இலங்கைத் தமி­ழர்­களும் தேசிய நல்­லி­ணக்­கத்தின் கட்­டாயத்தேவையும்

இலங்கைத் தமி­ழர்­களும் தேசிய நல்­லி­ணக்­கத்தின் கட்­டாயத்தேவையும்

மூன்று வரு­டங்­க­ளுக்கு முன்னர் 2015இல்­ ஜன­நா­யக விழு­மி­யங்­க­ளையும் நிறு­வ­னங்­க­ளையும் மீள­மைத்து வலு­வூட்­டு­வ­தற்­கா­க­வும்­ சட்ட ஆட்­சியை ஸ்தாபிப்­ப­தற்­கா­க­வும்­ ஊழலை ஒழிப்­ப­தற்­கா­கவும் மற்றும் தேசிய ஒற்­று­மையை மேம்­ப­டுத்தும் வகையில் புதிய அர­சி­ய­ல­மைப்பு ஒன்றை உரு­வாக்­கு­வ­தற்­கு­மான மக்கள் ஆணையைப் பெற்று ஜனா­தி­பதி மைத்­தி­ரி­பால சிறி­சேன அவர்கள் நிறை­வேற்று ஜனா­தி­ப­தி­யாகத் தெரிவு செய்­யப்­பட்டார்.

 குடி­மக்கள் சமூ­கத்தைப் பிர­தி­நி­தித்­து­வப்­ப­டுத்தும் அமைப்­புக்­க­ளி­னாலும் மற்றும் பல அர­சியல் கட்­சி­க­ளி­னாலும் அடை­யாளம் காணப்­பட்ட குறிக்­கோள்­களை அடை­யும்­பொ­ருட்டு தேசிய அர­சொன்றை உரு­வாக்­கு­வ­தற்­கா­க­வும்­ நிறை­வேற்று ஜனா­தி­பதி முறை­மையை முடி­வுக்குக் கொண்டு வரு­வ­தற்­கா­கவும் ஜனா­தி­பதியும் தனது பங்­கிற்கு உத்­த­ர­வாதம் வழங்­கி­யி­ருந்தார். 2015 தேர்­தலில் ஒரு புது­மை­யான விடயம் என்­ன­வென்­றால்­ ஜனா­தி­பதி வேட்­பாளர் ஒருவர் இனம்,­ மத,­ பிராந்­திய உணர்வு மற்றும் அர­சியல் கட்சிப் பிரி­வுகள் போன்ற சகல தடை­க­ளையும் தாண்டி வெற்­றி­பெற்­ற­மை­யாகும். நாட்டின் இரண்டு பிர­தான அர­சியல் கட்சித் தலை­வர்­க­ளி­னாலும் வழி­ந­டத்­தப்­பட்ட தேசிய அர­சாங்கம் அதன் முத­லாண்டு காலப்­ப­கு­தியில் ஜனா­தி­ப­தியின் ஆட்சிக் காலத்தை ஐந்து ஆண்­டு­க­ளுக்கு மட்­டுப்­படுத்­த­வும்­ பொலிஸ் சேவை ஆணைக்­குழு மற்றும் நீதிச்­சே­வைகள் ஆணைக்­குழு ஆகிய இரண்டு சுதந்­திர ஆணைக்­கு­ழுக்­களை அமைப்­ப­தற்­கு­மான சட்­டத்­தினை அங்­கீ­க­ரித்­தது. இந்தச் செயற்­பா­டுகள் முன்­னைய ஜனா­தி­ப­தி­களின் காலத்தில் பிர­தம மந்­திரி பாரா­ளு­மன்­றத்தில் எதிர்க்­கட்சித் தலை­வ­ராக இருந்­த­போது நடத்­திய போராட்­டங்­களின் விளை­வாகும். இந்த விட­யங்கள் தொடர்­பான சட்டம் ஆக்­கப்­பட்­ட­மை­யா­னது இந்த நாட்டின் ஜன­நா­யக அர­சாங்­கத்தை உரு­வாக்­கு­வதில் முக்­கிய மைல் கல்­லாகும். அதி­கார