடு இன்­ன­மும் வங்­கு­ரோத்து அடை­ய­வில்லை என்­ப­தே­யா­கும்.

ஆனால் இத்­த­கைய எதிர்ப்­புக்­க­ளின்­போது நில­விய மற்­றும் நில­வும் முக்­கிய பின்­ன­டைவு என்­ன­வெ­னில், எதிர்ப்­பா­ ளர்­கள் தமது பிரச்­சி­னை­க­ ளுக்­கான தீர்­வைத் தாம் வங்­கு­ரோத்து நிலை அடைந்­துள்ள அர­சி­ட­மி­ருந்தே கோரு­கி­றோம் என்­ப­தைத் தெரிந்து கொள்­ளா­தி­ருப்­ப­தே­யா­கும்.

அதே­போன்று பல்­வேறு பிரி­வு­க­ளி­ லும் ஜன­நா­யக நடை­முறை வங்­கு­ரோத்­துக்கு உட்­பட்ட நிலை­யி­லுள்ள அர­சி­டமே தாம் தமது கோரிக்­கை­களை முன்­வைப்­பதை அவர்­கள் அறிந்­தி­ருக்­க­வில்லை. நாட்­டைப் பற்­றிப் பீடித்­துள்ள நோய்­க­ளுக்­கான சிகிச்­சையை அந்த நோய்­க­ளைக் காவும் அர­சு­க­ளி­ட­மி­ருந்து அல்­லது அர­சி­னால் கைய­கப்­ப­டுத்­தப்­பட்­டுள்ள அரச அதி­கா­ரம். அடக்கி ஒடுக்­கல் மற்­றும் நிர்­வா­கம் ஆகி­ய­வற்­றி­னூ­டாக மக்­கள் பெற­நேர்­கி­றது.

அது புரிந்­து­ணர்­வற்ற தன்­மை­யின் பலா­ப­ல­னா­கும். ஒரு புறம் அரச வளங்­கள் மற்­றும் அவற்­றைக் கைய­கப்­ப­டுத்­தி­யுள்ள அரசு நோய் நிவா­ர­ணி­யல்ல நோயின்­மூ­ல­கா­ர­ணமே அது­தான்.

ஆத­லால். நோய்க்­கான மருந்தோ. நிவா­ர­ணமோ கோரி கூப்­பா­டு­போ­டு ­வது எந்த வகை­யி­லா­வது பயன்­த­ர­வல்­லதா? ஆனால் உண்­மை­யில் அத்­த­கைய புரிந்­து­ணர்­வற்ற செயற்­பா­டு­களே முன்­னெ­டுக்­கப்­ப­டு­ கின்­றன.

நாட்­டின் வளங்­களை விற்­ப­னை­ செய்­வது, 99 வரு­டங்­க­ளுக்கோ அல்­லது 198 வரு­டங்­க­ளுக்கோ குத்­த­கைக்கு விடு­வது , மென்­மே­லும் கடன் பெறு­வது, ரூபா­யின் மதிப்­பைக் குறைத்­தல் அல்­லது வெளி­நாட்­டுப் பங்­குச்­சந்தை அரச நிறு­வ­னங்­க­ளது நிபந்­த­னை­க­ளுக்கு கீழ்ப்­ப­டி­வது, என்­பவை சில பகு­தி­க­ளா­கப் பார்க்­கப்­பட வேண்­டும்.

அர­சொன்று இத்­த­கைய முக்­கிய தீர்­மா­னங்­க­ளை­ மேற்­கொள்­வது ஒன்­றில் அரசை முன்­னெ­டுத்­துச் செல்ல இய­லாத அள­வுக்கு வங்­கு­ரோத்து நிலைக்கு உட்­ப­ட­நே­ரும் சந்­தர்ப்­பத்­தி­லேயே அல்­லது வெளி­நாட்­டுத் தரப்­புக்­க­ளால் அத்­த­கைய விதத்­தில் செயற்­ப­டு­மாறு அழுத்­தம் மேற்­கொள்­ளப்­ப­டு­வது அல்­லது அவ்­வி­தம் செயற்­ப­டா­விட்­டால் அரசை கவிழ்த்து விடு­வ­தான மிரட்­டல் விடப்­ப­டு­வ­தா­ லா­கும், அல்­லது அத்­த­கைய தீர்­மா­னங்­க­ளால் சம்­பந்­தப்­பட்ட தரப்­புக்­க­ளுக்கு பெரும் இலா­ப­மீட்­டும் வாய்ப்­புக் கிட்­டு­வ­தா­லும் அந்த நிலை ஏற்­ப­டக் கூடும்.

