மதம் மற்றும் மொழி ஆகி­ய­வற்றை அடிப்­ப­டை­யாக கொண்டு பாட­சா­லை­களை உரு­வாக்­கு­வதை நிறுத்த வேண்டும். காலா­வ­தி­யான அர­சி­யல்­வா­திகள் ஒதுங்­கிக்­கொண்டு இவ்­வா­றான புதிய சிந்­த­னைக­ளுக்­காக இளை­ஞர்­க­ளுக்கு வாய்ப்­புகள் அளிக்­கப்­பட வேண்டும் என தெரி­வித்த அமைச்சர் மனோ கணேசன், தமிழ் மற்றும் சிங்­கள சமூ­கத்தின் புரிந்­து­ணர்­விற்­காக தக­வல்­களை கொண்டு செல்ல கூடிய தபால் கார­ணமாக உள்ளேன் எனவும் அவர் குறிப்­பிட்டார். 

இலங்கை திரைப்­பட கூட்­டுத்­தா­ப­னத்தில் நேற்று வெள்ளிக்­கி­ழமை இடம்­பெற்ற நிகழ்வு ஒன்றில் கலந்­து­கொண்டு உரை­யாற்­றும்­போதே அமைச்சர் மனோ கணேசன் மேற்­கண்­ட­வாறு தெரி­வித்தார். அவர் தொடர்ந்தும் கூறு­கையில், 

மொழி உரிமை இல்லை என்றால் எந்­த­ளவு பிரச்­சி­னைகள் ஏற்­படும் என்­பது அனை­வ­ருக்கும் தெரியும். அதனை பிர­தி­ப­லிக்கும் வகையில் இன்று வெளியி­டப்­பட்ட கைய­டக்க தொலை­பே­சியில் எடுக்­கப்­பட்ட குறுந் திரைப்­ப­டங்­களில் காணக்­கூ­டி­ய­தாக இருந்­தது. இவற்றை தொடர அனு­ம­திக்க இய­லாது. மதம் மற்றும் மொழி ஆகி­ய­வற்றை அடிப்­ப­டை­யாக கொண்டு பாட­சா­லை­களை உரு­வாக்­கு­வதை நிறுத்த வேண்டும். அவ்­வாறு செய்ய விட்டால் ஒரு நாளும் இலங்­கையை  திருத்த முடி­யாது. 

தேசிய கீதம் விவ­கா­ரத்தில் கூட 1948 ஆம் ஆண்டு சுதந்­திரம் பெற்ற போது இரண்டு மொழி­க­ளிலும் தேசிய கீதம் இசைக்­கப்­பட்­டது. ஆனால் அதன்­பின்னர் தமிழில் இசைக்­கப்­ப­ட­வில்லை. மீண்டும் தமிழில் தேசிய கீதத்தை இசைப்­ப­தற்கு எமக்கு 70 ஆண்­டுகள் சென்­றுள்­ளன. இதுவே மாற்றம். தாய்­மொ­ழியில் தேசிய கீதத்தை இசைக்­கும்­போது உணர்வு பூர்­வ­மாக அனு­ப­வித்து இசைக்க முடி­கின்­றது. 

புரி­யாத மொழியில் பாடு­வதால் எவ்­வி­த­மான பலனும் இல்லை. வடக்­கிலும் தெற்­கிலும் அடிப்­படை வாதிகள் உள்­ளனர். அதி­கா­ரத்தை கைப்­பற்­று­வ­தற்­காக பல்­வேறு முயற்­சி­களை மேற்­கொள்­கின்­றனர். அவற்­றுக்கு வாய்ப்­ப­ளிக்க முடி­யாது. நான் இந்­நாட்டில் ஜனா­தி­ப­தி­யாக போவ­தில்லை. பிர­த­மா­ரா­கு­வதும் இல்லை. அமைச்­ச­ராக தொடர்ந்து இருக்­கப்­போ­வதும் இல்லை. 

காலா­வ­தி­யான அர­சி­யல்­வா­திகள் ஒதுங்­கிக்­கொள்ள வேண்டும். வடக்கு மற்றும் தெற்கில் இந்த பிரச்­சினை உள்­ளது. இளை­ஞர்­க­ளுக்கு வாய்ப்­புகள் அளிக்­கப்­பட வேண்டும். அப்­போது தான் புதிய சிந்­த­னைகள் பிறக்கும். பழ­மை­யான மர­புகள் மற்றும் சம்­பி­ர­தா­யங்­களில் இருந்து வெளியில் வர­வேண்டும். தமிழ் மக்­க­ளுக்­குள்ள பிரச்­சி­னைகள் என்ன என்­பது எனக்கு நன்கு தெரியும். அதே­போன்று இந்த விடயத்தில் சிங்கள மக்களுக்குள்ள சந்தேகங்களும் எனக்கு தெரியும். எனவே இந்த இரண்டு சமூகங்களுக்கும் தகவல்களை கொண்டு செல்லக்கூடிய தபால் காரனாக நான் உள்ளேன். இரு தரப்பையும் இணைக்கும் பாலமாகவும் உள்ளேன் என தெரிவித்தார்.