நெடுந்­தீ­வில் வறட்­சி­- குதி­ரை­கள் உள்­ளிட்ட கால்­ந­டை­கள் இறப்பு!!

நெடுந்­தீ­வில் வறட்­சி­யின் கொடு­மை­யால் குதி­ரை­கள் உள்­ளிட்ட கால்­ந­டை­கள் பெரும்­பா­திப்பை எதிர்­கொண்­டுள்­ளன. அங்­குள்ள குதி­ரை­கள் உரிய பரா­ம­ரிப்பு இன்­மை­யால் தொடர்ந்து உயி­ரி­ழந்து கொண்­டி­ருக்­கின்­றன என்று பிர­தேச மக்­கள் தெரி­விக்­கின்­ற­னர். இந்த விட­யத்­தில் செய்­ய­வேண்­டி­ய­வற்­றைச் செய்­துள்­ளோம்.

மேல­திக நட­வ­டிக்­கை­கள் பற்­றிய திட்­டங்­கள் எது­வும் அதி­கா­ரி­க­ளி­டம் இல்லை அவர்­களே கூறு­கின்­ற­னர்.

நெடுந்­தீ­வில் இது­வரை 10 குதி­ரை­கள் உயி­ரி­ழந்­துள்­ளன என்று பிர­தேச மக்­கள் கவலை தெரி­விக்­கின்­ற­னர்.

யாழ்ப்­பாண மாவட்­டத்­தில் நெடுந்­தீ­வி­லேயே குதி­ரை­கள் காணப்­ப­டு­கின்­றன. இங்கு வரு­கின்ற சுற்­று­லாப் பய­ணி­க­ளும் ஆர்­வத்­து­டன் அவற்­றைப் பார்த்­துச் செல்­கின்­ற­னர்.

குதி­ரை­களை அழி­வி­லி­ருந்து காப்­பற்ற எந்த முயற்­சி­க­ளும் மேற்­கொள்­ளப்­பட வில்லை.

இதன் விளை­வாக நாளாந்­தம் ஒரு குதிரை வீதம் உயி­ரி­ழந்து – அழிந்து கொண்­டி­ருக்­கின்­றது. குதி­ரை­களை அழி­வி­லி­ருந்து பாது­காக்­க­வும், அவற்­றைப் பேண­வும் சம்­பந்­தப்­பட்­ட­வர்­கள் உட­ன­டி­யாக நட­வ­டிக்கை எடுக்க வேண்­டும் என்று அந்­தப்­ப­குதி மக்­கள் கோரு­கின்­ற­னர்.

நெடுந்­தீ­வுப் பகு­தி­யில் குதி­ரை­க­ளுக்­கான லயம் காணப்­ப­டு­கின்­றது. தற்­போ­தைய வறட்­சி­யைக் குதி­ரை­கள் எதிர்­கொள்­ள­மு­டி­யாது அந்­த­ரித்­துத் திரி­கின்­றன. மேய்ச்­ச­லுக்­குப் புல் இல்­லா­த­தோடு குடிப்­ப­தற்­குப் போதிய தண்­ணீ­ரும் இல்­லா­த­தால் இது­வரை சுமார் 10க்கும் மேற்­பட்ட குதி­ரை­கள் உயி­ரி­ழந்­துள்­ளன.

எனவே, அரச திணைக்­க­ளங்­கள் உரிய நட­வ­டிக்­கை­களை மேற்­கொண்டு குதி­ரை­க­ளைப் பாது­காப்­ப­தற்­கும் அவற்றை உரிய முறை­யில் பரா­ம­ரிப்­ப­தற்கு நட­வ­டிக்கை மேற்­கொள்ள வேண்­டு­மென்று பிர­தேச பொது­மக்­கள் கோரிக்கை விடுத்­துள்­ள­னர்.

