நான் நேற்­றும் இன்­றும் யாழ்ப்­பா­ணத்­திலே இருந்­தேன். நான் 2010ஆம் ஆண்­டி­லும் யாழ்ப்­பா­ணத்­துக்­குச் சென்­றி­ருந்­தேன். 2015ஆம் ஆண்­டில் இன்­றைய அர­ச­த­லை­வர் மைத்­தி­ரி­பால சிறி­சேன மற்­றும் முன்­னாள் அர­ச­த­லை­வர் சந்­தி­ரிகா குமா­ர­ண­துங்க ஆகி­யோ­ரு­ட­னும் யாழ்ப்­பா­ணத்­துக்­குச் சென்­றி­ருந்­துள்­ளேன். அன்­றைய நில­மை­யில் எம்­மீது யாழ்ப்­பாண மக்­கள் மத்­தி­யில் சந்­தேக உணர்வு இருந்­ததை நான் உணர்ந்­தி­ருந்­தேன். ஆனால் இன்று அவற்­றுக்­கெல்­லாம் மாறா­ன­தொரு அர­சி­யல் பார்வை யாழ்ப்­பாண மக்­கள் மத்­தி­யில் நில­வு­கி­றது’’.

‘‘இலங்­கை­யின் ஏனைய பிர­தே­சங்­க­ளில் இருப்­பது போன்­ற­தொரு நில­மையை அண்­மைய எமது யாழ்ப்­பா­ணத்­துக்­கான பய­ணத்­தின்­போது நாம் அனு­ப­வித்­தோம். எங்­க­ளைப் பற்றி யாழ்ப்­பாண மக்­கள் மத்­தி­யில் நில­விய சந்­தேக உணர்வு தற்­போது குறை­வ­டைந்­துள்­ளது. ஆனா­லும் ,தற்­போ­தும் தமிழ்­மக்­க­ளுக்­குப் பிரச்­சி­னை­கள் நிறை­யவே உள்­ளன. அவை எம்­மால் இது­வரை தீர்வு காணப்­ப­டாத பிரச்­சி­னை­க­ளா­கும். ஆனால் தற்­போது அந்­தப் பிரச்­சி­னை­க­ளுக்­குத் தீர்வு காணப்­ப­டக்­கூ­டும் என்ற எதிர்­பார்ப்பு அந்த மக்­க­ளி­டம் நிறைந்­துள்­ளது.

இன்று யாழ்ப்­பா­ணத்தை எடுத்­துக் கொண்­டால், அந்­தப் பகுதி வங்­கி­க­ளில் வட­மத்­திய மற்­றும் ஊவா மாகா­ணங்­க­ளது வங்­கி­க­ளை­விட பெருந்­தொ­கை­யாக நிதி­ வைப்­புச் செய்­யப்­பட்­டுள்­ளது. நாம் இத்­த­கைய நல்­லி­ணக்­கத்தை முன்­னோக்கி எடுத்­துச் செல்­வோ­மே­யா­னால், அர­சி­யல் ரீதி­யி­லான தீர்­வொன்றை ஏற்­ப­டுத்­திக் கொடுப்­போ­மே­யா­னால், எதிர்­வ­ரும் சில ஆண்­டு­க­ளில் யாழ்ப்­பா­ணம் உண்­மை­யில் எமது இலங்­கை­யின் ஒரு­ப­கு­தி­யாக மாற்­ற­மு­றும். எந்­த­வித சந்­தே­கமோ, அச்­சமோ இன்றி வட­ப­கு­தித் தமிழ் மக்­கள் தாம் இலங்­கை­யர்­கள் என்ற உணர்­வு­டன் செயற்­பட முனை­வார்­கள். அத்­த­கைய விதத்­தி­லேயே எனது உணர்­வு­களை வார்த்­தை­க­ளால் வௌிப்­ப­டுத்­தி­னேன். அது உண்­மை­யில் நீங்­க­ளும் உங்­க­ளது தரப்­பி­ன­ரும் தனித்து மேற்­கொண்ட முயற்­சி­க­ளுக்­கான பலா­ப­லன் என நான் கரு­து­கி­றேன். இன்று அத்­த­கைய நம்­பிக்­கை­யு­டன் நாம் இந்த நாட்டை நியா­யம் நீதி நில­வும் ஒரு நாடாக ஆக்­கி­யுள்­ளோம்’’.