துஷ்பிர­யோ­கத்தைக் கட்­டுப்­ப­டுத்­த­வும்­ ஊழலை ஒழிப்­ப­தற்­கும்­ எல்­லா­வற்­றிற்கும் மேலாக சட்­டத்தின் ஆட்­சியின் மீயுயர் நிலையை உறு­திப்­ப­டுத்­தவும் அத்­துடன் தொழில் வாய்ப்­புக்­களை உரு­வாக்­க­வும்­ வாழ்க்கைத் தரத்தை உயர்த்தக் கூடி­ய­து­மான நெகிழ்­திறன் கொண்ட பொரு­ளா­தா­ரத்­து­ட­னான நவீன ஜன­நா­ய­கத்தை இலங்­கையில் மீளு­ரு­வாக்கம் செய்­வ­தற்­கான அடித்­த­ளத்தை இடு­வ­தற்கும் இக்­கரு­விகள் மிகவும் அவ­சி­ய­மா­ன­வை­யாகும். அதி­கா­ரத்­தி­லுள்ள தேசிய அர­சாங்கம் இன,­ மத,­ பிராந்­திய தடை­களைத் தாண்டித் தேசிய அடை­யாள உணர்வை விருத்தி செய்­வ­தற்­கான தனது உறு­தி­மொ­ழியைச் செயற்­ப­டுத்­தி­யுள்­ளது. அதே­வே­ளை ­­வ­ர­லாற்று மற்றும் குடிப்­ப­ரம்பல் ரீதி­யான யதார்த்த நிலை­யான இலங்கைச் சமூ­கத்தின் பன்­முகத் தன்­மை­யையும் உறு­திப்­ப­டுத்­தி­யுள்­ளது. அது­­ பா­ரா­ளு­மன்­றத்தை அர­சி­ய­ல­மைப்புச் சபை­யாக மாற்­றி­ய­மைத்து தேசிய இணக்­கத்தின் அடிப்­ப­டையில் அர­சி­ய­ல­மைப்­பொன்றை உரு­வாக்கும் செயல்­மு­றையை ஆரம்­பித்­துள்­ளது. எல்லாச் சிறு­பான்மைக் கட்­சி­களும் குறிப்­பா­க­ இலங்கைத் தமிழ்­மக்­களைப் பிர­தி­நி­தித்­து­வப்­ப­டுத்தும் கட்­சிகள் அர­சி­ய­ல­மைப்புச் சட்­ட­வாக்கச் செயற்­பா­டு­களில் பங்­க­ளிப்புச் செய்து வரு­கின்­றன. இலங்கைத் தமிழ்­மக்­களைப் பிர­தி­நி­தித்­துவம் செய்யும் கட்­சி­க­ளாக தமிழ்த் தேசியக் கூட்­ட­மைப்பு மற்றும் மக்கள் ஜன­நா­யக முன்­னணி ஆகி­யன உள்­ளன. அத்­தோ­டு­ அர­சாங்கம் தேசிய நல்­லி­ணக்கச் செயற்­திட்டம் ஒன்­றையும் ஆரம்­பித்­துள்­ளது. இது கடு­மை­யான போர் நடை­பெற்ற காலப்­ப­கு­தியில் ஜனா­தி­பதி சந்­தி­ரிகா குமா­ர­துங்க அவர்­களின் நேரடி வழி­காட்­டலின் கீழ் உரு­வாக்­கப்­பட்டு நடை­மு­றைப்­ப­டுத்­தப்­பட்ட சுது நெலும் (வெண்­தா­மரை) இயக்­கத்தை நினை­வூட்­டு­வ­தாக உள்­ளது. இந்த இயக்கம் போரை முடி­வுக்குக் கொண்டு வரு­வ­தற்­காக தேசியப் பிரச்­சி­னைக்கு அர­சியல் தீர்வு காண்­ப­தற்­கான முயற்­சிக்குப் பெரும்­பான்மைச் சிங்­கள மக்­களின் ஆத­ரவைத் திரட்­டு­வதில் சிறப்­பான வெற்­றியைக் கண்­டது.