”நெடுந்­தீ­வுப் பிர­தேச செய­ல­கத்­தின் ஊடா­கக் குதி­ரை­க­ளுக்­குத் தண்­ணீர் வழங்­கப்­பட்டு வரு­கின்­றது. ஆனால் தற்­போ­தைய வறட்சி கார­ண­மாக அண்­மைய நாள்­க­ளா­கக் குதி­ரை­கள் இறந்­து­கொண்­டி­ருக்­கின்­றன. தண்­ணீரை மட்­டும் குடித்து அவை உயிர் வாழ­மாட்­டா­தவை. குதி­ரை­க­ளுக்­குத் தேவை­யான புற்­கள் இல்லை. இதுவே முதன்­மைப் பிரச்­சி­னை­யாக உள்­ளது. அது தொடர்­பில் சம்­பந்­தப்­பட்ட அதி­கா­ரி­யின் கவ­னத்­துக்­குக் கொண்டு சென்­றுள்­ளோம்” என்று நெடுந்­தீவு பிர­தேச சபைச் தவி­சா­ளர் ரொஸாந் தெரி­வித்­தார்.

”நெடுந்­தீ­வில் உள்ள குதி­ரை­க­ளுக்­குத் தண்­ணீர் பிர­தேச செய­ல­கம் ஊடாக வழங்­கப்­ப­டு­கி­றது. ஆனால் அவற்­றுக்­கான புற்­கள், உண­வு­கள் வழங்க எந்த ஏற்­பா­டும் இல்லை. இத­னால் குதி­ரை­கள் இறக்­கின்­றன. அது­மட்­டு­மல்­லாது வயது முதிர்ந்த குதி­ரை­கள் இறந்து கொண்­டி­ருக்­கின்­றன” என்று வன­ஜீ­வ­ரா­சி­கள் திணைக்­கள அதி­கா­ரி­கள் கூறு­கின்­ற­னர்.

”நெடுந்­தீ­வில் வறட்சி கார­ண­மா­கக் குதி­ரை­கள் மட்­டும் பாதிப்­ப­டை­ய­வில்லை. இங்கு வாழ்­கின்ற ஆயி­ரத்து 428 குடும்­பங்­க­ளும் பாதிக்­கப்­பட்­டுள்­ளன. அவர்­க­ளுக்­குக் குடி­தண்­ணீரை தாரப்­பிட்­டி­யி­லி­ருந்து எடுத்­து­வந்து விநி­யோ­கிக்­கின்­றோம். ஆனால் இந்த நிலைமை தொடர்ந்­தால் குடி­தண்­ணீர் இல்­லாத ஆபத்­துக்கு வர­லாம் என்ற ஆபத்து உள்­ளது. நாம் மாவட்­டச் செய­ல­கத்­தின் ஊடாக வறட்சி நிவா­ர­ணம் விவ­சா­யி­க­ளுக்கு வழங்கி வரு­கின்­றோம். ஆனால் அங்­குள்ள ஏனைய மக்­க­ளும் வெகு­வா­கப் பாதிக்­கப்­பட்­டுள்­ள­னர்.

இந்­தப் பிர­தே­சத்­தில் உள்ள குதி­ரை­க­ளில் வயது முதிர்ந்த குதி­ரை­கள் வறட்­சி­யைத் தாங்க முடி­யாது உயி­ரி­ழந்­துள்­ளன.

அது­மட்­டு­மல்­லாது தற்­போது உள்ள குதி­ரை­க­ளும் தண்­ணீரை மட்­டும் குடித்து வாழ்­வ­தால் மெலிந்த நிலை­யில் ஆபத்தை எதிர்­நோக்கி உள்­ளன. வறட்­சி­யால் குதி­ரை­கள் மட்­டு­மல்­லாது மாடு­க­ளும் உயி­ரி­ழந்­துள்­ளன. இது­வ­ரை­யில் 15 மாடு­கள் இறந்­துள்­ளன. மழை இல்­லாத நிலைமை தொடர்ந்­தால் பாதிப்பு அதி­க­மா­கும்” என்று நெடுந்­தீ­வுப் பிர­தேச செய­லா­ளர் தெரி­வித்­தார்.