தமது பத­வி­யி­லி­ருந்து ஓய்வு பெற்­றுள்ள முன்­னாள் ஆயர் ஒஸ்­மன்ட் கோமிஸ் அடி­க­ளா­ரது ஆயர் பத­வி­யின் ஐம்­ப­தா­வது ஆண்டு நிறைவை முன்­னிட்டு கடந்த வாரம் பண்­டாரநாயக பன்­னாட்டு மாநாட்டு மண்­ட­பத்­தில் இடம்­பெற்ற நிகழ்­வில் கலந்­து­கொண்டு உரை­யாற்­றிய தலைமை அமைச்­சர் ரணில் விக்­கி­ர­ம­சிங்க மேற்­கண்­ட­வாறு தெரி­வித்­தி­ருந்­தார்.

யாழ்ப்­பா­ணம் தற்­போது இலங்­கை­யின்
ஒரு பகு­தி­யாக இல்­லையா?
கேள்வி என்­ன­வென்­றால், தலைமை அமைச்­ச­ரது மேற்­கு­றித்த கருத்து வௌிப்­பாட்­டின்­படி, யாழ்ப்­பா­ணம் தற்­போது இலங்கை நாட்­டின் ஒரு பகு­தி­யாக இல்­லையா? யாழ்ப்­பாண மக்­கள் இலங்­கை­யர்­கள் இல்­லையா? யாழ்ப்­பா­ணம் தற்­போ­தும் எமது இலங்­கைத்­தி­ரு­நாட்­டின் ஒரு பகு­தி­யாக ரணி­லுக்­குத் தோன்­ற­வில்­லையா? என எழும் கேள்­வி­க­ளுக்கு பதி­ல­ளிக்க இய­லா­துள்­ளதே? 2002ஆம் ஆண்­டி­லென்­றால், மேற்­கு­றித்த ரணி­லின் கருத்தை நம்­பு­வ­தற்கு தேவை­யான அத்­தனை கார­ணங்­க­ளும் இருந்­தன. ஏனென்­றால், அந்­தக் கால­கட்­டத்­தில் ரணில் தரப்­பி­னர் மேற்­கொண்ட சமா­தான உடன்­ப­டிக்கை கார­ண­மாக யாழ்ப்­பா­ணப்­ப­குதி மட்­டு­மல்­லாது வட­ப­குதி முழு­வ­துமே இலங்கை அர­சின் நிர்­வா­கத்­தின் கீழ் செயற்­ப­ட­வில்லை என்று எம்­மால் கரு­த­மு­டிந்­த மையே அதற்­கான கார­ண­மா­கும்.

இன்று நாட்­டின் வட­ப­கு­தி­யில் நிலை­கொண்­டுள்ள இரா­ணு­வத்­தி­னரை அங்­கி­ருந்து அகற்­றிக்­கொள்ள வேண்­டு­மென்ற தமிழ்த் தரப்­பி­ன­ரது கோரிக்கை குறித்து கடும் விமர்­ச­னக் கருத்­துக்­களை வெளி­யிட்­டு­வ­ரும் தினேஸ் குண­வர்த்­தன மற்­றும் விமல் வீர­வன்ச தரப்­பி­னர்­கள், அது தொடர்­பாக காட்­டுக்­கத்­தல் கத்­தும் நிலை­யில், ரணி­லின் தலை­மை­யி­லான இன்­றைய கூட்டு அரசு, அது குறித்து ஐந்து சதத்­துக்­குக்­கூட கணக்­கில் எடுக்­காத விதத்­தில் நடந்து கொள்­கி­றது. 2002ஆம் ஆண்­டி­லும்­கூட ரணி­லின் தலை­மை­யி­லான அரசு, எதை­யும் சட்டை செய்­யாத அத்­த­கை­ய­தொரு விதத்­தி­லேயே செயற்­பட்­டது. குச்­ச­வௌிச் சம்­ப­வம் இதற்­குப் பொருத்­த­மா­ன­தொரு உதா­ர­ண­மா­கக் கொள்­ளத்­தக்­கது.