இந்தத் தரு­ணத்­தில்­ டொனமூர் ஆணைக்­குழு நாட்­களில் இருந்து இலங்கைத் தமி­ழர்­களின் அர­சியல் தொடர்­பாக பின்­நோக்கிப் பார்­வையைச் செலுத்­து­வது பொருத்­த­மா­ன­தாகும். அந்த நாள் வரை­யிலும் மற்றும் இரண்­டா­யிரம் ஆண்­டு­கால உள்­நாட்டு முடி­யாட்சிக் காலத்­திலும் தீவில் வாழ்ந்த சிங்­கள மற்றும் தமிழ் மக்­க­ளி­டை­யே­யான உறவு இணைந்து வாழ்­தல்­, நல்­லி­ணக்கம் மற்றும் பங்­கு­டமை அடிப்­ப­டையில் இருந்­துள்­ள­தா­க­ இந்த நாட்டின் எல்லா மொழி­க­ளி­லு­முள்ள தொல்­லியல் மற்றும் வர­லாற்றுக் கூற்­றுக்­களில் இருந்து பெறப்­பட்ட சான்­றா­தா­ரங்­க­ளுடன் உறு­திப்­ப­டுத்­தப்­பட்­டுள்­ளன. முற்­கால வர­லாற்று மர­பு­களில் தமிழர் எதிர் உணர்­வுகள் அந்­நி­ய­மா­ன­வை­யாக இருந்­த­தாக தீப­வம்சம் மற்றும் மகா­வம்சம் என்ற இரண்டு பாளி மொழி­யி­லான வர­லாற்றுக் குறிப்­புக்­களைக் கவ­ன­மாகப் பரி­சீ­லித்­த­போது காணக்­கூ­டி­ய­தாக இருந்­தது. ஆக்­கி­ர­மிப்­பா­ள­னாகக் கரு­தப்­பட்ட எல்­லா­ள­னுக்கு எதி­ராக தித்­த­கா­மினி அபய என்­ப­வனால் மேற்­கொள்­ளப்­பட்ட போர்­ சிங்­கள – தமிழர் மோத­லாக இந்த வர­லாற்றுக் குறிப்­புக்­களில் குறிப்­பி­டப்­ப­ட­வில்லை.

 இது ஓர் இன மோத­லாகப் பார்க்­கப்­ப­டு­கின்ற மன உணர்­வு­ 19ஆம் நூற்­றாண்டில் ஆரம்­பித்த நவீன வர­லாற்றுப் பதிவுக் குறிப்­புக்­களில் உள்ள தவ­றாகும். ஹன்டி பேரின்­ப­நா­யகம் தலை­மையின் கீழ் செயற்­பட்ட யாழ்ப்­பாண இளைஞர் காங்­கி­ரஸின் தூண்­டு­த­லின்­படி அரச சபைக்­காக நடை­பெற்ற முத­லா­வது தேர்­தலை வடக்குத் தமிழ் மக்கள் புறக்­க­ணித்­தமை ஒரு பேரி­ட­ரா­கவே அமைந்­தி­ருந்­தது. குடி­யேற்ற நாட்­டுக்­கான முழு­மை­யான சுதந்­தி­ரம்­ டொனமூர் ஆணைக்­கு­ழு­வினால் சிபார்சு செய்­யப்­ப­ட­வில்லை என்ற அடிப்­ப­டை­யி­லேயே இந்தப் புறக்­க­ணிப்பு இருந்­தது.

