கோரைக் கிழங்கும் சல்லி முட்டியும்………..

[சாமானியன்]

கோரைக் கிழங்கும் சல்லி முட்டியும்………..

 

எனது  தாயார்   இந்த  பாடலை  அடிக்கடி   சொல்வார்  “ கோரைக்  கிழங்கு  புடுங்க  கேட்க   கோவிச்சுக்  கொண்டாராம்  பண்டாரம்  , அவிச்சுக்  குவிச்சு  முன்னால   வைக்க  சிரிச்சுக்  கொண்டாராம்  பண்டாரம்  “ என்று  .

வேறொன்றுமில்லை  , இன்று  காலை  வெந்நீர்க்   குளியலின்  நடுவே  தெறித்து  விழுந்த  எண்ணப்  பாடொன்று  , பகிர்ந்து  கொள்ளலாம்  என  தோன்றிற்று 

யாழ்  திண்ணையில்   கருத்தாடுவது  மனதுக்கு  இதமான  ஒரு  விடயமாக  இருக்கிறது.   

திண்ணை  வாசிகள்  ஒவ்வொருவரின்  தனித்  தன்மையையும்    வெகுவாக  இரசிக்கக்  கூடியதாக  இருக்கின்றது.  உண்மையில்  எல்லோரையும்  கடந்த  2012 இலிருந்து  ரசித்துக்  கொண்டு  வருகிறேன்.   மிக   அண்மைக் காலங்களில்  இருந்து  தான்  குந்தியிருந்து  நாலு  கதை  பேச   வாய்த்திருக்கின்றது.

முகமறியாமல்  உரையாடுவது      என்பது  உரையாடல்களில்     சாதாரணமாக  இருக்கக்கூடிய  பல  தடைகளை  இல்லாமல்  செய்து  ஒவ்வொருவரும்  தத்தமக்கே   உண்மையாக  இருக்கக்  கூடியதாக  இருக்கின்றது. யாழ்  திண்ணையின்   பலன்களில்  இது  முக்கியமானதொன்றாக  அமைகின்றது   என  நினைக்கின்றேன்.

சமூக  கடப்பாடுகள்  பற்றியும்  ஒரு  தனிப்  பகுதி  இருக்கின்றது.   பலர்  பதிவுகள்  இட்டும்,   தனிப்பட்ட  முறையில்  பங்களிப்புகளை  வெளிப்படையாகவும்   மற்றவர்கள்  அறியாமலும்  செய்து  கொண்டிருக்கின்றனர்  அநேகமாக  எங்கள்  எல்லோருமே  ஏதோ  ஒரு  வகையில்  இப்படியான  முயற்சிகளில்  ஈடுபட்டுக்கொண்டிருக்கிறோம்  என  நான்  நம்புகிறேன்.

யாழ்  கூட்டுக்குடும்பமாகவும்   நாங்கள்  இந்த  முயற்சிகளை   முன்னெடுத்தால்  என்ன …..

ஏறக்குறைய 100 அங்கத்தினர்  இருக்கின்றனர்  என  எடுத்துக்  கொண்டால்  (உண்மையில்  எவ்வளவு  என  எனக்குத்  தெரியாது  ஆனால்  இதற்கு  குறையாமல்  இருக்கும்  என  நம்புகிறேன்) , ஒவ்வொருவரும்  ஒரு  கிழமைக்கு  10 வெள்ளி  வீதம்  யாழ்  சல்லி  முட்டியில்  சேமித்தால்  ஒரு  வருடத்தில்  இது   ஏறக்குறைய  52,000 வெள்ளிகளாக  மாறுகின்றது.

உறுப்பினர்கள்  எவராவது   ஒரு  வருடத்தின்  பின்னர்( அல்லது 6  மாதங்களின் பின் )    செயல்  திட்டங்களை  முன்  மொழியலாம்  – உரிய   விபரங்கள் , தரவுகள்  , நன்மைக்கூற்றுகள்  etc ..etc

யாழ்    திண்ணை  வாசிகள்  இதனை  திண்ணையில்  வைத்து  ஆராய்ந்து    ,  ஒரு  வாக்கெடுப்பு  மூலம்  குறிப்பிட்ட  செயல்திட்டத்தை  முன்னெடுப்பதா  இல்லையா  என  தீர்மானிக்கலாம் .