குச்சவௌிச்­சம்­ப­வம் கற்­றுத்­தந்த பாடம்

2002ஆம் ஆண்­டில் குறிப்­பிட்­ட­தொரு நாளன்று, அந்த வேளை­யில் பாது­காப்பு அமைச்­சின் செய­லா­ள­ரா­கச் செயற்­பட்ட ஒஸ்­ரின் பெர்­னாண்டோ, இலங்­கைக்­கான நெதர்­லாந்து தூத­ரு­டன் யாழ்ப்­பா­ணத்­துக்­குச் சென்­றி­ருந்­தார். தமது மதிய உணவை எடுத்­துக்­கொண்­டி­ருந்த ஒஸ்­ரின் பெர்­னாண்­டோ­வுக்கு கடற்­ப­டைத் தள­பதி மூல­மாக கெட்ட செய்­தி­யொன்று கிடைத்­தது. ஆயு­தம் தாங்­கிய இரு­பது பேர் வரை­யி­லான விடு­த­லைப்­பு­லி­கள் அமைப்­புப் போரா­ளி­கள் குச்­ச­வௌிப் பி­ர­தே­சத்­துள் நுழைந்­தி­ருப்­ப­தா­க­வும், அவர்­களை இலங்­கைக் கடற்­ப­டை­யி­னர் சுற்றி வளைத்­தி­ருப்­ப­தா­க­வும் ஒஸ்­ரின் பெர்­னாண்­டோ­வுக்கு தெரி­விக்­கப்­பட்­டி­ருந்­தது. குறித்த தக­வ­லால் குழப்­ப­ ம­டைந்­து­போன ஒஸ்­ரின் பெர்­னாண்டோ, போர் நிறுத்­தக் கண்­கா­ணிப்­புக் குழு­வி­னூ­டாக விடு­த­லைப்­பு­லி­கள் அமைப்­புக்கு செய்­தி­யொன்றை அனுப்­பி­வைத்­தார். ஆனால் அதற்கு விடு­த­லைப்­பு­லி­கள் தரப்­பி­லி­ருந்து சாத­க­மா­ன­தொரு பதில் எது­வும் கிடைக்­க­வில்லை.

அர­சின் நிர்­வா­கத்­தின் கீழ் இருந்து வந்த குச்­ச­வௌிப் பி­ர­தே­சத்­துக்­குள் பிர­வே­சித்­தி­ருந்த விடு­த­லைப் புலிப்­போ­ரா­ளி­கள் ‘‘இது எமது கட்­டுப்­பாட்­டில் உள்ள பிர­தே­சம். நீங்­கள் புத்­தி­சா­லித்­த­ன­மாக இங்­கி­ருந்து வில­கிச் சென்று விடுங்­கள்’’ என அரச படை­யி­னரை மிரட்­டி­னர். அரச படையினர் என்­ன­தான் எடுத்­துச் சொன்ன போதி­லும், விடு­த­லைப்­பு­லிப் போரா­ளி­கள் படை­யி­ன­ரது பேச்­சுக்கு மதிப்­புக் கொடுக்­க­வில்லை. நாங்­கள் உங்­கள் மீது மோதல் தொடுத்து உங்­க­ளைக் கைது செய்­யப்­போ­கி­றோம் என கடற்­ப­டைத் தள­பதி விடு­த­லைப்­பு­லிப் போரா­ளி­க­ளுக்கு தக­வல் அனுப்­பி­னார். அந்­தச் செய்­திக்­குக்­கூட புலிப் போரா­ளி­கள் எவ்­வித மதிப்­பும் கொடுக்­க­வில்லை. ‘‘பர­வா­யில்லை, வேறு போர்­வீ­ரர்­கள் அணியை வேண்­டு­மா­னா­லும் அனுப்­பிப்­பா­ருங்­கள். நாங்­கள் மோது­வ­தற்­குத் தயார்’’ என விடு­த­லைப்­பு­லிப் போரா­ளி­கள் பதில் தக­வல் அனுப்­பி­னர்.