அத்­த­கைய விற்­ப­னை­யால் கையூட்டு அல்­லது பங்­குத்­தொகை பெறும் வழக்­கம் முத­லா­ளித்­துவ தரப்­புக்­கள் மத்­தி­யில் வழக்­கில் உண்டு.

எதிர்ப்­பா­ளர்­கள் மீது பாது­காப்­புப்­ப­டை­யி­னர் மூலம் பல தரப்­பட்ட எதிர் நட­வ­டிக்­கை­களை மேற்­கொள்­வது, எதிர்ப்­பா­ளர்­க­ளால் அரச சேவை­யா­ளர்­கள் தாக்­கு­தல்­க­ளுக்கு உள்­ளா­வது, எவர் எதிர்த்த போதி­லும் அரசு தான் தீர்­மா­னித்த விதத்­தி­லேயே செயற்­ப­டு­மென தேசி­யப்­பட்­டி­யல் மூலம் அமைச்­சுப்­ப­தவி பெற்­றுச் செயற்­ப­டும் அமைச்­சர்­கள் இறு­மாப்­பு­டன் தெரி­வித்­தல் அரச சட்­ட­திட்­டங்­க­ளுக்கு எதிர்ப்­புத் தெரி­விக்­கும் உரிமை நாட்டு மக்­க­ளுக்­குக் கிடை­யா­தென தெரி­வித்­தல் போன்­ற­வற்றை மேற் கூ­றப்­பட்ட பின்­ன­ணி­யின் அடிப்­ப­டை­யி­லேயே வைத்து நோக்க வேண்­டி­யுள்­ளது.
வங்­கு­ரோத்து அடைந்­துள்ள பின்­ன­ணி­யில் நாடு புரிந்து கொள்ள வேண்­டிய விட­ய­மொன்று உள்­ளது. நாட்டு மக்­க­ளது தேவை­க­ளைப் பூர்த்தி செய்­யும் இய­லுமை இன்று அர­சி­டம் இல்லை.

இத­னால் அரசு பின்­ன­டைவு நிலை கண்­டுள்­ளது. வெளி­நா­டு­க­ளது அச்­சு­றுத்­தல்­க­ளி­லி­ருந்து விடு­பட விரும்­பி­னா­லும், அந்­த­வி­தம் செயற்­ப­டும் வலிமை அர­சி­டம் இல்லை. அந்த இய­லா­மையை அரசு நாட்டு மக்­க­ளுக்­குக் காட்­டிக் கொள்­ள­வும் விரும்­பாது.

அந்த விதம் வங்­கு­ரோத்து நிலை­யி­லி­ருந்து நாட்டை விடு­விக்­கத்­தக்­க­தி­றன் கொண்ட அர­சி­யல்­வா­தி­கள் எவ­ரும் இன்­றைய நாடா­ளு­மன்­றத்­தில் இல்லை. ஏனைய அரச நிறு­வ­னங்­க­ளி­லேயோ, அரச சேவை­யா­ளர் மற்­றும் குடி­சார் சமூ­கத்­தின் மத்­தி­யிலோ அத்­த­கைய திறன் கொண்ட எவ­ரும் கிடை­யாது.

இத்­த­கைய வங்­கு­ரோத்து நிலை­யி­லி­ருந்து நாடு விடு­ப­ட­வேண்­டு­மா­னால் அதற்­கான உரிய செயற்­றிட்­டங்­கள் வகுக்­கப்­பட்டு, அவை முறைப்­படி முன்­னெ­டுக்­கப்­ப­டல் வேண்­டும். பழைய அனு­ப­வங்­க­ளி­லி­ருந்து நாம் பாடம் கற்­றுக் கொண்­டாக வேண்­டும். நாம் நினைப்­ப­தை­விட அர­சி­யல் பொரு­ளா­தா­ரம், மற்­றும் சமூக இயக்­கம் என்­பவை சிக்­கல்­கள் நிறைந்­தவை.

எனவே நியா­ய­மா­கச் சிந்­தித்து நாட்­டின் அர­சி­யல் செயற்­பா­டு­களை உரிய முறை­யில் திட்­ட­மிட்டு, உரி­ய­மு­றை­யில் நடை­மு­றைப்­ப­டுத்த வேண்­டி­யது அவ­சி­ய­மா­கும்.