மகிந்த ராஜ­பக்ச மூன்­றா­வது தட­வை­யும் அரச தலை­வர் தேர்­த­லில் போட்­டி­யிட முடி­யா­த­வாறு இந்த அர­சால் கொண்டு வரப்­பட்ட 19ஆவது திருத்­தச் சட்­டத்­துக்கு ஆத­ர­வ­ளித்­த­தன் மூலம் நாம் மகிந்­த­வுக்கு எதி­ராக மிகப் பெரிய பிழை­யைச் செய்­து­விட்­டோம். இவ்­வாறு மகிந்த அணி நாடா­ளு­மன்ற உறுப்­பி­னர் ஜானக வகும்­புர தெரி­வித்­துள்­ளார்.

இது தொடர்­பில் அவர் மேலும் தெரி­வித்­த­தா­வது:
மக்­க­ளின் ஜன­நா­யக உரி­மை­யைப் பெற்­றுக் கொடுப்­ப­தற்­காக உள்­ளூ­ராட்­சித் தேர்­தலை நடத்­து­மாறு கோரி நாம் நீதி­மன்­றம் சென்­றோம்.

உள்­ளூ­ராட்சி சபைத் தேர்­த­லில் அரச ஊழி­யர்­கள் போட்­டி­யிட வேண்­டு­மென்­றால் ஒரு வரு­டத்­துக்கு முன் தொழி­லில் இருந்து விலகி இருக்க வேண்­டும் என்­றொரு சட்­டத்தை அரசு கொண்டு வந்­துள்­ளது. இத­னால் இந்­தத் தடவை இடம்­பெ­றும் தேர்­த­லில் அவர்­க­ளால் போட்­டி­யிட முடி­யாது. இது அவர்­க­ளின் உரி­ மையை மீறும் செய­லா­கும்.

உள்­ளூ­ராட்­சிச் சபை­யின் முன்­னாள் உறுப்­பி­னர்­கள் 400பேர் இந்­தத் தடவை போட்­டி­யிட முடி­யாத நிலை ஏற்­பட்­டுள்­ளது. இவ்­வா­றா­ன­தொரு சட்­டம் கொண்டு­வ­ரப்­ப­டும் என்று ஏற்­க­னவே கூறி இருந்­தால் நாம் இதற்கு எதி­ராக நீதி­மன்­றம் சென்­றி­ருப்­போம்.

இப்­போது சட்­ட­வ­ரைவு நிறை­வேற்­றப்­பட்­டுள்ளதால் நீதி­மன்­றம் செல்ல முடி­யாது. தொகு­தி­வாரி முறை­யின் கீழ் நாடா­ளு­மன்­றத் தேர்­தலை நடத்­தக்­கூ­டிய வகை­யில் புதிய தேர்­தல் முறை­மை­யைக் கொண்டு வரு­வ­தாக அரச தலை­வர் எமக்கு வாக்­க­ளித்­த­தன் கார­ணத்­தா­லேயே நாம் 19ஆவது திருத்­தச் சட்­டத்­துக்கு வாக்­க­ளித்­தோம். 2015ஆம் ஆண்டு நாடா­ளு­மன்­றத் தேர்­தல் புதிய தேர்­தல் முறை­மை­யின் கீழ்த்­தான் நடத்­தப்­ப­டும் என்று அவர் கூறி­னார்.

ஆனால், அந்த வாக்­கு­றுதி இன்­னும் நிறை­வேற்­றப்­ப­ட­ வில்லை. அனைத்­துத் தேர்­தல்­க­ளை­யும் இந்த அரசு ஒத்­திப்­போட்­டுக் கொண்டே போகின்­றது. ஆனால், எமது ஆட்­சி­யில் அப்­படி நடந்­த­தில்லை.

மகிந்த ராஜ­பக்ச மூன்­றா­வது முறை­யும் அரச தலை­வர் தேர்­த­லில் போட்­டி­யிட முடி­யா­த­வாறு இந்த அர­சால் கொண்டு வரப்­பட்ட 19ஆவது திருத்­தச் சட்­டத்­துக்கு அரசு எம்மை ஆத­ர­வ­ளிக்­கச் செய்­தது.

அவ்­வாறு நாம் ஆத­ர­வ­ளித்­தமை எவ்­வ­ளவு பெரிய பிழை என்­பதை இப்­போது உணர்­கி­றோம். நாம் அதற்கு ஆத­ர­வ­ளிக்­கா­மல் இருந்­தி­ருக்க வேண்­டும் என்று இப்­போது உண­ரு­கி­றோம். நாம் மகிந்தவுக்குச் செய்த மிகப் பெரிய பிழை -– என்றார்.