எம்.ஜி.ஆர். நினைவிடத்தில் அரச தலைவர்கள் அஞ்சலி!

[கிருபன்]

எம்.ஜி.ஆர். நினைவிடத்தில் அரச தலைவர்கள் அஞ்சலி!

எம்.ஜி.ஆரின் 31 ஆவது நினைவு தினத்தை முன்னிட்டு, சென்னை மெரீனா கடற்கரையில் அமைந்துள்ள அவரது நினைவிடத்தில், அ.தி.மு.க. உறுப்பினர்கள் இன்று (திங்கட்கிழமை) அஞ்சலி செலுத்தியுள்ளனர்.

தமிழகத்தின் மறைந்த முதலமைச்சரும், அ.தி.மு.க.வின் முன்னாள் ஒருங்கிணைப்பாளருமான எம்.ஜி.ஆரின் நினைவு தினத்தைமுன்னிட்டு, தமிழக முதலமைச்சர் எடப்பாடி பழனிச்சாமி, துணை முதலமைச்சர் ஓ. பன்னீர் செல்வம், அ.தி.மு.க. நாடாளுமன்ற மற்றும் சட்டமன்ற உறுப்பினர்கள், என பலரும் இன் நிகழவில்கலந்து கொண்டு, அவரது நினைவிடத்தில்  இன்று அஞ்சலி செலுத்தியுள்ளனர்.

இவர்கள் எம்.ஜி.ஆரின் நினைவிடத்தில் மலர்த் தூவி அஞ்சலி செலுத்தியதையடுத்து, நினைவிட வாயிலில் உறுதிமொழிகளையும் ஏற்றுக்கொண்டனர்.

கடந்த 1917 ஆம் ஆண்டு ஜனவரி 17 ஆம் திகதி, கண்டியில் பிறந்த எம்.ஜி.ஆர், தமிழகத்தின் முன்னணி நடிகராகவும், மூன்று தடவைகள் தமிழக முதலமைச்சராகவும் திகழ்ந்துள்ளார். ஆரம்பக் காலத்தில் நாடகங்களில் நடித்த இவர், காந்தியடிகளின் கருத்துகளால் ஈர்க்கப்பட்டு இந்திய தேசிய காங்கிரசில் இணைந்துக்கொண்டார்.

சதிலீலாவதி என்ற திரைப்படம் மூலம் தமிழக திரைத்துறைக்கு அறிமுகமாகி, கதாநாயகனான பின்னர், அறிஞர் அண்ணாவின் அரசியல் கருத்துகளில் ஈர்க்கப்பட்டு திராவிட முன்னேற்றக் கழகத்தில் இவர் இணைந்துக்கொண்டார்.

அண்ணாவின் மறைவுக்குப்பிறகு, கருணாநிதியால் தி.மு.கவிலிருந்து நீக்கப்பட்டதைத் தொடர்ந்து, அண்ணா திராவிட முன்னேற்றக் கழகத்தை ஸ்தாபித்து, தேர்தலில் களமிறங்கி தொடர்ச்சியாக மூன்று தடவைகள் தமிழகத்தின் முதலமைச்சராக இவர் பதிவிவகித்தார்.

இந்தியாவின் உயரிய விருகளில் ஒன்றான ‘பாரத ரத்னா’ விருதுகள் உள்ளிட்ட பல்வேறு விருகளுக்குச் சொந்தக்காரரான இவர், 1987 ஆம் ஆண்டு டிசம்பர் 24 ஆம் திகதி தனது 70 ஆவது வயதில் இயற்கை எய்தினார்.

 

http://athavannews.com/எம்-ஜி-ஆர்-நினைவிடத்தில்/