இத­னால் கடுங்­கு­ழப்­பத்­துக்­குள்­ளான பாது­காப்பு அமைச்­சின் செய­லா­ளர் ஒஸ்­ரின் பெர்­னாண்டோ, சிக்­க­லுக்­கான தீர்­வொன்றை முன் வைத்தார். அதற்கு முன்­னர் ஒரு சந்­தர்ப்­பத்­தில் விடு­த­லைப்­பு­லி­க­ளது கட்­டுப்­பாட்­டில் இருந்த பகு­திக்­குள் பிர­வே­சித்­த­தால் விடு­த­லைப்­பு­லி­க­ளால் கைதுசெய்யப்பட்டுத் தடுத்து வைக்­கப்­பட்­டி­ருந்த பொலிஸ் உத்­தி­யோ­கத்­தர் ஒரு­வரை விடு­த­லைப்புலி­கள் விடு­விப்­பார்­க­ளா­னால், கடற்­ப­டை­யி­ன­ரால் சுற்றிவளைக்­கப்­பட்­டி­ருந்த விடு­த­லைப்­புலி உறுப்­பி­னர்­கள் 20பேரை­யும் கைது செய்­யாது, குறித்த பகு­தி­யி­லி­ருந்து திரும்­பிச் செல்ல அனு­ம­திக்­கத் தயா­ரென கடற்­ப­டைத் தரப்­பி­ன­ரால் விடு­த­ லைப்­பு­லி க­ளுக்­குத் தக­வல் தெரி­விக்­கப்­பட்­டது. அந்­தச் சம­ரச முயற்­சிக்­கும் விடு­ த­லைப்­பு­லி­கள் உட­ன­டி­யா­கச் சம்­ம­தம் தெரி­விக்­க­வில்லை.

இருந்­த­போ­தி­லும், கடற்­ப­டை­யி­னர் தாம் கூறி­யது போன்று தம்­மால் சுற்­றி­வ­ளைக்­கப்­பட்ட நிலை­யி­லி­ருந்த அந்த விடு­த­லைப்­புலி உறுப்­பி­னர்­கள் 20பேரை­யும் எவ்­வித இடை­யூ­றும் ஏற்­ப­டுத்­தாது விடு­த­லைப்­பு­லி ­க­ளது கட்­டுப்­பாட்­டுப் பிர­தே­சத்­துக்­குள் திரும்­பிச்­செல்ல அனு­ ம­தித்­த­னர். இருந்தபோதி­லும், விடு­த­லைப் புலி­க­ளால் தடுத்து வைக்­கப்­பட்­டி­ருந்த குறிப்­பிட்ட அந்­தப் பொலிஸ் உத்­தி­யோ­கத்­தர், விடு­த­லைப் புலி­க­ளால் அர­சின் கட்­டுப்­பாட்­டுப் பகு­திக்கு மீண்­டு­வர அனு­ம­திக்­கப்­ப­ட­வில்லை. மேற்­கு­றித்த விதத்­தி­லேயே அந்த வேளைய பேரம் பேசல்­க­ளின்போது விடு­த­லைப்­பு­லி­கள் தரப்பு விட்­டுக் கொடுக்­காது, இறுக்­க­மாக நடந்து கொண்­டி­ருந்­தது.

விடு­த­லைப்­பு­லி­களை பன்­னாட்­டுத் தரப்பு அங்­கீ­க­ரிக்க வைத்­தது ரணி­லின் போர் நிறுத்த உடன்­ப­டிக்கையே
2002ஆம் ஆண்­டுக் காலப்­ப­கு­தி­யில் விடு­த­லைப் புலி­கள் அமைப்பு பன்­

னாட்டு அங்­கீ­கா­ரத்­தைப் பெற்­றி­ருந்­தி­ருக்­க­வில்லை. சமா­தா­னப் பேச்­சுக்­கள் என்ற போர்­வை­யில் நோர்வே அரசு, பிர­பா­க­ரனை ஒரு போராட்ட வீர­ரா­கச் சித்­த­ரிக்­கவே முயற்­சித்­தது. போர் நிறுத்த உடன்­ப­டிக்கை என்­ப­த­னூ­டாக விடு­த­லைப் புலி­கள் அமைப்­பி­னர் அர­சி­யல் பிரிவு என்ற ஒரு பிரிவை உரு­வாக்­கிக் கொண்­ட­னர். அந்­தப் பிரி­வின் தலை­வ­ராக நிய­மிக்­கப்­பட்ட புலித்­தே­வன், ரணி­லின் புண்­ணி­யத்­தில் ஐரோப்­பா­வில் தங்க முடிந்­தது. சுக­வீ­னம் கார­ண­மாக மருத்­துவ சிகிச்­சைக்­கென புலித்­தே­வன் கொழும்­புக்கு வந்­தி­ருந்­தார்.