இலங்கைத் தேசிய காங்­கிரஸ் கூட டொமி­னியன் அந்­தஸ்­துக்­கான விரை­வான முன்­னேற்­றத்தைக் கோர­வில்லை. சில காலங்­க­ளுக்குக் கால­னித்­துவ அர­சாங்கம் அன்­னி­யப்­ப­டுத்­தப்­பட்­ட­தோ­டு­ குறித்த புறக்­க­ணிப்­பானது இரண்டு சமூ­கங்­க­ளுக்­கு­மி­டை­யி­லான இன­வாத அர­சி­யலின் ஆரம்­பத்­திற்­கான அடித்­த­ளத்தைத் தயா­ரித்­தி­ருந்­தது. குறிப்­பிட்ட இளைஞர் காங்­கிரஸ் தலைமை சிந்­த­னை­வா­தியே தவிர அர­சி­யலில் அனு­ப­வ­மற்­றி­ருந்­தது. இந்­திய தேசிய சுதந்­திர இயக்­கத்தின் செயற்­பா­டு­களால் அவர்கள் கவ­ரப்­பட்­டி­ருந்­தார்கள். சுதந்­திர இந்­தியா மொழி மாநி­லங்­களின் ஒன்­றி­ய­மா­கவே இருக்கும் என்று மகாத்மா காந்தி செய்த பிர­க­ட­னத்தின் முக்­கிய அம்­சத்தை அவர்கள் கவ­னிக்கத் தவ­றி­யி­ருந்­தனர். இந்­திய அர­சி­ய­ல­மைப்பில் உள்ள இத்­த­கைய முறை­மைக்­கான ஏற்­பா­டுகள் பிரி­வி­னைக்­கான வாய்ப்­புக்­களைத் தவிர்த்­த­தோ­டு­ ஒப்­பிட முடி­யாத அளவில் பாரிய வேறு­பா­டு­களைக் கொண்ட ஒரு நாட்டின் வலு­வான அடை­யா­ளத்தை முன்­னேற்­ற­வும்­ இந்­தியன் என்ற அடை­யா­ளத்தைப் புரிந்­து­கொள்­ளவும் கூடி­யதாய் இருந்­தமை நவீன அர­சி­யலில் குறிப்­பி­டத்­தக்க முன்­னேற்­ற­மாகும்.

1947இல் உரு­வாக்­கப்­பட்ட பாகிஸ்தான் அர­சு­ அதன் ஆரம்­ப­கர்த்­தா­வான மொகமட் அலி ஜின்னா மொழி­சார்ந்த பிரச்­சினை தொடர்­பாகக் கொண்­டி­ருந்த நெகிழ்ச்­சி­யற்ற நிலைப்­பாட்டின் கார­ண­மா­கவே உரு­வா­கி­யது. பாகிஸ்­தானின் மொழி உரு­து­வா­கவே இருக்­கு­மென்­றும்­ வேறு­வி­த­மாகச் சிந்­திக்கும் எந்த நபரும் பாகிஸ்­தானின் எதி­ரியே எனவும் அவர் கூறினார். கவர்ச்­சியும் உணர்­வு­பூர்­வ­மான சிந்­த­னையும் கொண்ட சேய்க் முஜிபுர் ரஹ்மான் வேறு வித­மாகச் சிந்­தித்­த­மை­யினால் 1947இல் ஆரம்­பிக்­கப்­பட்ட பாகிஸ்தான் 1970 இன் பின்னர் அவ்­வா­றி­ருக்­க­வில்லை. இலங்கை இன உறவில் ஏற்­பட்ட முன்­னேற்ற மாதி­ரிகள் அயல் உப கண்­டத்தில் ஏற்­பட்ட மாதி­ரி­களைப் போன்று இருக்­க­வில்லை.