முன்னெடுப்பது  என்று  தீர்மானிக்கும்  பட்சத்தில்  , திண்ணை  வாசிகள்  அந்த  செயல்  திட்டத்தை  செயற்படுத்துவதற்கு   பொறுப்பாக  3 திண்ணை  வாசிகளை தெரிவு  செய்யலாம்  , (விரும்பும்  திண்ணை  வாசிகள்  தங்களின்  ஒத்திசைவை  தெரிவித்ததின்  மேல் ) அம்மூவருமே  இதற்கு  முழுமையான  பொறுப்பாக  இருப்பார்கள்.

இதனை  செயற்படுத்தும்  ஒரு  பொதுக்கணக்கிற்கு  திண்ணைவாசிகள்  தங்கள் தங்கள்  சல்லி  முட்டியை  திறந்து  உரிய  பங்களிப்பை  செய்து  விட  வேண்டும்  ( ஒரு   சிறிய  செயற்திட்டம்  10,000 வெள்ளி  எனில்  திண்ணை  வாசிகள்  ஒவ்வொருவரும்  100 வெள்ளியை  செலுத்தி  விட்டு  தொடர்ந்து  திண்ணைக்   கருத்தாடல்களில்  ஈடுபடலாம்  பொறுப்பான  மூவரிடமும்  எந்த  கேள்விகளையாவது  கேட்பதை  தவிர்த்துக்  கொண்டு )  . எல்லோரும்  பங்களித்து,   தேவையான  முழுத்  தொகையும்  கணக்கில்  சேர்த்த  பின்னரே  அம்மூவரும்   செயற்திட்டத்தை  நடைமுறைப்  படுத்துதலில்  ஈடுபடுவர்.  அந்த  மூவரும்  செயற்திட்டம்  பற்றி  திண்ணையில்  ஒழுங்கான  அடிப்படையில்  தகவல்கள்  வழங்கிக்  கொண்டிருக்க  வேண்டும்.

முதலாவது  செயற்றிட்டம்  எவ்வாறு  முன்னேறுகிறது    என்பதைப்  பொறுத்து  , இரண்டாவது  , மூன்றாவது  என  திட்டங்களை  தொடரலாம்.   

ஒவ்வொரு  புதுத்  திட்டத்திற்கும்  முன்பே  பொறுப்பாக  இருந்த  உறுப்பினர்களைத்  தவிர்த்து  ஏனையவர்கள்  தெரிவு  செய்யப்  படலாம்.   

என்ன,  கோரைக்  கிழங்கு  புடுங்கிப்  பார்ப்போமா …….

 

[ஈழப்பிரியன்]

29 minutes ago, சாமானியன் said:

கோரைக் கிழங்கும் சல்லி முட்டியும்………

என்ன சாமானியன் இன்னும் அருவரியிலேயே நிற்கிறீர்கள்.அறிமுகத்துக்கு மட்டும் தான் அரிச்சுவடி .நிறைய பகுதிகள் இருக்கின்றன. தேடிப் பார்த்து அந்தந்தப் பகுதியில் பதியுங்கள்.

சல்லிமுட்டி பாவிக்கும் நல்ல பழக்கம் இருக்கோ?நல்லது சேருங்கோ.

[சாமானியன்]

11 minutes ago, ஈழப்பிரியன் said:

என்ன சாமானியன் இன்னும் அருவரியிலேயே நிற்கிறீர்கள்.அறிமுகத்துக்கு மட்டும் தான் அரிச்சுவடி .நிறைய பகுதிகள் இருக்கின்றன. தேடிப் பார்த்து அந்தந்தப் பகுதியில் பதியுங்கள்.

சல்லிமுட்டி பாவிக்கும் நல்ல பழக்கம் இருக்கோ?நல்லது சேருங்கோ.

நன்றி ஈழப்பிரியன் , முன்பு சில தடவை முயற்சி செயதேன் சுய ஆக்கங்கள் மற்றும் அரிச்சுவடி பகுதிகள் மட்டுமே எட்டக் கூடியதாக இருந்தன ,  இப்போது மாறியிருக்கக் கூடும் , அடுத்த முறை பொருத்தமான பகுதியில் இணைக்க முயற்சிப்பேன்