2002ஆம் ஆண்­டில் போர் நிறுத்த ஒப்­பந்­தம் கைச்­சாத்­தி­டப்­ப­டு­வ­தற்கு முன்­னர், ரணில் கொழும்பு மற்­றும் கொழும்­பின் புற­ந­கர்ப் பகு­தி­க­ளில் செயற்­பட்ட இரா­ணுவ காவ­ல­ரண்­களை அகற்ற நட­வ­டிக்கை எடுத்­தி­ருந்­தார். ரணில் தற்­போ­தும்­கூட அத்­த­கைய நட­வ­டிக்­கை­யையே மேற்­கொண்டு வரு­கி­றார். ரணி­லின் அன்­றைய மற்­றும் இன்­றைய செயற்­பா­டு­க­ளி­லுள்ள மாறு­பாடு என்­ன­வெ­னில், முன்­னைய சந்­தர்ப்­பத்­தில் பிர­பா­க­ரன் உயி­ரு­டன் இருந்­தார் என்­பது மட்­டுமே. ரணில் அந்த வேளை­யில் அவ்­வி­தம் இரா­ணு­வக் காவ­ல­ரண்­களை அகற்றி அதன்­மூ­லம் நாட்டு மக்­க­ளுக்கு ஒரு­சிறு உற்­சா­கத்தை ஏற்­ப­டுத்த முயன்­றார். அந்த வாய்ப்­பைப் பயன்­ப­டுத்தி, விடு­த­லைப்­பு­லி­கள் குண்­டு­கள், வெடி மருந்­து­கள், தற்­கொ­லைக்­குண்­டு­தா­ரி­கள் மற்­றும் தமது இயக்­கப் புல­னாய்­வா­ளர்­களை கொழும்­புக்­குள் உட்­கொண்டு வந்து ஊடு­ருவ வைத்­தி­ருந்­த­னர், அத்­தோடு, விடு­த­லைப்­பு­லி­கள் தமக்­கென குறி­பார்த்­துச் சுடும் பிஸ்­டல் குழு­வை­யும் உரு­வாக்­கிக்­கொண்­ட­னர்.

பேச்சு மேசை­யி­லி­ருந்து
வில­கிக் கொண்ட விடு­த­லைப் புலி­கள்
இத்­த­கைய விதத்­தில் தாம் மேற்­கொள்ள விரும்­பி­யி­ருந்த சகல ஏற்­பா­டு­க­ளை­யும் பூர்த்­தி­செய்து கொண்ட பின்­னர், விடு­த­லைப் புலி­கள் நொண்­டிச் சாட்­டுக்­களை முன்­வைத்து சமா­தா­னப் பேச்­சுக்­க­ளி­லி­ருந்து வௌியே­றி­னர். ரணி­லின் தலை­மை­யி­லான அர­சுக்கு அத­னை­ய­டுத்தே விடு­த­லைப் புலி­க­ளது உள்­நோக்­கம் தௌிவா­கப் புலப்­பட ஆரம்­பித்­தது. விடு­த­லைப்­பு­லி­களை மீண்­டும் சமா­தா­னப் பேச்­சுக்­க­ளில் இணைய வைக்க ரணில் தரப்­பி­னர் கடும் முயற்­சி­களை மேற்­கொண்­ட­னர்.
2001ஆம் ஆண்­டுக் கால­கட்­டத்­தில் நாட்­டின் பாது­காப்­புப் படைத்­த­ரப்பு சிறப்­பான தரப்­பாக பெய­ரீட்­டி­யி­ருந்­தது. விடு­ த­லைப்­பு­லி­க­ளுக்கு எதி­ரான தமிழ் அமைப்­புக்­கள் மற்­றும் தனி நபர்­க­ளது உத­வி­யு­டன் விடு­த­லைப் புலி­க­ளது கட்­டுப்­பாட்­டுப் பிர­தே­சங்­க­ளில் இலங்கை அரச படைத்­த­ரப்பு சிறந்­த­தொரு புல­னாய்­வுப் பிரிவு வலை­ய­மைப்பை நடை­மு­றைப்­ப­டுத்தி வந்­தது. விடு­த­லைப்­பு­லி­கள் தரப்பு அர­ச­ப­டைத் தரப்­பின் அத்­த­கைய புல­னாய்­வுப் பிரிவு குறித்து அச்­ச­ம­டைந்­தி­ருந்­த­னர். சமா­தான ஒப்­பந்­தம் என்ற போர்­வை­யில் விடு­த­லைப்­பு­லி­கள் அந்­தப் பிரச்­சி­னைக்­கும் தீர்வு தேடிக்­கொண்­டார்­கள்.