எஸ்.டபிள்யு.ஆர்.டி.பண்­டா­ர­நா­யக்­க­, ஜே.ஆர்.ஜெய­வர்த்­தன மற்றும் எஸ்.ஜே.வி. செல்­வ­நா­யகம் ஆகிய இந்த நாட்டின் மூன்று தலை­வர்­களும் இன உறவில் மேலா­திக்கப் பங்­க­ளிப்பைச் செய்­த­வர்­க­ளாவர். அவர்கள் தாராள ஜன­நா­ய­க­வா­தி­க­ளாகத் தீர்க்­க­த­ரி­ச­ன­மா­கவும் நடு­நி­லை­யா­கவும் நெகிழ்ச்சித் தன்­மை­யான பண்­பு­க­ளோடு இனப்­பி­ரச்­சி­னையை நோக்­கி­னார்கள். அவர்கள் எல்­லோரும் இலங்கைச் சமூகம் பன்­மு­கத்­தன்மை கொண்­ட­தென்ற யதார்த்­தத்தை ஏற்­றி­ருந்­தனர். தாரா­ள­வாத ஜன­நா­யக மரபில் கல்­வி­ய­றிவு பெற்ற அவர்கள் ஜன­நா­யக அடிப்­ப­டை­யி­லான அர­சாங்­கத்தில் உறு­தி­யான நிலைப்­பாட்டைக் கொண்­டி­ருந்­தனர். ஆயி­னும்­­நி­றை­வேற்று ஜனா­தி­பதி முறை­மை­ ஜே.ஆர்.ஜெய­வர்த்­த­னவின் ஒரு புறம்­பான எண்­ணக்­க­ரு­வாகும். பல தசாப்­தங்­க­ளுக்கு முன்பே அவர்கள் மறைந்­து­விட்­டா­லும்­ இன நல்­லி­ணக்­கத்தை அடை­வ­தற்­கான அணு­கு­முறை சார்ந்த விட­யங்கள் மற்றும் குறிப்­பாக இலங்கைச் சிங்­கள தமிழ் மக்­க­ளி­டையே முற்­கா­லத்தில் காணப்­பட்ட இணைந்த வாழ்­வு­ நல்­லி­ணக்கம் என்­ப­ன­வற்றை மீள ஏற்­ப­டுத்­து­வதில் அவர்­களின் வகி­பா­கத்தை பின்­நோக்­கியும் நடு­நி­லை­யா­கவும் பார்க்க வேண்­டிய அவ­சியம் ஏற்­பட்­டுள்­ளது. அவர்­களின் செயல்­ முரண்­பாட்டின் அடிப்­படைப் பிரச்­சி­னை­க­ளுக்­கு­தீர்வு காண்­ப­தற்­கான அடித்­த­ளத்தை இட்­டி­ருந்­தது. 20ஆம் நூற்­றாண்டின் சிங்­களத் தேசியத் தலை­வர்­களுள் எஸ்.டபிள்யு.ஆர்.டி.பண்­டா­ர­நா­யக்கா பகுத்­த­றிவுச் சிந்­தனை கொண்ட ஒரு­வ­ராக இருந்­துள்ளார். அவரின் அர­சியல் ஆரம்ப வரு­டங்­க­ளில்­ உயர்­நி­லையில் மத்­தி­ய­ம­யப்­ப­டுத்­தப்­பட்ட அர­சாங்கம் இந்த நாட்டுப் பாரம்­ப­ரி­யங்­க­ளுக்குப் பொருத்­த­மற்­ற­தென்­பதை அவர் கண்­ட­றிந்­தி­ருந்தார். மேலும்­1944இல் ஜே.ஆர்.ஜெய­வர்த்­தனவால் முன்­மொ­ழி­யப்­பட்ட உத்­தி­யோக மொழி தொடர்­பான திருத்­த­மொன்­றிற்­கான தனது ஆத­ர­வையும் வழங்­கி­யி­ருந்தார். இந்த நாட்டின் உத்­தி­யோக மொழி­யாக சிங்­க­ளமும் தமிழும் இருக்க வேண்­டு­மென்ற அந்தத் திருத்தம் ஆர்.