வெள்ளைவான் கடத்தலும் நிதர்சனத்தின் தேடலும் - பாகம் 03

ஜ வியாழக்கிழமைஇ 22 மார்ச் 2007 ஸ ஜ யோகராஜன் ஸ

கொழும்பில் வெள்ளைவான் பொலிஸ் குழுவினர் எப்படி பணத்திற்கு மட்டும் கடத்துகிறார்கள் என்பதை இன்றய பாகம் மூன்றில் தருகின்றோம். கொழும்பில் அனைத்து தமிழ் ஒட்டுக் குழு உறுப்பினர்களுக்கும் இலங்கை அரச புலனாய்வு பிரிவு ஒரு மொபிட்டல் தொலைபேசி வசதியினை செய்து கொடுத்துள்ளது. அந்த மொபிட்டல் தொலைபேசியில் குறித்த தொலைபேசியை பெற்றுக் கொடுத்தவர் அடிக்கடி தொடர்புகொண்டு தகவல்களைப் பெற்றுக்கொண்டு இருப்பார். இத்தகைய தமிழ்க் குழு உறுப்பினர்களிடம் புதிதாகக் கொழும்புக்கு வரும் தமிழ் அப்பாவி இழைஞர்களின் பட்டியலும் முகவரியும் கொடுக்கபடுகின்றது. தமிழ் குழுக்களின் தகவல் தேடும் கும்பல் கொழும்பில் தங்குமிட விடுதிகள் உட்;பட அனைத்து பகுதியினையும் தேடுதல் நடாத்திக் குறித்த இளைஞர்களின் தகவல் மற்றும் பணம் தொடர்பான பின்புலன்களை விசாரித்து அறிந்துகொள்கின்றனர். இதன்பின்னர் தமது வெள்ளைவான் குழுவை சேர்ந்த பொலிஸ் குழுவிடம் இவர்கள் தகவல் வழங்குகின்றனர். வேள்ளைவான் குழுவினரும் குறித்த தமிழ் இளைஞர்கள் யுவதிகள் தங்கி இருக்கும் வீடுகளுக்குச் சென்று இளைஞர் யுவதிகளை கைது செய்கின்றனர். அல்லது அவர்களின் கடவுச் சீட்டு, அடையாள அட்டையைப் பறித்துச் செல்வதுடன் குறித்த பொலிஸ் நிலையத்தில்; குறித்த பிரிவில் குறித்த நேரம் ஒன்றில் வந்து சரண் அடையுமாறு உத்தரவிடுகின்றனர். சந்தர்ப்பம் சூழ்நிலையைப் பொறுத்து பொலிஸ் குழுவினர் குறித்த பெண்ணை அல்லது ஆணைக் கடத்துவதா அல்லது தமது இடத்திற்கு வரச்சொல்வதா என்பதைத் தீர்மானிப்பர். அடுத்த கட்டமாக கடத்தப்பட்டவர் கடத்தப்பட்;ட பின்னர் அல்லது பொலிஸ் நிலையத்திற்கு அழைத்துக் கைது செய்த பின்னர் குறித்த இளைஞன் அல்லது யுவதி தங்கி இருக்கும் வீட்டுக்கு தமிழ்க் குழுவின் உறுப்பினர்கள் அல்லது குறித்த கடத்தலைச் செய்த உளவுப்பிரிவினர் சென்று உங்களை விசாரிக்க வந்தோம் என்;று அடிக்கடி மிரட்டி விட்டுச் செல்வர். தமது உறவினரை எப்படியாதல் மீட்கவேண்டடும் என்பதற்காக உறவினரைப் பறிகொடுத்தவர்கள் எந்தத் தொகைப் பணத்தையாதல் கொடுக்க எத்தனிப்பார்கள் என்று இலங்கை அரச கடத்தல் கும்பலுக்கு நன்கு தெரியும். ஆகவே கடத்தபட்டவர் விடுதலை செய்யபடுவார் என்று அவரை மீட்பதற்கு ஏதாவது எமக்கு உதவவேண்டும் என்;ற நிபந்தனை குறித்த கும்பலால் முன்வைக்கப்படுவதுடன் இது தொடர்பாக யாருக்கும் தெரியக்கூடாது என்றும் நிபந்தனையிடப்படும். குறித்த தொகைப் பணத்தைப் பெற்றுக்கொள்ளும்வரை பொலிஸ் நிலையத்தில் தடுத்து வைக்கபடும் இவர்கள் தமது கையங்கரியத்தை நிறைவேற்றியதும் சிங்களத்தில் தாமே எழுதிய வாக்கு மூலத்தில் கையெழுத்;தைப் பெற்றுக்கொண்டு விடுதலை செய்யப்படுகின்றனர்.

http://www.nitharsanam.com/?art=22414