அனைத்துலக மன்னிப்புச் சபையின் பிரதிநிதிகள் இலங்கைக்கு விஜயம் செய்வதற்கு அனுமதி மறுப்பு.

- பண்டார வன்னியன் வுரநளனயலஇ 17 யுpசடை 2007 12:11

இலங்கையில் அதிகரித்திருக்கும் மனித உரிமை மீறல்களுக்கு எதிராகப் பிரசாரத்தை ஆரம்பித்திருக்கும் அனைத்துலக மன்னிப்புச் சபையின் பிரதிநிதிகள் இலங்கைக்கு விஜயம் செய்வதற்கு அனுமதி மறுக்கப்பட்டுள்ளது.

இலங்கை அரசாங்கத்தின் பணிப்புரைக்கமைய இலங்கை வருவதற்காக விண்ணப்பத்திருந்த அனைத்துலக மன்னிப்புச் சபையின் இரண்டு பிரதிநிதிகளுடைய விசா அனுமதி லண்டனிலுள்ள இலங்கைத் தூதரகத்தால் மறுக்கப்பட்டிருப்பதாகத் தகவல்கள் வெளியாகியுள்ளன.

“அவர்களின் நடவடிக்கைகளை ஏற்றுக்கொள்ள முடியாதுள்ளது. அனைத்துலக மன்னிப்புச் சபையின் அதிகாரிகளை இலங்கைக்குள் அனுமதிப்பதில் சிக்கல்கள் ஏற்பட்டுள்ளன. அவர்களின் கோரிக்கையை உடனடியாகக் கவனத்தில் எடுக்கமாட்டோம்” என இலங்கை அரசாங்கத்தின் உயர்மட்ட அதிகாரி ஒருவர் கூறியதாகக் கொழும்பு ஊடகமொன்று செய்தி வெளியிட்டுள்ளது.

அவர்களின் இலங்கை விஜயம் மிகவும் முக்கியமானதாக நாங்கள் கருதவில்லையென அந்த அதிகாரி கூறியுள்ளார்.

இலங்கையில் அதிகரித்திருக்கும் மனித உரிமை மீறல்கள் குறித்துக் கண்காணிப்பதற்கு சுயாதீன சர்வதேசக் கண்காணிப்புக் குழுவொன்றை அமைக்குமாறு கோரி அனைத்துலக மன்னிப்புச்சபை “விதிமுறைகளின் படி விளையாடு” எனும் தலைப்பில் சர்வதேச ரீதியிலான பிரசாரமொன்றை ஆரம்பித்துள்ளது.

இந்தப் பிரசார நடவடிக்கைக்கு ஆரம்பம் முதல் எதிர்ப்புத் தெரிவித்துவரும் இலங்கை அரசாங்கம் பிரசார நடவடிக்கைகளை தடுத்து நிறுத்துவதில் தீவிரம் காட்டிவரும் நிலையில் அனைத்துலக மன்னிப்புச் சபையின் பிரதிநிதிகள் இலங்கை வருவதற்கான விசா அனுமதி நிராகரிக்கப்பட்டுள்ளது.

இதேவேளை, விசா அனுமதி வழக்குமாறு விடுத்திருக்கும் கோரிக்கைக்கு சாதகமான பதில் கிடைக்குமெனத் தாம் நம்புவதாக அனைத்துலக மன்னிப்புச் சபையின் தெற்காசியப் பிராந்தியத்துக்கான ஆய்வாளர் ஜோலன்ட் பொஸ்டர் கூறியுள்ளார்.

இலங்கையின் மனித உரிமை மீறல்கள் குறித்து ஆய்வுகளை நடத்துவதற்கு இலங்கைக்கு விஜயம் மேற்கொள்ள வேண்டுமென பல மாதங்களுக்கு முன்னரே அரசாங்கத்துக்கு அறிவித்திருந்தோம் என அவர் தெரிவித்துள்ளார்.

சங்கதி

ஸ்ரீலங்காவின் பாடு திண்டாட்டம்தான். மன்னிப்புச் சபை பிரதிநிதிகள் வந்தாலும் பாதகம், அனுமதி மறுத்தாலும் பாதகம்.