நல்­லையாவால் முன்­மொ­ழி­யப்­பட்­ட­போ­து­ பண்­டா­ர­நா­யக்காவின் ஆத­ர­வுடன் அது அரச சபையில் ஏக­ம­ன­தாக நிறை­வேற்­றப்­பட்­டது. சுதந்­தி­ரத்­திற்குப் பின்பு இந்த நாட்டு அர­சாங்­கத்­தினால் இலங்கைத் தமி­ழர்கள் பாகு­பாட்­டுக்­கோ­ அழுத்­தங்­க­ளுக்கோ உட்­ப­டுத்­தப்­பட மாட்­டார்கள் என்ற உத்­த­ர­வா­தத்தை வழங்கும் வகையில் உரு­வாக்­கப்­பட்ட சட்­ட­வாக்­க­மா­கவே இது பார்க்­கப்­ப­டு­கின்­றது. தமி­ழர்கள் ஆரம்ப காலந்­தொட்டு அதிக எண்­ணிக்­கையில் வாழும் இரண்டு மாகா­ணங்­களை ஒன்­றி­ணைக்­கப்­ப­டு­வதன் மூலம் உரு­வாக்­கப்­படும் ஓர் அல­கி­னையும் உட்­ப­டுத்­திய மூன்று அல­கு­களைக் கொண்ட சமஷ்டி அர­சி­ய­ல­மைப்­பொன்றைச் செய்ய வேண்­டு­மென அப்­போது கண்­டி­யர்­களால் முன்­வைக்­கப்­பட்ட பிரே­ர­ணையால் அவர்கள் கவ­ரப்­பட்­ட­மைக்­கான முக்­கிய காரணம் இது­வே­யாகும். அப்­போது கண்­டி­யர்­களின் கோரிக்­கைக்கு உரி­ய­வாறு செயற்­ப­டாமல் விட்­டமை பாரிய தவ­றா­கவே பிற்­கா­லத்தில் நிகழ்ந்த நிகழ்­வுகள் நிரூ­­பித்­தன.

ஜி.ஜி.பொன்­னம்­பலத்தினால் முன்­வைக்­கப்­பட்ட ஐம்­ப­துக்கு ஐம்­பது கோரிக்­கை­யா­ன­து­ பகுத்­த­றி­வற்­ற­தா­க­வும்­ ஜன­நா­யக விரோ­த­மா­ன­தா­க­வும்­ ஆத்­தி­ர­மூட்­டு­வ­தா­கவும் அமைந்­தி­ருந்­தது. சட்­ட­வாக்க சபையில் பிர­தி­நி­தித்­துவ விட­யங்­களில் ஒரு சமூகம் தமது ஆட்­புல மற்றும் குடிப்­ப­ரம்பல் அடிப்­ப­டையில் அதற்குக் கிடைக்க வேண்­டிய ஆசன எண்­ணிக்­கையைப் பெறு­வதைத் தடுக்க முடி­யாது. அதனால் இந்தக் கோரிக்­கையைச் சோல்­பரி ஆணைக்­கு­ழு­வா­னது இயல்­பா­கவே நிரா­க­ரித்­தது. காங்­கிரஸ் தலைவர் தனது சொல்­லாட்­சி­யினால் தனது பார்­வை­யா­ளர்­களை இயக்­கித்­தன்னைப் பின்­பற்ற வைத்­தாரே தவி­ர­ சர்­வ­தேச ரீதி­யாக ஏற்­றுக்­கொள்­ளப்­பட்ட விதி­மு­றை­க­ளோடும் செயன்­மு­றை­க­ளோடும் இணைந்து செல்­லக்­கூ­டிய பிரே­ர­ணை­களை உரு­வாக்கும் செயற்­றிறன் அவ­ரிடம் இருக்­க­வில்லை. அவ­ரு­டைய தலை­மை­யா­னது உயர்ந்த அள­வான தோல்­வி­யையே நிரூ­­பித்துக் காட்­டி­யது. அவரின் செயல்­களால் பெரிய வாய்ப்பு ஒன்று இழக்­கப்­பட்­ட­தோ­டு­ அதன் பின்­பு­ அதிக அளவில் மத்­தி­ய­ம­யப்­பட்ட அர­சியல் முறை­மை­யி­னா­லும்­ பெரும்­பான்மை மேலா­திக்க அர­சி­ய­ல­மைப்பின் கார­ண­மா­கவும் மிகக் குறைந்த அள­வா­ன­வற்­றையே செய்ய முடிந்­தது. 