தமது இலக்­கில்
வெற்­றி­கண்ட விடு­த­லைப்­பு­லிகள்
தமக்கு எதி­ரான தமிழ்ப் போரா­ளித் தரப்­புக்­களை நிரா­யு­த­பா­ணி­க­ளாக்க வேண்­டு­மென விடு­த­லைப்­பு­லி­கள் அமைப்பு நிபந்­தனை முன்­வைத்­தது. ரணில் உட­ன­டி­யா­கவே அதற்கு ஒப்­பு­தல் தெரி­வித்­தார். இத­னால் இரா­ணு­வப் புல­னாய்­வுப் பிரி­வு­டன் சேர்ந்து இயங்­கிய புளொட், ஈ. பி. டி .பி போன்ற அமைப்­புக்­க­ளது உறுப்­பி­னர்­கள் பலர் ஆயு­தங்­கள் களை­யப்­பட்ட நிலை­யில் விடு­த­லைப் புலி­க­ளால் கொல்­லப்­பட்­ட­னர். பாது­காப்­புத் தரப்­பின் நிபு­ணர்­க­ளது ஆலோ­சனை எது­வும் பெறாது தன்­னிச்­சை­யாக ரணில் மேற்­கொண்ட 2002ஆம் ஆண்­டின் போர் நிறுத்த உடன்­பாடு வர­லாற்­றில் பெரும் துரோ­க­ மா­ன­தொன்று என்ற கருத்து முற்­று ­மு­ழு­தாக உண்­மை­யா­னதே.

பயங்­க­ர­வாத அமைப்பு என்ற விதத்­தில் பன்­னாட்­டுத் தரப்­புக்­க­ளால் கணிக்­கப்­பட்டு வந்த விடு­த­லைப்­பு­லி­கள் அமைப்­புக்கு, உலக அங்­கீ­கா­ரத்­தைப் பெற்­றுக்­கொ­டுத்­தது, 2002ஆம் ஆண்­டின் ரணி­லின் அரசே. அந்த ரணில் இந்த ஆண்­டில் விடு­த­லைப் புலி­க­ளுக்கு வௌ்ளைய­டித்­துக்­காட்­டி­யி­ருக்­கி­றார். போர் முடிந்து விட்­ட­போ­தி­லும் ரணில் இப்­போ­தும் அர­சி­யல் அரங்­கி­லேயே உள்­ளார். ரணி­லைப் பொறுத்­த­வரை, இன்று யாழ்ப்­பா­ணத்­தில் வாழ்­வோர் இலங்­கை­யர்­கள் அல்லர். யாழ்ப்­பா­ணம் இலங்­கை­யின் ஒரு பகு­தி­யென ரணில் கரு­த­வில்லை. விடு­த­லைப்­பு­லி­கள் இனி ஒரு­போ­தும் தலை­யெ­டுக்­கப்­போ­வ­தில்லை. இவ்­வா­று­தான் ரணில் கரு­து­கி­றார்.

ஆனால் நிதர்­சன உண்மை அது­வல்­லவே. மூன்று தசாப்­த­கா­லப்­போர் முடிந்­து­விட்­டது. மீண்­டும் போரொன்று அவ­சி­ய­மில்லை. இலங்கை தற்­போது பிள­வு­ப­டாத ஒரு நாடு. யாழ்ப்­பா­ணம் அந்­தப் பிள­வு­ப­டாத நாட்­டின் ஒரு நக­ரமே. யாழ்ப்­பாண மக்­கள் இந்­தப் பிள­வு­ப­டாத இலங்கை நாட்­டின் பிர­சை­களே. அவர்­கள் உண்­மை­யில் இலங்­கை­யர்­களே.

2002ஆம் ஆண்­டில் ரணில் பத­விக்­கு­வந்து நாட்­டின் இனப் பிரச்­சி­னைக்கு இதோ தீர்வு கிட்­டப்­போ­கி ­றது என்­றி­ருந்த நிலை­யில், அத­னைக் குழப்­பி­ ய­டித்­தி­ருந்­தார். இப்­போது இந்த 2018ஆம் ஆண்­டி­லும் ரணில் மீண்­டும் அத்­த­கை­ய­தொரு குழப்­ப­நி­லையை உரு­வாக்­கப்­போ­கி­றார். ஆனால் கடந்த சில நாள்­க­ளாக அவர் வௌியிட்­டு­வ­ரும் கருத்­துக்­கள், மேற்­கொள்­ளும் நட­வ­டிக்­கை­களை நோக்­கும்­போது எது­வும் நல்­ல­தா­கத் தோன்­ற­வில்லை.