1956 ஆம் ஆண்டு பாரா­ளு­மன்­றத்­தினால் ஆக்­கப்­பட்ட சட்­ட­மொன்­றின்­படி இலங்­கையின் உத்­தி­யோக தனி மொழி­யாக சிங்­களம் ஆக்­கப்­பட்­ட­தோ­டு­ உத்­தி­யோக மொழி தொடர்­பாக அரச சபையில் முன்னர் நிறை­வேற்­றப்­பட்ட தீர்­மானம் செய­லி­ழக்கச் செய்­யப்­பட்­டது. இந்­த­வே­ளையில் எஸ்.ஜே.வி.செல்­வ­நா­யகம் இலங்கைத் தமி­ழர்­களின் தலை­வ­ராக மேலெ­ழுந்­த­தோ­டு­ அந்த நேரத்­தி­லி­ருந்து அவ­ரது கட்சி தமிழ் அர­சி­யலில் மேலா­திக்கம் பெற்­றி­ருந்­தது. ஏற்­கெ­னவே குறிப்­பிட்­டுள்­ள­ப­டி­ இந்த நாட்டில் சமஷ்­டியை ஆத­ரித்­த­வர்­களில் அவர் முத­லா­னவர் அல்ல. அர­சாங்­கத்தின் பாகு­பா­டான கொள்­கை­க­ளுக்கு தமிழ் மக்­களின் எதிர்ப்பைக் காட்­டு­வ­தற்­கா­கவே அவ­ரு­டைய காலம் முழு­வதும் அவர் செயற்­பட்டார். அவ­ரிடம் பேச்­சாற்றல் திறமை இருக்­க­வில்லை. அவர் சுருக்­க­மா­கவே தனது கருத்­துக்­களைத் தெரி­விக்­கும்­போது பாரா­ளு­மன்­றிலும் மற்றும் தேர்தல் கூட்­டங்­க­ளிலும் மிக அமை­தி­யாகப் பார்­வை­யா­ளர்கள் அவ­ரது பேச்சை உன்­னிப்­பாகச் செவி­ம­டுப்­பார்கள். அவர் எல்லா இடங்­க­ளிலும் ஒரே விட­யத்­தையே பேசினார். அவரின் பின்பு வந்த இரண்டு பரம்­ப­ரை­யினர் அவர் கொண்­டி­ருந்த அர­சியல் கொள்­கைகள் மற்­றும் ­நிலைப்­பா­டுகள் பற்­றிய தெளிவற்ற நிலை­யி­லேயே இருந்­தனர். நாடு இரண்­டாகப் பிரிக்­கப்­ப­டு­வ­தற்கு அவர் எதி­ரா­ன­வ­ரா­கவே இருந்தார் என்­பது கவ­னத்திற் கொள்­ளப்­பட வேண்டும். 65 வரு­டங்­க­ளுக்கு முன்பு அவர் என்ன கூறினார் என்­பது தற்­போ­தைய ஆசி­ரி­ய­ருக்குத் தெளிவாக நினைவில் உள்­ளது. பார்­வை­யா­ளர்கள் சிலர் எழுப்­பிய கேள்­வி­க­ளுக்குப் பதி­லாக அவர் கூறி­ய­தா­வது தமிழ் மக்­களின் உரி­மை­களைப் போலவே நாட்டின் ஒரு­மைப்­பாடும் முக்­கி­யத்­துவம் வாய்ந்­தது என்­பதே. தமிழ்­மக்­களின் பிரச்­சி­னை­க­ளுக்­கான அவ­ரு­டைய அணு­கு­மு­றை­யா­னது நிதானப் போக்­கு­டை­ய­தா­கவே இருந்­தது. முக்­கிய பிரச்­சி­னை­க­ளுக்கு கட்டங்­கட்­ட­மான தீர்வே எதிர்­பார்ப்­பாக இருந்­தது. பண்டா – செல்வா ஒப்­பந்தம் கைவி­டப்­பட்ட பின்­ன­ரும்­கூட எஸ்.டபிள்யு.ஆர்.டி.பண்­டா­ர­நா­யக்கா மீது அவர் மென்­மை­யான கருத்­தையே கொண்­டி­ருந்தார்.

(தொடரும்)